之後,我就開始喺飯堂到大叫,覺得呢個社會好唔公平,唔比機會我入紅磚大到畫漫畫。又抱怨點解屋企人當初要入高級文憑。又話自己點解減唔到肥。

嘈咗十幾分鐘之後,有位同學頂我唔順,帶咗我去見都大嘅社工。入到去個社工房之後,咁佢算生得乾淨嘅,體型係BMI正常水平,身高就176cm左右。

社工:「同學,我哋第一次見面,想了解返你既一啲基本個人資料。」

我:「我叫做Tony,今年22歲,讀緊Year 1,我既心願係一年內GPA>3.70可以入返紅磚大Year 1 到讀漫畫。」

社工:「點解你會咁想入返紅磚大呢?係咪覺得呢度(都大)有咩唔好?」





我:「呢間又唔係香港8大,唔係UGC-Funded,人哋想喺UGC-Funded嘅大學畢業啊嗎!(情緒激動)當初我聽咗我屋企人。。。(下删3分鐘)」

社工:「不如就咁講啦Tony, 雖然我都feel都你有好多嘅情緒同埋無法心想事成既不忿。但係我可以好責任咁講,如果你而家無辦法冷靜落嚟。唔單止會影響你上堂既表現,更加會搞到你將來連個試都考唔好,無謂重複過往既經歷。」

唔知你哋有無睇《玩轉腦朋友2》呢?我記得裏面係有個情節,係阿樂同阿焦喺到搶緊韋莉嘅情緒主控台。仲好記得阿焦當時嘅諗法係韋莉一定要表現得好完美,如果唔係嘅話其他人只會覺得韋莉會表現得唔夠好。係阿樂最後安慰阿焦其實唔洗吓吓都Chur到盡。跟著阿焦安靜落嚟。阿樂就操控返個主控台。之後韋莉冷靜返落嚟。

而我嘅情況係有少少類似。仲喺社工房裏面嘅我意識到,再搞落去件事只會更加大鑊。與其係咁,不如停咗佢。
我隨即攞住部電話,打開Threads,開咗個post同自己講。
:「Tony,你係時候要冷靜落嚟,我想信你都好希望可以喺Sem 1 就證明自己可以表現良好,係咪?」
(其實原文裏面嘅內容係再喺咁落去就連呢到都畢唔到業,不過寫嗰陣時唔想個負面情緒太強,同時可以用另一個角度去看待原本嘅諗法。所以就轉咗個narrative)





打完之後send出去,深呼吸好幾分鐘,情緒稍稍平復,不過出咗個社工房之後覺得自己頭先發脾氣發到好攰。所以功課嘅野只能夠放埋一邊。俾我係虛擬世界裏面打機打返夠本去滿足自己嘅娛樂先。
已有 0 人追稿