都會錡思妙想ING: 19.Week 7(2) 家庭糾紛
入正題之前就講返啲比較輕鬆嘅野先,喺10月12日嗰時我突然對唱國語歌有興致,所以就叫身邊啲同學幫我拍片上Threads。當你睇到段片嗰時你係會見到我隻手轉圈,同埋成個人都un吓un吓咁。呢個狀態就代表我係好享受歌曲裏面嘅環境同埋佢帶比我嘅能量。
好,入正題。
10月14號當晚,原本小弟就想出街玩嘅。點知父母就強行阻止我唔比我出行。
父:「Tony, 你野都未做完就出去玩?我唔批准!」
我:「你有無搞錯啊,我落街其實都只係想放鬆吓自己啫。」
父:「咁你記唔記得曾經應承我乜嘢?」
我:「我應承咗乜嘢?」
父:「喺你當初話要喺都大讀到GPA攞超過3.70,之後要入返紅磚大!而且講話讀都大其間會好地地去考返DSE,結果呢?我見到嘅係你成日喺到睇電話,玩電腦。兼職都比你打埋!咁請問你幾時先至可以的起心肝睇吓你啲Study Materials!?你要記得都大唔係以前西九咁有Mid-term 補救,大考嘅分數比例係高好多,係一試定生死喎!」
母:「Tony,你係KFC打工都要跟住經理個指示去做嘢啦!點解你喺學校嗰到唔跟住Lecturer 嘅指示去攞原本應該係你嘅分數?你要記得將來喺公司打工,同公司簽份合約講到明你嘅職責係乜。結果你就走咗去玩,間公司當然會因為你無去履行責任而炒你!長期係咁就無公司請你。」
母:「同埋你要記住,我哋屋企係依賴政府綜緩去維生,你真係唔好預期將來你搵唔到工我哋會繼續養你!我哋兩個都無錢!」
我:「咁我都係想出街放鬆吓。。。」
父:「你係屋企咁多時間都放鬆唔到?咁你出街又點會放鬆得到?」
母:「Tony, 你唔好再比藉口自己去浪費你啲時間啦好唔好?你睇吓同你同年嘅差唔多個個畢業出嚟攞正職做,而你讀咗四年先至入到都大嘅Year 1。」
父:「如果你當初無走去講速度壞話嘅,你而家最起碼都讀到第一年Top-up, 2028年6月就畢到業,我真係唔知點解你有條直路唔行係都要兜個大圈!人生好短暫,浪費咗嘅時間係唔會追得返。你自己好好諗清楚!」
跟住我同父母嘈咗粒幾,兩粒鐘都未掂,我老豆就攞條皮帶打我,好大力打咗幾十吓。跟住我就返入房到喊咗好耐。