《我個老友從未來穿越返嚟，話我會愛上一個Kam女》: 002

我哋靜咗兩秒，我唔識俾反應，load咗陣。 然後「噗」一下笑出聲。 「咪玩啦，穿咩撚嘢越啊？」我根壓唔信唐師兄，真係覺得佢戇鳩，同埋我諗佢又想撚鳩我。 之前打機佢都會撚我㗎，成日fake我去第二度，叫我信佢，但係次次信親佢都閪…… 「真係㗎，我真係無呃你㗎屌！」顯然佢覺得我應該要信佢。 但係大佬啊，你要我點信你啊？我真係無辦法做到，你講一句，我就直接信喎，你話幾熟都好，都係咁話啦，都唔合理成件事！！ 「你點證明啊？」我反問佢一句。 我見佢咁嚴肅個樣，我係開始有啲相信，因為佢同以前個態度有啲唔同。 但我都要睇下啲可以令我確信嘅嘢先得㗎？ 「證明啊……哎……啊！你之後入大學。」唐師兄咁樣答我。 我呆咗，我點信啊頂！ 「我自己都幾有信心可以入到U嘅，又唔洗你預言嘅。」呢個說服唔到我。 「頂，你又好似有道理！」見到唐師兄氣急敗壞個樣，我忍唔住笑。 如果件事係真，我覺得幾有趣，因為成日聽啲劇集同埋電影都係講主角自己穿越返去，但係身邊嘅人穿越返嚟，真係聞所未聞。 「咁……咁……你之後會同叮噹一齊！」一個核彈級嘅訊息突然轟過嚟。 唐師兄所講嘅叮噹，係講緊我哋班上面嘅一個好kam嘅女仔…… 我哋同班咗一年幾，平時佢個人都奇奇怪怪，唔止奇奇怪怪啊，係仲有啲神神化化咁。我第一下個反應係⋯⋯有咩可能啊？你叫我點信你啊？我平時都無乜點同佢講過嘢添喎！我有咩可能鍾意佢啊？ 總之我心入面引起極大嘅反感。 「你都痴媽根嘅，越講越離譜。」我食埋最後幾啖雪糕，就諗住華麗轉身離開。 「喂喂喂！你唔好走住！」唐師兄攔住我，唔俾我係個通道度走。 「真係信我，我知你一定覺得好荒唐，我都一樣，我無諗過我真係可以穿越到返嚟，我都係試一試，如果唔係全靠叮噹，我都未必返到嚟啊！」唐師兄嘅表情除咗嚴肅之外，仲帶有幾分傷感，好似今朝早個感覺。 「咁你點解要返嚟？」我反問返佢。 唐師兄頓時語塞，良久先答到：「我依家唔講得俾你知住。」 「我今日全日都無上堂，淨喺係度諗，點樣講你先至會信我講嘅嘢呢？」 「果然，我點講都好難一時三刻要你信。」唐師兄接住講。 「我真係點會鍾意嗰個Kam女啊？你又唔係唔知我鍾意周芷桐！」最後嗰句我刻意細聲返啲。 「你信我啦，你之後會同會沉曬船㗎啦！」唐師兄都仲係好認真，同以前戇鳩鳩，搞下笑嘅佢唔同。 「你唔好再搞笑啦，一啲都唔好笑啊。」我覺得都夠皮啦，可以收手啦。 「真係㗎！」 「如果我無記錯，今日呢一日，係你呀爸返嚟屋企嘅第一日嚟。」唐師兄係老麥呢度嘅說話，每一隻字都衝擊緊我內心。 「屌！你咪玩啦？我老豆喎？」我不可置信咁望住佢，個人有啲靠後。 「我出世到依家，我都未見過佢，無咗影！佢點會無啦啦返嚟啊？」我覺得呢件事，比起我會鍾意個Kam女更加荒謬。 「如果唔係今日呢，都會係呢幾日㗎啦！」唐師兄斬釘截鐵咁講。 「如果件事真係發生咗，你係咪就信我先？」今次輪到唐師兄好有信心咁講。 輪到我遲疑，真係會發生？如果係真，姐係唐師兄真係由未來穿越返嚟啊？