喺10月2號當日,因為我覺得成個人太攰,就算喺Cafe到買咗杯咖啡依然好想瞓覺。咁喺呢個狀態之下認為就算去上堂基本上係乜嘢都聽唔入腦,所以我就走咗去圖書館瞓覺。

喺圖書館擺低書包,搵個位坐喺到然後趴低,用咗幾分鐘嘅時間進入夢鄉。

個夢境一開始,就發現自己喺個城堡出面。嗰陣時門口出面好凍,凍到自己都要著件皮褸加超暖底衫喺裏面先敢入去。入去之後裏面日久失修無暖氣,咁唯有自己活動多啲等自己保暖。於是我不斷跑,跑吓跑吓就撞牆。仔細一睇係Wallpaper, 我撕開張紙後發現有個好似日本動漫角色嘅女精靈同我打招呼。

女精靈:「你好啊Tony,你終於發現咗呢個地方,好犀利阿你!」

我:「我想知道呢度究竟係咩地方,點解我會出現喺呢度?」





女精靈:「呢度係夢幻之堡,係專門為咗夢想無法實現之人體驗自己嘅幻想。而家喺你面前嘅門將會暫時帶你去一個完全唔同嘅世界。」

我:「咁麻煩你快啲念咒語同埋施展你嘅魔法喺我身上,呢度真係好凍,我唔想久留!」

女精靈:「收到你Tony!即刻做!」

「Oishikunaru~Ohishikunaru~ChinChinpuipui~MuaMua~MoeMoeMoe~Kyun!」

咪住先,乜呢句咒語有啲熟面口嘅?





說時遲那時快,隨著咒語念完之後,對門慢慢打開,強光慢慢咁淹無我嘅身驅。

之後眼前又變返一片黑暗。

我:「嗯....呢度喺邊到嚟?」

我慢慢開眼,發現呢度喺自己屋企嚟,一開始以為好正常,因為嗰時喺朝早7點。。。

我:「我個大肚腩呢?同埋點解我嘅頭髮咁長嘅?」





我:「等陣先!點解我把聲會變得咁幼嘅?同埋啲衫完全唔似我本時著開嗰啲喎?」

我即刻沖入去廁所到睇,發現自己有胸型,骨架細(個人苗條),著背心加安全褲,加甩底同埋四肢無乜毛。跟住再除褲睇睇。睇完之後再將個目光去返塊鏡到,仲feel到自己皮膚好白滑添。

隻精靈唔單止幫我性轉,仲要變到我成個美少女咁樣!?

但係呢樣都未係最驚奇。

當我打開部電話,再掀開IG嘅時候發現。

有個網名Kido嘅女仔DM我話今日要去XXX樂園玩。碌返上去之後再碌返落嚟。發現自己同姖慢慢由普通朋友一路發展到友誼以上戀人未滿嘅關係。

姖最後一個message係:「我聽日可以休假真係太好喇!好期待同你去玩啊,Sonia❤️❤️」

跟著我揾到一本筆記簿,寫住「吳迪霏日記/Sonia's Diary」





嗰一刻,我呆咗。
已有 0 人追稿