發完脾氣之後,我就走去打機打咗三粒鐘之後發現個天閞始黑,跟住就決定搭巴士返屋企食飯。

食完飯之後,因為唔知份功課講緊啲乜所以就無做到。咁我就攞咗部機又打咗成粒鐘之後就開始EMO, 我就開始喺度諗如果自己嘅情緒只係扮出嚟,咁我個人究竟本身係有咩問題先至要做呢種行為呢?

我一路諗,一路喺度碌都大個Discord, 睇吓會唔會有校園裏面嘅最新資訊。喺我瞓覺之前順便報埋紅磚大嘅Re-non-Jupas, 畢竟唔試連自己有無機會都唔知道啊嗎。

跟住第二日紅日放假,我就開始喺度諗。如果我報紅磚大報失敗。喺咪應該要有個Plan B呢? 畢究唔能夠將所有希望都放喺紅磚大,因為之前衰過。

「咁Tony你原先個Plan B 係諗住報乜?」





如果可以報嘅話,我真係會考慮城大。因為城大呢間大學離我住既地方最近。就咁喺九龍塘站出喺又一城行幾分鐘就到城大,唔似喺都大要額外搭校巴,亦都唔似之前西九龍校園咁行十幾分鐘返去,俾個大太陽曬住會出汗。

而且,我聽講城大啲女學生好敢表現自己,咁樣會令我更加完整地思考女同性戀嘅美好形態。

但係聽聞城大又有個花名叫「城市中學」,如果唔遵守裏面啲規矩係會即堂比老師罰嘅喎。咁樣嘅話我唔係好接受到,我諗如果我去讀嘅話可能會因為咁成日去學資處到投訴班Lecturers, 咁嘅話我嘅大學生涯咪讀得好唔開心lor。

然後我又再諗多一日。

唔係喎,我發覺而家自己嘅狀態係連讀都大呢種自資大學都讀到好辛苦喎,如果我用呢個狀態走去讀紅磚大或者城大既話,我有可能CGPA會去到低過1.0嘅水準。咁嘅話啲學費咪等於倒咗落海?





咁樣一比嘅話,又覺得都大嘅Workload 無城大/紅磚大咁大,而且都大又唔係純男子大學,我一樣都可以透過觀察呢度啲女性去研究女同性戀應該有多麼美好。

既然係咁,要唔要讀紅磚大既事,都係留返喺都大畢業之後先決定?
已有 0 人追稿