呢個星期因為無咩特別嘢發生,所以只能夠鳩寫。

星期二晚,當我搭巴士返返去屋企嗰時。因為孤令令一個,加上自己嘅儲蓄開始見底。雖然我係個巴士迷,由細到大都鍾意搭巴士。

但係九巴你個所謂學生優惠根本就同無無分別!!!

你老X! 搭一程巴士就要比同港鐵一倍以上嘅價錢,點解你唔可以好似MTR咁學生百達通比半價就得呢?

唔通就因為小弟想返屋企嗰時想睇吓風景就要比多咁多既代價?





唉!都係算數吧啦,鬼叫我咁鍾意搭巴士咩。

然後,今個星期啲Lecture同Tutorial都好悶,當我望住啲PowerPoint slide 嗰時發現裏面啲內容自己將來都唔會點用得著。所以我就係個Lecture Hall到瞓覺,瞓醒嗰時見到未落堂就走去督電話---睇吓Facebook又或者係Threads有無花生食咁樣囉。(然後就比人拍咗上IG)

咁落堂之後我走去做咩?當然喺去食嘢啦。喺我嘅日常娛樂嚟!去到主飯堂之後喺subway分別叫咗一個燒雞胸潛艇堡同一個火雞胸潛艇堡。再叫多一罐雪碧。咁就95蚊,某程度上呢個都係洗錢洗得咁快跟住變成月光族嘅原因。因為我嘅身材同埋食量經已決定咗我喺飲食上嘅花費遠超正常體重嘅人。

當晚返屋企嗰時又再碌下Threads,見到啲人又話:「今日見到Tony食嘢個樣好猴禽,又雞胸又雪碧。仲要左手攞叉右手攞匙羹 JapJapJap。你可唔可以唔好喺我面前到食啊?搞到我流曬口水啦。」

師兄,其實你做乜向左走向右走嘢姐?享受食物嘅精髓在於要將戰食物一層一層咁樣分開嚟食。例如先食塊包皮,再食一吓雞胸,再食一吓其他。最後將所有嘢一次過咬曬佢。仲要食到JapJap聲,咁先至喺對食物嘅尊重嚟。你了解唔了解姐?





雖然入咗嚟都成個星期,但係我始終都未係好明點解都大唔似紅磚大咁樣,走嗰陣時要再拍多次學生證先走得? 其實個原理同喺寫子樓做嘢差唔多姐。你返工入去要拍卡,公司會知道你喺現場,就會叫你開始做嘢。你放工就再去拍多次卡,公司會知道你要離開現場,唔會叫你繼續做嘢。就同學生入圖書館咁樣,無論你係睇圖書又好,聽返之前啲堂又好,做Assignment 又或者係 Group project 都好。都係做嘢嘅一種。所以唔係應該要走嗰時再拍多一次卡咩?

去到星期六晚,我喺條街到覺得肚餓,就走去一間餐廳叫碗河粉同埋凍檸茶發現。唉!我今個月兼職嘅人工又洗曬。

又要做月光族了
已有 0 人追稿