《我個老友從未來穿越返嚟，話我會愛上一個Kam女》: 035

「乖啦小婷，婆婆都明白，婆婆依家會去搵你嗲地媽咪，要帶你去見佢哋，我應承你？好無？」婆婆好好耐性咁氹返我，眼神仲係清澈而溫柔，但係話氣夾雜著無奈。

「你點去搵嗲地媽咪啊？」我不解地問。

聽到婆婆咁講之後，我心都定啲。

「你跟我嚟。」婆婆急促地講。

婆婆帶我去鋪頭，無錯，我以前仲未住喺鋪頭，我同嗲地媽咪有一個溫馨嘅小屋。





行上鋪頭，入咗一間無門嘅房仔，地下有一個明顯地用血畫出嚟嘅陣，陣嘅形狀好古怪，無任何直線，淨係得彎彎曲曲嘅線同埋圓形組成。
呢個係「鎖魂陣」。

「小婷你記住。」婆婆嚴肅且鄭重咁講。

「我依家去嘅喺現世嘅狹縫，你可以理解做鬼門關，但我哋依家唔係透過光明正大嘅手段進入呢個世界，我哋係偷渡去。」

我對於成段嘢都係一知半解，我都係大個咗之後再諗返起先終於明，而我只係用自己嘅記性去格硬將婆婆嘅說話記落嚟。

「所以我哋依家嘅做法，就係要準備一啲可以欺騙天地法則、連接陰陽嘅物件。」





之後我就見婆婆準備緊啲法寶，當中有啲咩呢，包括有呢個「夾生飯」同「過路酒」。

「夾生飯」姐係一碗半生熟嘅米飯，象徵住生死界線模糊，上面插住三支用活人指甲灰、香灰混和燒成嘅黑香。

「過路酒」就係一杯用高濃度高粱酒混合硃砂，以及入陣者當天滴入嘅一滴「頸血」，作為入陣嘅過路費。

準備好呢啲之後，就係要準備入到去要用嘅物品啦，入去嘅嘢唔洗太多，正所謂生不帶來，死不帶走，所以入去「異地」係唔需要帶太多嘢。

但需要有兩樣嘢，第一樣係「欺天錢」，第二樣係「現世物」。





「欺天錢」係要用活人手掌印上硃砂血印嘅陰司紙，有錢洗得鬼推磨，去到另一個世界，都一樣少不免金錢嘅力量，所以都一定要有錢傍身。

「現世物」就係你想搵嘅人，喺現世入面屬於佢嘅物品。件信物喺第 18.5 層係唯一的「GPS 導航」，能喺茫茫靈魂廢墟中，憑情感共鳴精確定位到嗲地媽咪嘅位置。