《在筲箕灣下車》: 第九章：攤牌：我哋都長了嘴

第二日禮拜日，沈微醒嚟嘅時候已經係下晝一點

佢見到我坐在塑膠櫈度，面前擺著兩杯已經放涼咗嘅水
佢好似感應到啲咩咁，面色有些少發白，默默咁喺床度坐直個身

我哋之間，沒有低段位言情小說入面嗰種「你呃我、我瞞你」嘅狗血誤會
我哋都長了嘴，亦都太了解彼此

「你睇到啦？」沈微低低咁開口，眼神唔敢直視我





「嗯，睇到 條項鍊好靚」我把聲好平靜，平靜到連我自己都覺得吃驚

沈微深吸了一口氣，然後攬住自己對膝頭哥，縮喺床角
那種姿態，同十四歲嗰年佢唔合格時一模一樣，但今次，佢唔再係因為心虛，而係因為抉擇

「阿哲，對唔住……」佢眼眶開始紅，眼淚一滴一滴咁跌落床單度
「江澤佢……佢帶到我去一啲我從未想像過嘅世界 同佢一齊，我可以傾我嘅理想，可以睇到好遠嘅未來 但同你一齊……」

佢吞吐咗一吓，沒有講落去





「但同我一齊，你只會見到呢間百幾呎嘅劏房，見到食唔完嘅兩餸飯，同埋永遠都供唔起嘅樓，係咪？」我幫她把未講完嘅話講埋出嚟

沈微沒有反駁，只是將塊臉埋入膝頭哥度，哭得成個人抽搐

「阿哲，同你在一起真係好好，你對我好好，好安穩……但我今年先二十六歲，我好驚，我真係好驚我呢一世就咁到頭
我想去見識吓出面嘅世界，我想去冒險，你明唔明啊？」

我睇住佢哭到紅晒嘅雙眼，心入面那座由十四歲開始建立嘅城堡，喺呢一瞬間，徹底粉碎

我明白 我點會不明白？佢係一隻想要飛向高空嘅海鷗，而我，只是她起飛前落腳嘅一塊礁石




我自以為是嘅「安穩」，對渴望冒險嘅佢嚟講，原來只是一個想早日逃離嘅黑洞