《在筲箕灣下車》: 第十七章：對吾住，我只係需要一個港口

自從嗰個雨夜之後，我同秋晚嘅關係，產生咗一啲微妙嘅變化

放工之後，我哋開始頻繁一齊食飯
有時係去太安樓掃街，有時係去西灣河海濱長廊散步
秋晚好少講自己嘅事，佢大多數時間都係靜靜咁聽我講 聽我講中學同沈微嘅趣事，聽我發洩職場上嘅不順心

但人越清醒，內心就越內疚

有一晚，行到嘉亨灣出面嘅碼頭，海風吹過嚟帶點鹹味
我望着身邊正幫我拉緊外套拉鍊嘅秋晚，心入面那種拉扯感突然爆發





「秋晚，」我退後半步，避開咗佢隻手，眼神有啲掙扎，「你……你對我咁好，不值得」

秋晚隻手僵喺半空，眼神黯淡咗一瞬，但好快又回復咗平日嘅平靜「點解咁講？」

「我知你想救我，但我好自私」我抓緊拳頭，低下頭唔敢睇佢，
「我個心仲有一大半塞死咗沈微嘅影子
我而家同你一齊，好可能只係因為我太驚孤獨，我只係需要一個可以避風嘅港口……這對你太唔公平喇」

我唔想做個利用人哋善良嘅渣男




沈微傷咗我，我唔可以轉頭去傷害另一個無辜嘅女仔

秋晚聽完，沒有哭，亦沒有生氣
佢向前走咗一步，伸手拉住我件衫嘅袖口

「陸哲，你看着我。」

我抬頭

「我林秋晚唔係一個隨便畀人當避風港嘅人」佢把聲好清脆，帶着一種平日少見嘅倔強




「我知你未放低。我亦冇要求你即刻將佢抹走
你可以當我係朋友、當我係同事、甚至當我係個暫時嘅樹洞
要唔要落腳，決定權喺你度
但請你唔好幫我決定我嘅付出值唔值得，好唔好？」

看著佢那雙在夜色下顯得無比堅定嘅眼，我徹底失言
呢個看似溫吞嘅女仔，內心嘅清醒同強大，遠超我嘅想像