中醫成長之路 - 益泰傳: 第八章：冷氣與凍飲：香港人的『土樞不運』
自廖女士一役後，林志遠在醫館的角色悄然改變。海大富不再只讓他幹雜活，而是讓他在案桌旁「罰企」跟診。
六月將盡，盛夏之中。
走在醫局街，迎面而來的盡是滾燙、黏膩的熱浪。然而，只要一踏入各大小商場，那股鋪天蓋地的冷氣，便會劈頭蓋臉地砸下來。
下午茶時份，正當海大富吃著德基雞上髀時，木門突然被推開，進來的是位身穿外賣平台制服，皮膚黝黑的年輕小伙子，手裡還拿著一枝冰凍礦泉水。
「海師傅救命呀…」外賣員一坐下就痛苦地按著肚子蜷縮起來，「我之前一直肚脹，但由尋晚開始嗰胃痛到好似火燒噉，又痾又嘔。食咗西醫比嘅止痾止嘔藥，只係舒服咗陣，之後又再痾過嘔過，嗰肚仲越嚟越脹，而家連飲啖凍水都覺得個肚脹痛。」
海大富剔著牙指了指：「喂First Hon，喱條友交俾你，你跟據佢嘅脈舌，初步用個腦行一次佢個氣機圖講比我聽吓，嗱~講唔出今晚無飯食。
林志遠深吸一口氣坐下，輕輕搭上小伙子的右腕。脈象入手，關脈微細而弦滑，尺脈略沉，但未至於極不應指。在連番細察之下，見其脈沒有浮散、亦無明顯表證，故應從本虛論治。再看舌頭，苔白滑而膩，並泛著水光。
林志遠先在大腦瘋狂檢索，如果按照以前中環套方思維，盛夏嘔吐、胃痛伴舌苔滑膩，這是教科書上的「暑濕感冒」或者「胃腸濕熱」，標準套方是「藿香正氣散」或「三仁湯」。
然而，他察覺到小伙身上制服頗為乾爽，於是問道：「好嘢wo，做你喱行應該身水身汗㗎，點解你件衫咁乾爽汗都無滴嘅？」
「吾係呀，日日都身水身汗㗎，只係我頭先響對面商場食完野，嘆冷氣吹乾晒ja，每日都係咁，食luch嗰陣先可以涼下冷氣舒服吓。」
聽罷林志遠望著案桌上那枝凍水，便憶起海大富最近想常說的話：「香港啲人都short short哋嘅，個個春天已經開冷氣開到入秋都未熄，又吾想出汗！好似出吓汗會死人噉，仲要日日飲凍嘢！」
林志遠閉目片刻，腦中開始勾畫外賣員的氣機圖。
他睜開眼篤定道：「海師傅，呢個哥哥仔，每日要喺三十幾度嘅街頭送外賣，極熱之下體表汗出毛孔大開，於是件衫就濕住噉走入商場吹住冷氣食飯，日日如是。就係噉啲寒邪由毛孔直入，再經腠理而直中臟腑。」
「另外，佢應該日日都會飲凍嘢解暑。日日冰水落肚，佢嘅脾胃咁簡直係受緊裡外夾擊。」
「至於飲啖凍水都覺得脹痛，喺西醫叫急速低溫刺激胃痙攣。響中醫嚟講只不過係脾胃氣機進一步受寒，不通則痛嘅結果。」海大富挑了挑眉：「繼續講。」
林志遠指著枝凍水續道：「冰凍之物直接將中土嘅陽氣凍結。土樞不運，胃土唔能右旋而降，於是導致本來向下輸送到大小腸嘅胃中濁物，停留響胃道慢慢滿溢，湧上嚟所以嘔吐；而胃痛到好似火燒噉，喱啲唔代表有熱，純粹係胃酸跟住啲湧上嚟嘅濁物，所形成嘅胃酸倒流！」
「而脾土唔能夠左旋上升，濕性趨下，本來經由脾上輸到肺既水濕會往下走，就會變成泄瀉。」
「脈微而弦滑，苔白滑而微膩，兼見水光，完全都對應得到以上既症狀。」
「所以總括嚟講，喱個係典型嘅『土樞不運，土濕逆亂』嘅局面。」
外賣員忍不住插口：「林醫師，我真係每日起碼飲三杯凍大齋或者凍檸茶…但我個胃真係火燒噉痛，不如幫我清吓熱解吓暑，等我舒服啲？」
「清你個死人頭！」海大富一巴掌拍在案桌上罵道，「仲清熱？你個胃就快變雪條喇！你再日日飲噉多杯凍啡檸茶，包你條命都送埋畀外賣平台！」
海大富轉過頭看著林志遠，眼中閃過一抹難得的讚許，但隨即神情一肅訓誡道：「你今日能夠噉快睇得出呢個係本虛嘅土濕逆亂，係幾醒嘅。但你要記住，日後遇倒溫病或者實熱證，脈象洪數、舌苔黃燥津傷時，該清則清，千萬唔好捉住香港人普遍脾胃虛寒喱一點吾放，而吾願用寒。」
「同我好好記住，內傷雜病同外感溫病，必須以脈象去嚴格鑑別，比如實熱嘅脈必數，溫病嘅脈則比較曖昧，而本虛嘅寒濕之脈，必沉細、微弱或弦滑。總之唔可以避忌寒涼之藥，否則應該用石膏、黃芩嘅時候你唔敢用，一樣會害死人！」
林志遠點點頭，將教誨銘記於心，隨後補充道：「海師傅，雖然呢位哥哥仔尺脈有水寒之象，但只係略沉未算十分虛寒；加上就嚟小暑，所以我暫時唔會用補腎中相火既辛溫之品。只係用乾薑溫中健脾、半夏降逆止嘔、茯苓甘草淡滲利濕，只要將中氣軸心恢復、胃氣自降相火歸元之後，相信水寒自然能慢慢回暖。」
海大富點頭：「食錯嘢呀你噉醒嘅，竟然識得兼顧時令節氣同脈證輕重去諗點用藥。好啦今晚餐飯預埋你，快啲去開方執藥，今日早啲收鋪！」
林志遠聽領，轉身走向藥櫃默誦抓藥：「好！就用《四聖心源》嘅茯苓半夏湯！茯苓三錢、半夏三錢、甘草二錢、乾薑三錢！」「茯苓、甘草崇土祛濕；乾薑溫散脾胃之寒；半夏降逆，將上逆嘅胃濁胃酸拉翻落去！」他將草藥打包遞給外賣員：「三碗水煲成一碗，趁熱飲。由今日開始，唔准再掂任何冰凍生冷嘢！重有入冷氣地方食lunch前，最好先抹乾啲汗，同換件乾爽嘅衫。」外賣員接過藥、道謝並付錢離開。
當晚收鋪後，林志遠一邊鏟貓屎，一邊接聽著外賣員打來的致謝電話，說一碗熱藥下去胃痛當場止了，肚子暖洋洋的，可以正常飲食而不會再肚痛肚脹。此時躺在藥櫃上的唐貓「陳皮」對著林志遠「喵」了一聲，彷彿在稱讚他。林志遠看著滿是藥材漬的手指，露出了半個月來由衷、滿足的笑容。
此外，他開始意識到，在這個繁華、高效，充滿生活便利與口舌之福的都市裡，不少香港人體內的「中氣之軸」，其實早已奄奄一息。
那麼，大家每天又會飲幾多杯凍飲呢？