都會錡思妙想ING: Week 7(1) 下定決心?
10月12 號,星期一。
我又一次望著自己嘅肚腩。
都係咁脹。
對我隻腳嚟講都幾辛苦吓。
所以前幾日同社工傾過,佢話如果我真係想減肥就唔應該得個講字。應該要明確記低自己會做邊啲步驟去實現減肥呢個目標。
而當晚,我喺threads到訂立減肥三大目標。
第一步就係每日只係食早餐同晚餐,唔食晏晝飯。第二步就係每日要返到都大健身一個鐘,之後再專注喺學業。第三就係唔飲咖啡或者紅牛呢啲高糖飲品(我平時飲咖啡要落好多奶同糖係裏面)。
另外,我亦都搵過Lecturer去講自己學業問題。佢同我講話要調整心態,因為啲學生越係執著First Hon去到最後反而會因為表現失準就錯過。要我放鬆個人,等個腦去吸收更多答題技巧。就會拉高個GPA,咁就會First Hon畢業。
不過對我嚟講,可以喺呢間大學到First Hon畢業係代表在學期間完成學士學位既基本要求。否則就代表連基本要求都做唔到,加大自己搵筍工既難度。甚至要登出人生。
唉!點解呢間學院當初由鯨大改做都大嗰時會唔俾學生讀兩年申請攞副學士證書畢業而方便轉返八大㗎,咁我咪可以逃避多幾年自己應有嘅學業責任囉。
然後,我又再望吓自己,學業出咗outlook話可以透過參加gym room計劃之後就去填Form,填完之後就可以攞都大gym room 證。我無理,所以搞到自己無得入去做gym出汗燒脂肪去減肥,係我自己嘅問題。
然後基本上始終都係機不離手,唔係打機就係喺到睇社交媒體,根本係連睇PowerPoint slides 都唔想睇一眼,莫講話聽返Lecture 啲內容。
每日都維持食三餐高熱量同埋戒唔到咖啡紅牛。
完全冇意願去正視自己對自己嘅承諾,依然一日都黑都喺都呃自己。