《在筲箕灣下車》: 第十八章：保持安全距離嘅同事

因為嗰晚嘅對話，我內心充滿咗防備與掙扎
我開始刻意同秋晚保持距離

喺辦公室度，我重新做回那個公事公辦嘅陸哲
中午叫外賣，我唔再叫佢幫手；出入茶水間，見到佢行入嚟，我會點一點頭就側身走開

「阿哲，你最近同隔離位舊林妹妹好似好生疏喎？鬧交啊？」阿強過嚟八卦

「冇，不嬲都係普通同事」我冷淡咁答





秋晚好聰明，佢好快就察覺到我刻意築起嘅護城河
但佢沒有糾纏，亦沒有擺出一副受害者嘅姿態
佢極度清醒且自尊地配合着我

我唔叫外賣，佢就默默自己食飯盒
我見到佢轉身走，佢下次就會特登等我行出茶水間先入去

但習慣是一件好恐怖嘅事

習慣了桌角每天準時出現嘅熱杏霜，習慣了生病時會有人默默擺底胃藥




當這一切突然消失，辦公室嘅冷氣好似變得特別凍

有幾次，我做緊 Report 遇到樽頸，習慣性咁想轉頭問佢「喂，呢個 Data……」
但一轉頭，看到佢戴着耳機、正專心打字嘅側臉，那句說話就硬生生塞喺喉嚨

有一次放工，天忽然落起大雨
我企喺灣仔公司大堂，看着外面密密麻麻嘅雨傘，下意識咁摸了摸袋，先起自己今日冇帶遮

就在這時，林秋晚拿著一把透明傘，由電梯口行出來





我哋眼神意外撞上
我有些少尷尬，正打算硬着頭皮衝入雨幕

但秋晚只是行到我身邊，將手上面那把透明傘硬塞入我手
然後由袋度拎出另一把折疊傘，開遮，直接走入雨中，由頭到尾冇同我講過一隻字

望住手上那把帶著佢掌心微溫嘅透明傘，我站在原地，笑得比哭還難看
陸哲啊陸哲，你以為你保持咗安全距離，但其實人哋嘅偏愛，一早已經無孔不入