萬金油與孺子牛（第二季）見山無底（第三季連載中）: Donald角度——番外2
「Donald哥，Kerry同Rachel已經傾完，呢度係一啲我哋更新咗嘅法律細節同條款，你可以過目一下。」法律部主管Johnson把文件交給我。
我翻看著，資料保護……
「Johnson，呢個……」
「Kerry話，香港同內地制度唔同，今次係山傲間接有香港公司嘅參與，佢哋向來冇做開港澳市場，係必須要保護投資人權益。佢叫我修改咗一啲關於個人資料嘅requestment。到時會用「資料保護條例」要求山傲法律部改一改關鍵人物背景、同主要投資人嗰個部份。保障我哋恆榮，同山傲雙方。」Johnson說。
「佢係咁講？」我看著其他投資人。
我知道了。梁德言有份信托基金。
哈哈哈……看來Kerry和你對局的籌碼，是Rachel……
喔～～有趣。
「冇問題，你照返呢份文件。」
「知道Donald哥，咁我做嘢先。」他離開了。
「老頑固，聽講你哋啱啱間接投資山傲有份果個project。Rachel呢個世姪女，永軍成日叫大家睇住佢。你有冇關照下先？」
Andy，我們已經相識多年，今天和他去打高爾夫球果嶺。他的技術一如以往，都比我厲害。他以前曾經是香港高爾夫球業餘賽的冠軍，確實是我無法追上。
「哈哈哈…Dee哥，咁你有冇關照下啲世姪女啊？」到我發球，還好碼數超越他的第一桿，是一個好開始。
「拿～我知你仲有你個仔個好朋友要照顧。啱啱升咗做你哋市場部。30歲咁後生，上司同下屬嗰個年紀都大過佢一截，唔擔心後生女，駕馭唔到？」他說Kerry。
「Kerry呢個女，由細到大嘅能力都係咁出眾，你睇佢今次同Rachel嘅合作就知，完全唔怯場。佢比起大佢十年八年果啲，一啲都唔輸蝕㗎……」我再揮桿，球不幸掉進沙池。
「咁佢嘅能力，其他公司嘅角度都睇到。真係鶴立雞群嘅～你不嬲睇人、用人都好有眼光，用合約同盈利說話，從來都係最好嘅證據。」他說。
「哈哈哈…就係囉～如果佢搞得掂佢既上司下屬，證明佢副主管呢個位係實至名歸～」我揮桿，球上了果嶺。
「你今日打得好過平時好多喎～」
「唔打好啲，點追到你嘅level啊？」
「哈哈…你真係…」「哈哈…」……
這天，我兒子Damian －家，還有我老婆回來了。Damian另一個好朋友Timberly也和Damian同一班客機回來。她、Kerry，也會來我家一起吃晚飯。
「乖孫～」我高興地一手抱起我的孫子，Damian走過來：「爹吔，最近公司忙唔忙呀？」
「OK啦，你都知爹吔都做慣咗。」我說。
「你知媽咪成日都想同你去旅行，你遲啲過嚟出trip嘅話請多幾日假，我哋一齊去Paris玩兩日？」他說。
「好啦！我睇下幾時去London聽分公司匯報，或者處理合作。到時再同你同埋你媽咪約時間。」
老婆來了我身邊。
「家才，你有冇叫月姐煲多啲湯俾你飲呀？」她關心我。
「有啊，你上次Facetime，唔係同月姐傾咗啦咩？佢日日都煲唔同嘅湯俾我，你唔使咁擔心。」我和她對望。
她溫柔地幫我整理頭髮：「你份人就係太不拘小節，如果唔係香港太濕熱、空氣唔好成日都搞到我鼻敏感發作瞓唔到覺。我真係唔會由得你呢幾年自己喺香港……」
「芬啊…你唔好咁講啦。」我牽著她手，與她十指緊扣。
Damian抱回我的孫子，裝作發了一個抖說：「爹吔媽咪，你哋太閃啦。我避開下～」
芬和我甜蜜地對望著。
「家才…我好掛住你呀…」她柔情地望向我。
「我都係…」我深情地回應。
此時Kerry和Timberly來了。
「Kerry！Tim！」Damian放下我的孫子給媳婦抱著，跑過去和Kerry擁抱。
「OMG！林泳昕～你又索咗～」
「咁耐冇見，你把口都仲係咁花～好似阿嫂鎖住左你唔俾你出嚟為害人間～」Kerry笑說。
「Kerry～不過你啲皮膚真係好咗，紅粉緋緋咁～…」
他們不約而同望了我一眼，換了個話題。
「聽講你啱啱升咗副主管，Congratulations ~~~」「Ya Congratulations Kerry bb～～We are sooo proud of you~~~」
「多謝Damian哥～多謝Tim Tim~…」
「今晚食完飯，我哋三個出去飲杯嘢慶祝？」Timberly說。
「我OK～不如有人要問過老婆先…」Kerry望向Damian。
Damian轉過身：「老婆！今晚食完飯我同佢哋出去飲杯嘢，3:00前返。」
「你哋小心啲啦咁～」
「多謝阿嫂！」「多謝阿嫂～～」Timberly和Kerry對媳婦叫道。
哈哈哈…這些年輕人……
Kerry上前和我打招呼：「Uncle Donald、Auntie芬。」
「Kerry，你啲皮膚仲係咁好啊～」
「Auntie你過獎喇。啱啱三字頭，遲啲真係要落力啲研究吓護膚。」她微笑。
「點呀？多咗同Rachel做嘢，慣唔慣佢啲style啊？」我主動說。
「Rachel其實本身都好有經驗，佢已經做咗兩年副主管，佢嘅風格，好值得我參考。」她直率地微笑。
哈哈哈…果然是Kerry……
「拎多啲經驗幾時都係一件好事。」
「曾生曾太，可以開飯啦！」
「我哋食完飯再傾～」我說。她點頭微笑。
又回到timberly和Damian身邊聊天。
梁德言，你喜歡的女人，越來越有你的影子…
我們有說有笑。差不多吃完晚飯的時候，Damian提起我們和李氏集團未來會有破天荒的合作這件事。
「爹吔，你哋黎緊同李氏嘅合作好似好大，我喺London睇嗰啲財經消息，你哋嗰日宣佈合作，兩間公司嘅股價升咗8%。」他說。
「係喎，李氏集團而家BD個主管咪Kerry你嘅偶像，Flora Yip葉嘉儀呀？佢真係好犀利呀，我有朋友係佢department嘅下屬，佢都好Target Flora as an aim…」Timberly說。
「我以前做李氏intern跟過咗，佢真係好犀利架。我哋上下兩屆MT，好多人都會特登報有佢嘅Seminar、會搶high table嘅位。佢的確係商界嘅女神……」Kerry一臉欣賞，呷了一口湯。
「咁恆榮同李氏合作，Kerry，你有冇機會同Flora交手啊？」Damian問。
Kerry似乎在猶豫和沉思，她望了我一眼，又望向Timberly和Damian：「我都想，不過我係副主管，主要都係輔助我上司Roger。而且我經驗尚淺，都仲需要提攜。」
「Kerry你能力咁高，冇問題啦！爹吔可？」Damian望向我，他們也望向我。
「Kerry係憑自己實力做副主管嘅。你哋知我不嬲都係人才就任用，Flora都係一個不可多得嘅人才。如果有呢個機會跟佢攞多啲經驗，的確會進步得更快。」我微笑。
哈哈……林泳昕，你真的很有野心。
他們點點頭。