《我個老友從未來穿越返嚟，話我會愛上一個Kam女》: 037

婆婆知道自己冒緊咩風險，但為咗令我安心，一路都好鎮定。

萬事俱備後，房間入面一滴風都無。婆婆坐係中央，塞住自己隻耳，然後矇上雙眼，屏息靜氣地等。

忽然地，婆婆癱軟係陣中央，而引路香由向上飄拐向陣中央飄，定格係度。

『合埋眼。』一把熟悉嘅聲音係我腦海傳入嚟。

我左右張望，嚇死我⋯⋯邊個同我講嘢？





『係婆婆。』

『你快啲合埋眼先。』聽到係婆婆，我乖乖照做。

『婆婆你點同我講嘢啊？』我傻傻咁問。

『我入咁靈魂狹縫啦，我依家都係用腦電波同你溝通，其實空氣入面係瀰漫住好多唔同嘅電波，其中有啲都係嚟自異地，所以有啲人會見到佢哋嘅存在。』

『不過你應該都唔明，等你大個啲啦，哈哈哈。』婆婆笑哈哈咁講。





平時婆婆好是靦腆，所以年紀輕輕嘅我都感覺到，今日佢嘅哈哈大笑都係強裝出嚟，為嘅就係令我唔好驚。

『婆婆，你會返嚟㗎呵？』我擔心地問。

當最後真係得返我一個嘅時候，咩都睇唔到，呢間房侵襲我嘅不安感越嚟越多。

『我實會返嚟，我點捨得拋低我嘅乖孫自己一個係呢一層度呢？』

我唔想一下子無曬所有親人，即使我同自己講：你要堅強⋯⋯





但我真係做唔到。所以日後對比起俾人話我Kam，自己咁樣孤身一人嘅感覺更加可怕。

『小婷，我見到你嗲地媽咪啦！呀杰！呀蓮！』我聽到婆婆興趣咁嗌。

『係咩婆婆？佢哋依家點啊？』我喜出望外，真係可以搵到嗲地媽咪？？？

『唦——唦唦——』

一片死寂，無咁聲音，無咁腦電波。

『婆婆？』

「婆婆？」