變成女鬼既我，剩返30日要出POOL！: （二十一）夢（1）【楊燦炫視角】

「伍倫貢、黃長發、何世聯，係你地三個，害死我細佬！」似曾相識既聲音橫掃地上既三人，最後眼光落在我身上。
 
佢戴上黑色鴨舌帽和黑色口罩，身穿黑色衛衣，及黑色運動鞋。
 
口罩與鴨舌帽中間既杏眼，一直仍望遠方既視線——梁雅璃？
 
由於梁雅璃到場，令魔靈不得不停止吸食動作。
 
「楊燦炫，你點會係到？係你打到佢地咁？」梁雅璃凝視我既綠眼，但冇作任何追問。
 




「家姐！」梁建昊跑到梁雅璃身旁。
 
「雖然唔知點解你要咁做，不過多得你，我慳返唔少工夫。」話畢，梁雅璃從袋中取出酒精。
 
「咁精彩既表演，我地一齊睇～等你睇下人類被殺時，個種瘋狂既樣！」魔靈緊握我既脖子，轉向梁雅璃方向。
 
「家姐，唔好呀！唔好為左我，而殺人！！」梁建昊呼喊，但無法看到鬼魂既梁雅璃，把酒精逐一倒進軟墊及門前既木櫃。
 
「呀！」梁建昊緊攬住魔靈腰部，並講：「我唔可以睇住我家姐犯法！求下你幫佢！」
 




梁雅璃取出火機，講：「因為你地，建昊選擇自殺，依家就等我比你地體驗下，乜野叫生不如死！」
 
梁雅璃把火機拋進我身前既軟墊，我趕快站立，接住火機。
 
「楊燦炫！你做咩要咁做？比返火機比我呀！」梁雅璃用指尖抓入我既皮膚。
 
「你清醒啲啦！你細佬唔會想見到你，為左佢而犯法！」我用力扯開梁雅璃雙手，並搖晃著佢既肩膞。
 
「學校話咩建昊學習壓力太大先選擇自殺，佢係因為被佢地毀左隻手，先冇辦法做運動員！身為家姐既我，一直睇住佢比人蝦，個傻仔仲要同我講，冇事㗎，只要佢做到港隊，就可以改變我地屋企家境，結果⋯⋯點解會搞成咁⋯⋯」梁雅璃泣不成聲。
 




「噼啪！噼啪！」木櫃同紙箱接連燃燒。
 
冇可能！明明我頭先接住左火機⋯⋯
 
「梁雅璃，你走先。」我講。
 
「點解會火燭？」梁雅璃呆愣。
 
「係地下煙頭未熄，走呀！」我大喊。
 
「一齊走！」當梁雅璃拉住我既手既時候，恰巧門前既木櫃倒下，火勢突然燒得更猛烈。
 
「哇！」梁雅璃立即退後一步。
 
「梁建昊呀！」貢丸突然高呼。




 
梁建昊面目猙獰，望住三人幫。
 
「你唔好揾我地尋仇，我⋯⋯知錯啦！！」貢丸講。
 
「咳咳咳⋯⋯對唔住呀！」長髮男講。
 
「求你原諒我地！」亂髮男講。
 
「建昊？我係咪幻覺？」梁建昊擁抱著梁雅璃，講：「家姐，我要走先，唔好為左我而做犯法野，你要好好生存落去⋯⋯」
 
「細佬呀！」
 
「對比起見到人地受傷，原來自己最想聽既說話竟然係對唔住，估唔到係呢個心願⋯⋯」梁建昊變為黑色的粉霧，並飄向魔靈身上。
 




我望向魔靈，佢拎住紅繩，臉上掛著既得戚笑容。
 
原來佢放左梁建昊，係因為拎左紅繩，只係佢比時間比梁建昊同家人告別，然後接收其靈魂，依家梁建昊成為魔靈身體一部分，換言之魔靈變得更強大。
 
「咳咳咳⋯⋯」雅璃體力不支，快要暈倒之際，我趕緊伸手扶住佢肩膊。
 
其實濃煙下，我都就嚟堅持唔住⋯⋯
 
要移開前面個木櫃先可以出去。
 
下一秒，魔靈突然出現係我面前。
 
原本想擋既我，卻因四肢乏力，跪坐在地上。
 
「今次仲唔捉到你？」魔靈抓住我既頭頂。




 
「原來你心魔真係我～𡃁仔，係時候交還魔力～」魔靈勾起單邊嘴角後，伸手到我既右眼。
 
「轟——」魔力交碰一剎那，魔靈被掀飛出體育倉庫。
 
「楊燦炫⋯⋯」旁邊梁雅璃呼喊著我。
 
魔靈緩緩站起，抹去嘴角既黑血，露出勝利者既笑容。
 
眼前景象逐漸發黑，聲音逐漸收細⋯⋯
 
睇嚟趕唔切⋯⋯返屋企食飯⋯⋯
 
「阿炫！」阿澄既髮絲靠近我既臉龐。
 




「澄⋯⋯澄⋯⋯」聽講臨死前，會見到最想見既人。
 
睡意襲來，眼皮逐漸感到沉重。
 
黑暗中，胸口傳來一陣毛茸茸既觸感，一團温熱既小東西正蜷縮係我身上，尾巴仲輕輕掃過我隻手。
 
當我張開眼睛時，熟悉既橘黃毛髮，軟綿綿既肉球，係小葵？
 
「喵～」小葵依偎著我在我懷中撒嬌。
 
「小葵～」我撫摸著小葵身上既毛髮。
 
我係咪死左，先見到小葵？
 
照計我會見到陰間使者，依家我同阿澄一樣，都變成鬼魂？
 
爸媽呢？
 
我死左幾多日呢？
 
「喵！！！！！！」小葵尖叫，從我懷中掙扎逃出。
 
「小葵，你去邊？」我跟隨小葵既步伐。
 
我望住眼前既村屋，正係公公婆婆既居住地。
 
「阿炫，你碌落山呀？成身都咁污糟，仲要你流緊血呀！」公公擔心地講。
 
「阿炫，快啲入屋坐低，我同你包紮傷口！」婆婆拎住急救箱講。
 
我掐住自己手臂，卻感受唔到任何痛楚。
 
呢個係清醒夢，只要我控制到夢境之後既走向，自然就可以醒返？
 
胖墩墩既小孩穿過我既身軀。
 
佢係8歲既我？
 
我走進屋裏，月曆顯示今日係2016年7月9日。
 
眼前8歲既楊燦炫，點都估唔到以後既日子，要戴上眼罩過活。
 
「楊燦炫！」