變成女鬼既我，剩返30日要出POOL！: （二十二）夢（2）【楊燦炫視角】

最近小葵大病初癒，為左促進其健康，於是小炫帶佢去行山。
 
「救命呀……」遠方傳來求救聲。
 
「小葵，有人需要我地幫助！」小炫拍拍小葵背部。
 
「喵！」小葵跑向前方。
 
「小葵！唔好跑咁快！等埋我！」
 




「救命呀……」
 
隨著小葵步伐，越嚟越近求救聲既地方。
 
小炫抱著小葵，向山下一望，懷疑聲音主人因墮山而身陷囹圄。
 
突然腳下一滑，小炫同小葵就像皮球般滾到山下。
 
「呀！手有啲痛！小葵你冇事呀嘛？」小炫立即查看小葵傷勢。
 




「喵～」小葵舔著小炫的手，小炫才發現手肘正流血。
 
「救命呀……」聲音傳至後方。
 
小炫轉頭後，眼前女人披著烏黑長髮，身穿紅色連身裙，手上戴上半黑既紅繩。黃布緊束雙手之餘，身體還要被一堆樹枝纏繞。其姣好的臉孔，讓小炫視線離唔開佢。
 
「幫幫……幫幫我……」女人氣若如絲說。
 
小炫二話不說，放下小葵後，立即用最大既力氣，扯斷樹枝。
 




「呀！」樹枝尖不幸𠝹破小炫手心，小炫仍努力把樹枝扯斷後，雙手沾血既小炫無理會傷勢，便觸碰小葵正在咬著既黃布。
 
下一秒，黃布斷下，女人躺在小炫身上，。
 
「真係唔該晒你～你叫咩名？」
 
「我叫楊燦炫，佢係小葵。」
 
「我叫純真，簡純真。」
 
「純真姐姐，點解你會困住左係到？你人間剩返既時間係咪一半？」
 
「可能遇到惡鬼……我一瞓醒就係呢到……我真係唔記得發生咩事。」
 
「純真姐姐，我有知有咩辦法幫到你！你等我一陣，唔好行開！」小炫抱著小葵，急忙跑回家。




 
「阿炫，你碌落山呀？成身都咁污糟，仲要你流緊血呀！」公公擔心地講。
 
「阿炫，快啲入屋坐低，我同你包紮傷口！」婆婆拎住急救箱講。
 
「楊燦炫！」我喊。
 
「我頭先差錯腳，同小葵唔小心碌落山，咁啱比樹枝𠝹親。」
 
小炫深知說出事實，公公婆婆實會嚇到，因為佢地並冇陰陽眼。只有父系家族先有遺傳陰陽眼，至於母親只係有靈異體質，依賴隨身既黑白石頸鏈，才能開通陰陽眼。
 
「咁你陣間唔好出去，留係屋企抖下！」婆婆吩咐。
 
「我約左彬仔，陣間上佢屋企睇戲。」
 




「喂！」我擋係小炫面前，小炫只顧跟公公婆婆說話。
 
「唔得！」婆婆一口回絕。
 
「睇戲咋嘛！」小炫大喊。
 
我嘗試踢小炫一腳，佢聞風不動。
 
「睇戲啫，冇所謂啦！」記得7點前返嚟！」公公望住婆婆講。
 
「冇你地咁好氣！」婆婆無奈地說。
 
我睇住小炫入房，佢拎左幾串佛珠就出去。
 
我伸手捉摸佛珠，卻撲一場空，於是係附近圍繞一圈。




 
熟悉既房子裝潢，戶外頑強生長既小黃花同雜草，前行就係大海。
 
呢個夢真實得嚟，同當時環境無異。
 
我苦思一陣，完全搵唔到離開夢境既線索。
 
下一秒，我睜開雙眼，便睇到小葵倘在血泊之中。
 
「小葵！」我撫摸小葵既毛髮，小葵雙眼含著淚珠。
 
我嘗試抱起小葵，如取佛珠般再次撲得一場空。
 
「我特登較去一星期後，好好享受之後既精彩時刻～」魔靈聲音突然在我腦海出現。
 




「魔靈，我知依家係你做既好事，到底你想點？」我望向四周，唔見佢既蹤影。
 
「𡃁仔你唔會揾到我，我只係植入左我既意識落嚟，你呢，就永遠留係到！哈哈哈！！！！」
 
我嘗試思考現時可行方案，卻一個都諗唔到。
 
「小葵呀！哇鳴鳴鳴⋯⋯」小炫衝向小葵旁邊，小葵只係望向前方。
 
「你唔會死㗎，我依家即刻咩你落山！純真姐姐去左邊？點解唔見佢？」
 
「你揾我？」
 
小炫望住眼前純真既臉孔，沾滿鮮紅，特別係嘴角。
 
「爸爸話鬼最鍾意食貓⋯⋯因為貓有靈性⋯⋯唔通？」小炫抱住小葵，退後數步。
 
「你爸爸叫我做魔靈，因為佢話我係邪惡既妖魔靈魂，我只係同我個本名一樣，都係⋯⋯」
 
「你食貓呀！小葵係你殺！」
 
「哈哈哈⋯⋯」魔靈大笑後，接住講：「咁你想做咩？」
 
小炫衝向魔靈身旁，用小刀斬下其紅繩。
 
奇怪係魔靈未如佢想像中，立即消失。
 
「冇可能㗎⋯⋯」
 
「我咪話左我識你爸爸囉～」魔靈撫摸著小炫發抖既臉蛋。
 
「你走開呀！！！」小炫推開魔靈。
 
「楊承志將我封印係麻南笏半島，原本我以為實解唔開個封印，點知你啲血一下就解開左封印！我就知你一定係楊氏一族！唔知佢知道你呢個傻仔同我玩左成星期，都唔知係惡鬼，楊氏驅魔師準備繼後冇人囉～」
 
「點解呀！！！！點解你要咁做？你唔係好錫小葵㗎咩？」小炫不斷退後。
 
「你問我點解？我都想問你老豆，點解要封印我？我只係完成心願咋！」
 
「你心願唔係揾你未婚夫咩？呢個都大話？」小炫雙手插入褲袋。
 
「因為你老豆封印我成20年！佢依家肯定同第二個女人組織左家庭！」
 
「如果你未死，今日你地生活會係點？」
 
「如果我未死，相信會有一仔一女，我會做好母親角色，每日接佢地返學放學，煮好飯比佢地食。」
 
「只可惜你死左，就算佢係你既未婚夫，一切已經冇可能。」小炫望向淹淹一息既小葵。
 
「所以我要收集100個靈魂，就可以免除靈魂同頻條件上身！最衰你阿爸呀！」
 
「你殺左咁多人，阿爸封印你係啱！」
 
「唔緊要，嚟緊你都會成為第85個人！呀呀呀呀！！！！！！！」
 
小炫從褲袋中取出符咒，並喊道：「蒼天有眼，此鬼乃名為簡純真。今日，驅魔師楊燦炫要把此鬼再次封印。」
 
湛藍既上空突然烏雲密布，閃電劃過雲層，發出轟隆聲響。
 
「𡃁仔，佛經1000個字，你知道如果講錯佛經一個字，或者讀讀下停左，你隻陰陽眼就會被蒼天奪去，同時代表封印失敗～到時你會死得比依家更加慘，因為你睇我唔到，哈哈哈！！！！」
 
「驅魔師使命就係要驅惡鬼為宗旨。」小炫嘴角向上揚後，開始唸下佛經：「南無楞嚴會上佛菩薩！妙湛總持不動尊，首楞嚴王世稀有。銷我億劫顛倒想，不歷僧祇獲法身⋯⋯」
 
 
「喵⋯⋯喵⋯⋯」後方傳來聲音。
 
「摩闍訶唎南⋯⋯小葵！」小炫喊道。
 
「轟隆！」