都會錡思妙想ING: 2.都大Sem初體驗
自9月1號開始,我已經接受咗自己必須要適應都大嘅生活,而唔可以靠學生證入紅磚大嘅事實。當日朝早十點,我著着綠色T恤加黑色波褲同埋波鞋,再加個牛龜咁大嘅背囊出門口。好就好在,佢實際上唔係同以前西九龍校園差距太大。都係搭多個站去到HMT就落車。
返到去正校舍後,我去到何鴻燊圖書館二樓,坐喺二樓個電腦面前,打開部電腦,入咗自己嘅學生編號同埋密碼。然後入到校網再將呢個過程重複多一次。入去check個時間表嗰時諗住自己會有日day off唔洗上堂。點知連最有希望嘅星期一都有上夜晚7點50分鐘嘅Tutorial!
我個心即刻覺得灰曬。個廁所又係,對我嚟講簡陋到一個點,仲細個以前西九龍校園嘅廁所。對我呢種大型屁股相當不友好。咁當然頭兩日都係課堂嘅介紹環節姐,覺得好無癮就走去瞓覺。
去到星期四當晚,上緊一堂關於媒體和意見領袖者課堂時。作為一位長期經營社交媒體嘅青年。對於呢種課題如果我唔問問題,咁我仲係Tony嚟嘅?
我:「老師,我想問吓要點樣做先至可以吸引多啲流量啊。」
老師:「要吸引多啲流量呢,首先就要確保你可以揀啱個題材,確保自己嘅內容符合觀眾口味。。。」
我:「咁我發現有啲頻道唔洗出樣有流量,有啲頻道做直播都會有流量,咁真係有好多方向既喎,你覺得而家呢個年代揀咩方案最穩陣啊。」
老師:「Tony你冷靜啲聽我講。。。」
我:「其實呢,我自己都好懷疑究竟老師你有無拍過片,有無試過真係經營過媒體?」
身邊同學紛紛傳出笑聲,而我既求知欲越問越旺盛,腦內分泌出大量多巴鞍。越問越興奮。甚至偏離軌道。
我:「有無同學想同我一齊搞動漫莊啊?放心,我對呢方面係有非常大嘅熱枕。如果你同我一齊搞,我發誓我一定唔會Freeride你哋。」
經過老師叫大家冷靜之後,課堂如常進行,落堂之後我就問老師有關於社交媒體嘅嘢。而當晚喺我返緊屋企途中,發現自己個Threads出現咗以下內容---
「雖然唔係好清楚,但係我想問啱啱積極參與課堂嗰位係咪Tony?」「佢啱啱喺課堂嗰時,露咗少少蛋鏠,好性感,好想對住嚟J。」「Tony頭先好搞笑,上上下堂突然之間問有無人想同佢搞漫畫莊。」「如果可以嘅話,一定要搵個時段去sit佢參與嘅課堂,我好想睇佢表現。」「Tony係我大佬嚟,聽覺佢喺以前西九龍校園時期已經經常性投訴唔睬佢嘅導師,都大嘅教職員,小心啊。」
就係咁,喺開學既第三日,我的名字在都大校舍廣泛出現。我已經有預感,一年之後,我嘅知名度應該會遠高過而家。
同場加映:某同學話:「我今日係個lecture room 到見到Tony, 本來想打招呼但係最後無打到。」我就問返佢做咩見到我唔同佢打招呼。佢話:「因為你個氣場實在係太過強勁,不過放心,下次見到你會同你打返招呼。」