變成女鬼既我，剩返30日要出POOL！: （十六）煙花下的願望
「死八婆，放手呀！」我拎墨翠狠狠敲落佢隻手。
「呀呀呀呀呀！！！！！！！！！！！！！！」魔靈馬上鬆手，發出悲慘既嚎叫。
「點解會咁⋯⋯𡃁仔，𡃁妹⋯⋯我會再返嚟！你地令到我今日吸食既靈魂冇左一半！」魔靈瞬間消失。
我跪坐在地上，鬆左一口氣。
「阿炫，魔靈到底咩人？你一開始講既設局係咩事。」
「魔靈，佢係我十年前遇過既惡鬼。平時普通惡鬼好易對付，所以我先輕敵。」
「佢偷左其他鬼既紅繩？」
「係殺左佢地，然後成為主導意識既鬼，因為佢執念太強。」
「佢又知我係𡃁妹？明明係用緊你身體。」
「佢感應到。」
「佢係高級惡鬼？惡鬼年質幾耐？點解佢咁執著你隻綠眼？」
「我地要救返暈左既Staff，仲要快啲換衫，離開現場。」
「你唔講清楚，我唔會換衫！」
「你係咪想用我身體比警察拉？」阿炫質問下，我一時間語塞。
生前我地係點頭之交，關係改變源自我死後，所引發後面一連串事件。
「我換衫，畢竟係我霸左你既身體。」我不自覺咬著下唇。
「背囊第二格有多個眼罩，記得戴埋佢先好出去。」阿炫吩咐。
離開Space mountain後，地上影子融入落日既餘暉。
成柏傲握著黑漆漆既東西踱步。
成柏傲見到我，立即衝上前講：「Hey bro！Hey Aria我差啲想入去搵你！」
「鬼都打完啦！你唔好再遲啲？」
「頭先陪Renne……」
「我同阿炫頭先就嚟死啦！仲要係魔靈呀！」我不禁怒吼。
「Oh sorry……Are you right now？」成柏傲一臉歉意。
「冇野啦！」我努力控制自己既怒火。
其實我唔係真係嬲成柏傲，我更加嬲係乜都唔講既阿炫，最重要係無能既自己。頭先我同阿炫差啲死係魔靈手上，如果我冇霸住阿炫身體，以佢咁有經驗既人，又點會陷入危險？
「頭先我掛住同佢地玩，先miss左『熊貓』比我既signal。」
「熊貓就係你手上呢個半黑半白舊野？佢點比signal 比你？」我問。
「佢係黑白石，你當類似黑白棋。一般情況下佢都呈現白色，但只要惡鬼出現係10公里內，佢都可以感應到，越近惡鬼，石就會越黑。」
「咁阿炫應該都有一舊？」
「其他驅魔師，好似阿炫Daddy，佢地有陰陽眼，有靈異體質多多少少都會感應到，我呢啲普通人係依賴黑白石先知惡鬼出沒，冇陰陽眼既我直情要掛係身上，借助黑白石力量先開到眼，平時我都係將佢放係背囊入面。阿炫係唯一一位唔需要黑白石既驅魔師，直接可以感應到惡鬼數量同位置。」成柏傲指向其右眼，講：「You know what I mean？」
「呢次係第一次，亦都係最後一次我同阿炫合作。」原來成柏傲一早知道阿炫隻右眼，但我更想佢親口同我講。
「只係我消失左咁耐，阿樂有冇問起我？」我問。
「我淨係知Ellie係群組講佢屋企突然有事，所以走先。我地見你咁耐未返，你又一直唔覆Message，以為你陪Ellie走左。」
「咁你用咩理由過嚟？」
「痾屎。」
「平時見你同阿炫都成日去廁所，唔通你地就係去打惡鬼？」
成柏傲點點頭，我講：「其實級入面有傳聞，話你地去廁所打飛機，再唔係腎虧，先去得咁密同耐。」
「哈哈！真男人係無懼謠言！你都知我每日都起機，身體不知幾健康。」
我打開手機，多個未接來電，全部都顯示鍾健樂。
夕陽逐漸消失在地平線上，街燈照耀著暗黑既街道。
「嗡嗡嗡……」來電顯示係鍾健樂。
當我想按下綠色既接通鍵，指尖卻停留在屏幕上。
「嗡嗡嗡……」屏幕顯示「你有一則未接來電」。
「Aria，你直接同阿樂講，頭先你陪Ellie，反正阿樂同Ellie都唔熟。」成柏傲望住我既手機屏幕講。
「我唔可以咁自私。」
「下？」成柏傲狐疑望住我。
「我要同阿樂講清楚所有野，唔想講一個大話又一個大話，況且佢鍾意既人係阿炫，而唔係劉淽澄。」
無論我係鬼，定入左阿炫身體，阿炫已經不計前嫌，多次幫我，我唔可以成日諗住自己，要阿炫幫我執手尾。
成柏傲望住我，嘴角向上揚，講：「呢個先係我識既Aria，仲有你可以同阿炫一樣叫我阿傲，或者Call me Justin！反正呢半個月，maybe I can help you？」
「我就唔可以叫返你成柏傲咩？」
「你叫阿炫阿樂咁順口，我都想同女仔熟啲！」
「阿傲！你都係想問我攞料溝女神啫！」
「Aria，你幫我，我幫你。」成柏傲挑起左邊眉。
我同阿傲邊傾偈邊行去會合。
當我見到阿樂既時候，阿樂主動行過嚟，問：「阿炫，你頭先去左邊？我打左好多個電話比你，但你都冇聽，梁雅璃係咪有咩急事？」
「件事好長，不如一陣再講？佢地仲係到。」
阿樂微笑點點頭。
「Hey bro，灰熊山谷啱唔啱？」成柏傲問我地。
「我唔玩。阿炫，你係咪玩？」阿樂講。
「梗係啦！」我不假思索答。
「Renne呢？」
「我有啲攰。」卓琳回答。
「定係食野先？我想去火箭餐廳，個到有沙律。」駱均堯提議。
「定係我地返去大街個邊？個邊近睇煙花。」成柏傲講。
「大街餐廳一早比人霸晒。」我講。
「咁我地去小食亭。」阿樂提議。
我地食完野之後，就行返去大街，只係啲人太早到，霸晒靚位睇煙花。
我地揀好位之後，我突然肚痛，就跑左去廁所。
我去完廁所出嚟，見到阿樂係廁所門口等我。
「阿樂，點解你會係到等我？」
「等你需要理由咩？」
「你記唔記得今日我同你講，如果過山車唔嗌，贏方可以向輸方許一個願望。」我深呼吸講：「我依家想實現願望，你可唔可以當今朝我講既野冇發生過？」
阿樂愣一愣，講：「我唔明。」
「如果我話你知，我唔係阿炫呢？」
「你唔係阿樂，邊有可能……」
「嘭──嘭嘭──」一朵又一朵絢麗既煙花綻放在夜空，令人目不暇給。
阿樂退後一步講：「唔係……你真係唔係阿炫……阿炫講過佢唔會比錢買難受既人，又點會玩機動遊戲？你到底係邊個？」
「阿樂，你冷靜啲聽我講，我唔會傷害你㗎！」我捉住佢手腕。
阿樂用力掙脫我，望住我呆愣數秒講：「最近死左既人……唔通……你係劉淽澄？」
「嘭嘭──嘭嘭──」夜空上七彩絢爛既煙花像流星墮落，紅光映照著阿樂發白既臉色。
***************
呢三個星期，星期三會突襲更新！魔靈出嚟，已經係三分之一既進度，要加速下劇情發展～
記得㩒追稿，滿5個追稿會加更！同埋Follow我既Thread (in.the.fantasy)，間中會出劇透圖😁