萬金油與孺子牛（第二季）見山無底（第三季連載中）: 26

翌日醒來的時候，Flora照樣不在我身邊。我沒有先去洗手間，反而順走了一片面膜，先去客廳看看她是否還在。我第一次看見，身穿我的長裇衫的Flora在客廳沙發上喝著代餐奶昔，望着窗外景色發呆，仿佛在沉思。

我默默地坐到她身邊，靜靜地望着這個她。
她望向我，微微低頭嘴角上揚。
「點呀Flora姐？我尋晚好唔掂咩？你咁嘅樣…」我當然只是幽默一下。
「你應該知，我冇人可以比較㗎喎……」她烘近我，輕輕道。
「要唔要啊？」我把面膜遞給她。
「做咩啊？用我買嘅面膜同我賠罪啊？」她是說我幫Kerry對付她的「那四個命令」。
「佢細路女黎啫，你唔會同佢計較嘅～」我輕描淡寫。
「佢令到董事會同委員會公開埋我老公啲資料喎，你真係覺得佢係細路女？」她靠在沙發，繼續喝奶昔，又說：「林泳昕嘅能力，就算唔係同一間公司，都唔會睇唔到。」





我主動坐近她，一手擁在她腰間，語氣溫柔地說：「所以如果你要反擊嘅話，我唔會阻止㗎～更何況我心目中嘅葉嘉儀，係五大集團都爭緊、都心服口服嘅女神。點會同啲細路女計較？」
「點啊孫家弘？我而家有冇咁老啊？」她有點小生氣，輕拍我手臂，捏我的二頭肌。
我把她擁緊在懷裏，立刻放低姿態，溫柔地說：「冇～我抵打。咁…你想點對付恆榮，你講，我照你意思。」
她睨了我一眼：「而家恆榮CEO係你，你叫我話你知點樣對付你，有意思咩？」
我笑了。
她生氣了，想推開我，我再把她擁回懷中。
「唔好嬲啦～你想要啲咩？我補償返俾你。」

她曖昧地回頭望向我，與我鼻尖貼上鼻尖，握住我手，似乎在思考。




「你知你欠我啲咩咩？」她輕輕地說，與我對望著。她停頓了一會，補充：「你將地皮嘅主導權交比博聯。我唔係想為難你，我係驚，你唔犧牲塊地皮，TY下一步，會逼你博聯同恆榮二揀一。」

她其實沒有說錯，因為我幫Kerry擋TY，這件事本來就在阻礙TY的行動。TY目前最欠的是時間，我和Kerry可以拖，但他，－定會升級佈局。Flora似乎也很清楚，畢竟Flora Yip在商界的名聲，絕對不是浪得虛名。

我深呼吸一口氣，TY這個局面，我還是需要更多時間。
我放開了手，走過去拿了盒雪茄，打開了露台門。我坐回Flora旁邊點燃雪茄吸了一口，呼了一口。Flora拿起另一根雪茄，望向我：「你呢隻牌子成8000蚊一支，老細，我係李氏做咗咁耐，都唔捨得買。霍生都係需要見客應酬嘅時候先食，你咁豪啊？」
霍生是李氏集團第二把手，也是Flora前上司。傳聞他有可能是香港打工人中薪酬及待遇最高。
「要唔要啖？」我把我這支遞給她。
她毫不客氣接過，吸了一口，呼出。
「佢係貴得有道理嘅～唔係淨係食，係享受…」我接過煙，吸了口，感受著它的香。




「地皮果邊，你俾啲時間我再諗吓。限期之前，點都要處理。」

此時我放在茶几上的電話屏幕亮起，是Kerry的訊息。
「你媽媽同我媽媽尋晚整咗魚子醬蛋糕，佢哋叫我問你今晚要唔要返嚟一齊試吓？」
我看見，Flora也看見了。但我猶豫了一刻，把手機反轉，繼續抽雪茄。

「Auntie咁犀利嘅，連蛋糕都有研究…」反而是Flora開口了。
我繞到她身後，邊從後抱着她邊抽一口煙，呼氣，貼近她臉頰說：「我以為你淨係鍾意用魚子醬眼膜，魚子醬蛋糕你都啱？」
她似乎有點害羞：「你咁留意我嘅咩？」
我把雪茄放到她嘴邊，她含下去吸了一口，自然地呼出。
我想起Kerry說想要Flora用的所有化妝和護膚品。
「其實我都唔係好識呢啲，但係你keep得咁好，係值得我了解吓…」我烘近她。
「咁…交換啊？我買盒眼膜俾你。」
「得一盒眼膜？」
「你仲想要啲咩？」她好奇地問。我真的不知道女人會用什麼，但，我確實想知。她似乎看得出我在想什麼，她說：「其實我地女人護膚呢，真係有好多嘢，但係你唔熟嘅話，我好難知道你想要啲咩㗎喎……」




我抽了一口煙，溫柔地將她的頭髮繞在耳後：「我唔識，你咪教我囉……」
「咁…我教你點查唇膏……」她溫柔地望向我，吻了上來……

Flora先回去更衣上班，我把剩餘的雪茄放回儲存櫃，先去洗涮更衣。

地皮的事，我需要一個決定。

Flora 說得沒錯——目前TY 最缺的是時間，他不會讓我和 Kerry 無限期地拖下去。如果我不主動處理地皮，他的下一步，一定是讓我在博聯和恆榮之間選一個。而那個選擇，比地皮難得多。

我拿起電話，翻到 Kerry 的訊息，回了句：「OK~我會覆返我媽。」