變成女鬼既我，剩返30日要出POOL！: （二十三）夢（3）
「呀呀呀！！！」雷電正中小炫，其身體如火燒般痛，然後躺在樹葉上。
「小葵⋯⋯」小炫拖著身軀上前，只見小葵閉上雙眼，早已去世。
「咁頭先既叫聲係⋯⋯呀！！」一堆尖銳既樹枝突然從遠方飛過，瘋狂𠝹傷小炫身體。
一條又一條血痕留下在小炫身體上，感覺猶如凌遲般，每寸皮膚都感受痛楚。
「呀呀呀呀呀！！！！！！」一條樹枝無情地劃破小炫的右眼。
一堆山上惡鬼，面目猙獰，拎住樹枝，瘋狂大笑。
「夠啦！我唔想睇落去！放我出去！魔靈！放我出去！」我跪坐地上，瘋狂喊道。
我往後逃跑，野鬼同小炫既畫面就從後播放。
我往右逃跑，畫面就轉移至右邊。
無論我去邊，畫面總係我前方播放。
我緊閉雙眼，雙手掩著雙耳，不久便暈倒過去。
【劉淽澄視角】
「死人楊燦炫！話我可憐先幫我！」我用力打落黑色枕頭上。
「黑人憎！黑人憎！黑人憎！」我將書櫃上既書調亂排序，例如數學書隔離係中文書。
我打開數學書，見到阿炫工整而秀麗既字跡，有啲似曾相識既感覺。
我輕輕一笑，講：「真係一舊木，係佢先會咁寫。」同時喺書既角落，畫左啲公仔落去。
「嘻嘻！」以佢咁整齊既性格，返嚟見到咁既書櫃，仲要打開本書，肯定發癲。
「自從魔靈一事，阿炫對身邊人同事都漠不關心，我最清楚呢個仔脾氣，如果佢肯幫你，相信你地生前交情一定好好，你就放心係到住啦！」腦海突然浮現楊媽既說話。
阿炫返嚟要問清楚，到底點解佢當初要幫我。
我抬頭望鐘，就嚟12點，阿炫咁耐都未返嚟㗎！
唔得！我要去揾佢！
我瞬間轉移，只見眼前火光熊熊，阿炫同另一個人比門擋住左。
「阿炫！」我立即上前，拍拍阿炫臉龐。
「澄⋯⋯澄⋯⋯」阿炫用温柔既眼神望住我，然後暈倒。
「阿炫！你唔好瞓呀！醒下呀！」我搖動阿炫既身軀。
「點算好⋯⋯」
我拎起阿炫既鴨舌帽，並吻上阿炫，但張開雙眼，阿炫仍然係我面前。
點解今次交換唔到身體？唔通要阿炫係清醒狀態先得？
火勢越嚟越猛烈，我瞬間轉移至最近有火警鐘既地方。
「鈴鈴鈴⋯⋯」
原本我想拎阿炫手機，但佢近木櫃個邊，我行唔到入去。
我只好把阿炫旁邊既人手機取出，從手機殻中看到人生四格相片⋯⋯係雅璃同梁建昊！？
點解雅璃會係到？係阿炫叫佢嚟？
我緊抿嘴巴，立即撥去999。
不久，消防車同救護車嚟到，將阿炫同雅璃接走。
我立即回到阿炫家中，將阿炫受傷一事，同楊爸楊媽講，叫佢地即刻趕去九龍灣醫院。
楊爸楊媽趕到醫院後，醫生同佢地講解阿炫既情況，主要係吸入濃煙過多，導致腦部短暫缺氧，昏迷不醒，幾時甦醒仍然係未知。
醫生離開後，楊爸檢查阿炫既傷勢，然後一臉凝重。
「叔叔，阿炫冇事呀嘛？」
「阿炫身上有股邪氣，一定係魔靈。」楊爸摸住阿炫額頭。
「邪氣？」
我只見阿炫緊閉雙眼，臉龐旁邊不斷流著汗珠。
「淽澄，簡單啲嚟講，即係魔靈邪氣入左阿炫體內，呢個先係佢真正昏迷不醒既原因。你睇？」楊媽手上黑白石，石上全是黑色。
「唔係有惡鬼先會黑色咩？」
「同惡鬼有關既野，黑白石都會感應到。」
楊爸默不作聲，急步離開醫院。
「淽澄，麻煩你睇住阿炫！」楊媽拋低呢句說話，便跟隨楊爸既步伐。
「Bro！！！」阿傲衝到床邊，旁邊係卓琳、阿樂，仲有駱均堯。
「你冷靜啲啦！呢度醫院，有其他病人，佢地都要休息。」卓琳拉住阿傲。
「I’m so sorry, Renee.」
「明明琴日見阿炫仲好地地，係咪⋯⋯」阿樂驚慌望向四周。
「阿樂！」阿傲叫停阿樂，瞄向我並搖搖頭。
「Renne，你係咪要揾Ellie？」
「我唔想身邊再有人出事，得淽澄一個人就夠⋯⋯」卓琳一度語塞。
「Renne，Ellie唔會有事！」
「當初淽澄只係噎親，明明急救步驟跟足之前上堂學，冇可能！」
個陣卓琳緊扣我腰部，照計啫喱應該係可以吐到出嚟。
「Aria既死係意外，No one wanted this to happen, even 阿炫都係。」阿傲望向阿樂。
「梁雅璃就喺隔離房。」駱均堯講完，便和沉著臉阿樂一同離開。
阿傲拍住卓琳肩膞，調頭望向我，用口型講：「I’m back.」
我一直守住阿炫旁邊，凝視著其臉孔，正緊皺眉頭。
你依家好辛苦？到底邊到唔舒服？
「Aria！你係咪知發生咩事！」唔知過左幾耐，阿傲過嚟揾我。
我將事情一五一十同晒阿傲講。
「我真係唔明，Uncle同Auntie點解知魔靈出現，但由得阿炫冒險！」我把手上拳頭打落阿炫床上。
「你知唔知，如果一個驅魔師，每次驅鬼都要人協助，咁佢就唔係驅魔師。」
「你次次都同阿炫驅鬼。」
「咁係因為阿炫發現到我既talent，先同我一齊驅鬼，In fact佢一個人驅鬼，no problems！多鬼個陣佢先叫我一齊去，大部分情況佢都係單獨行動。」
「就係單獨行動先易出事，要人幫助點解就唔係驅魔師？」
「代表驅魔師能力不足，understand？」
「阿炫依家咪瞓床囉！」
「Aria，我知你好擔心阿炫。你要明，呢個係驅魔師既宿命。」
阿傲身後正係楊爸楊媽，佢地手上拎住好多野，有符咒、瑪腦、佛珠等等。
「Uncle，Auntie！」我地分別同二人打招呼。
「阿傲，真係多謝你嚟幫手。」楊媽講。
「你地依家諗住點樣？」我問。
「咩方法都試下。未去到最後一刻，我都唔會用嗰個方法。你地食下野，休息下先，呢度交我同老公就得。」楊媽用温柔既眼神望住我地。
「你地有咩吩咐just say，鋪陣呢啲I can do it！」阿傲舉高手。
我同阿傲一同離開病房。
「你知唔知Auntie講嗰個方法係咩？」我問。
「你知唔知Auntie講嗰個方法係咩？」我問。
「I don’t know! 佢地唔叫我地幫手住，我諗佢地應該有辦法搞掂，同埋我諗佢地講既方法maybe dangerous，不過點都未去到禁術掛！」
「禁術？」
「禁術係最Dangerous既法術，You can solve all the problems by using this，但禁術會奪走施法者同樣重要既野。現場未有即時發生禁術代價，唔代表將來唔會，因為禁術係借用左神既力量，借左梗要還，You know～總知一般驅魔師都唔會用禁術。」
「咩情況下會用到禁術？」
「對手超越自身力量可以對付，需要借助神既力量先得，呢啲情況好少有，Auntie Uncle都唔會用到啦！Aria，你係咪返阿炫屋企抖？我去揾Renee佢地食野先！」
「Um⋯⋯係呀！」
我返到阿炫屋企，幫佢執返整齊書櫃，然後再次返去醫院。
我不斷睇住楊爸楊媽作法，阿炫卻沒有半點甦醒既跡象。
每當佢地休息，我就會係床邊睇住阿炫。
我凝視阿炫沉睡既樣子，然後拎起佢充滿繭既雙手。
你幾時先醒返？
過左5日，2月已經過去，楊爸楊媽叫左阿傲過嚟。
「如果解除唔到邪氣，阿炫就會一直昏迷不醒，我地需要一個人，進入阿炫既夢境，但呢個方法真係有危險。」楊媽講。
「咁我入去！」阿傲講。
「阿澄，你可唔可以入去？」楊爸久違開口。
「我？」
「比起阿傲，你同阿炫通過靈，你更大機會入到阿炫夢中。」
「通靈？」我問。
「通靈指靈魂同頻，通常發生喺靈魂伴侶身上，機會係得5%。」楊爸講。
我上到阿炫身，係因為我地係靈魂伴侶？
「只要阿炫醒返，咩方法我地都要試。」我望住楊爸。
「事不宜遲。」楊爸向楊媽點頭，佢地同阿傲一齊鋪陣。
「淽澄，你準備好未？」楊媽問。
我向楊爸楊媽點頭，再望住昏迷不醒既阿炫，細聲講：「今次到我救你。」