咁點解會用頹勢做標題呢?事源係因為事從我入到都大之後。發現自己基本上無乜點用時間去畫畫,見到自己咁無動力去做自己想做嘅事,個人想開心都好難,感覺自己無辦法去實現過去曾經承諾之目標。係對自身歲月嘅背叛!

講真啊,其實我讀咗咁耐電腦都唔係好知意義係什麼。呢科同畫畫都無關,但係又要走去讀,攪到無時間去練畫功,最大嘅問題係啲學習材料讀到一半就好想瞓覺,導致要用幾個鐘先至可以溫完一堂Study Material。溫完個人經已無乜能量,又點會想畫畫?

所以當有人對我上個星期嘗試畫嗰個會唱歌嘅公仔嗰時,明明只係畫咗個外型,真正嘅完成品係要呈現個女偶像喺舞台上享受著觀眾嘅熱情,但係我畫出嚟個外型同我想表達既差十萬八千里,試問一個睇落去似木偶嘅人有咩可能會真正享受演唱會個環境。
發現其他用戶走去讚嗰幅畫嘅時候,會覺得好嬲。因為呢幅畫明明就係未完成嘅作品,明明就係我無比心機走去畫好佢。然後你居然同我講話我畫得好?你咩意思先?你究竟係咪想暗串我既畫功水準只能夠去到呢個水平?定係你見我有幾千個Fans所以你就借啲椅擦我鞋去攞流量啊!你要捧都唔係咁捧啊師兄。

然後又有個用戶就走嚟問我

:「Tony, 我想問條裙嗰度有個棒型狀嘅物體,請問嗰個係咪男性嘅生殖器官啊?」





我:「唔係!呢個係演唱會專用既咪啊!」

不過仔細睇睇,嗰位用戶去望我嗰幅畫時,應該係因為枝咪嘅位置喺條裙中間稍為偏上,所以佢個將原本成枝咪嘅結構理解為男性性器官嘅根部同頭部。即係話,佢好有可能將幅畫視為一個男扮女裝嘅人跪喺個地下到睇A片嗰時,將隻手放落去然後按摩進行自慰行為。

救命啊!人哋原本係想畫個女偶像喺個舞台開心到跳起,去表達姖好享受個舞台,好鍾意唱歌呢件事,居然被人曲解到如斯地步!試問咁樣我又點對自己嘅畫功有信心?要點樣先至可以唔頹?

夢遇所思⑷請到penana
已有 0 人追稿