「三十分鐘的一人之境」: 第四章

返左工大概一個月, 

Garcie要出發既日子終要來到,

當日我請左一日假去送機,

由於佢有太多家人朋友都去左送佢機,

結果由頭到尾，





我哋都冇乜機會單獨相處。

直到廣播再次提醒旅客辦理登機手續，

我先終於等到屬於我哋既最後幾分鐘。

我哋行到一旁。

明明心裡千言萬語,





但真正到咗呢一刻，

反而唔知從何說起,

於是只係叮囑對方要照顧好自己，

我哋對望咗幾秒。

最後輕輕抱住對方。





直到身邊既腳步聲越來越急，

我先慢慢鬆開雙手。

佢既體溫漸漸散去,

佢帶住兩行淚痕慢慢步入關卡,

回頭再次揮手道別就轉身穿過玻璃自動門,

當自動門再打開既時候, 

佢已經消失得無影無蹤.

我當時以為，





四年其實唔算太耐。

只要大家願意等，

總會有重逢既一日。

可惜後來我先明白，

有時候人生裡某一次揮手，

可能已經係最後一次。

過左三個月既既菜鳥生涯,





屈指一算, 佢響澳洲既暑假都差不多要開始,

可惜既係, 我真係無辦法儲夠旅費,

響我地哩三個月約定既每個星期六15分鐘長途電話對話入面,

我如常打電話俾佢, 長途電話費太利害,

我每次都要先寫低有咩要事一定要講,

仲要留返D時間俾佢講下響澳洲既大學逸事,

至於今次既電話, 我係比平時感到緊張,

我: 喂..喂..係我呀! 收唔收到? 聲音係咪好窒呀?!





Garcie: 聽到呀, 聽到呀! 我等左你個電話成個星期喇! 

哩度D鄉下地方, 真係好悶呀!  

平時只係可以星期日出去Town同roommate夾份租D港產片VCD返尼睇咋...

Garice一接電話就一輪咀咁抱怨澳洲既大學生活,  

我就一邊望住隻錶, 心裡盤算點樣開口同佢講, 今次唔夠錢過去搵佢,

時間已經過左十二分鐘, 剩低三分鐘, 我就夾硬剎停左佢,

我: Garcie, Garcie, 停一停先, 我有D野要同你講,





果幾隻字響我口入面翻滾左數百次, 終於吐左出: 

我諗我今次真係無辦法可以飛到過尼陪你喇, 

咁短三個月, 我無辦法可以儲夠旅費, 

不過我保証下一個學期, 我一定可以過尼陪你,

Garcie靜左三秒, 一把隱藏失望強裝輕鬆咁回答: 

唔緊要啦, 我都明白既, 你返工都辛苦, 唯有期待下次啦!

我: 你...真係無唔開心?!

Garcie: 無呀! 我OK呀, 你唔駛擔心啦! 

媽咪本來都安排左我地Melbourne既Auntie度住兩個星期既, 真係唔駛擔心我啦!

但我仍然聽得出，

裡面有一絲藏唔住既失望。

接住十五分鐘時間真係到喇, 我地匆匆道別, 掛上電話, 又回到日常生活,