究竟一個打五個可以有幾高勝算,其實只需要五吓呼吸。

面對完全進入狀態嘅老麥,西裝佬每作出一下攻擊,老麥只需要左手一撥,一吓吐吶,然後右拳直擊,毫無花巧,亦都最能夠保持體力。

小宜遠遠望見五個敵人,一瞬間就全數倒地。

老麥輕甩雙手,然後就大刺刺走入村屋裡面。

小宜亦即刻跟埋上去,雖然自己未必幫得上忙,但喺阿麥即管上前,你嘅背後就找俾我啦。





地下一層無人,但喺已經可以聽到二樓人聲喧嘩,老麥繼續保持笑容,踏上樓梯。果然,四個敵人已經並排咁阻住喺上樓嘅唯一樓梯口。

「喂喂.....可唔可以搵次設定啲敵人無咁蠢......」老麥放鬆咗備戰狀態。

「你嫌命長頂啦。」首名西裝佬揮拳直搗老麥。

「好好地喺二樓上面等我,至少可以四打一,但喺堆埋喺樓梯口,咪即喺一打一。哥哥,唔駛讓ROUND喎。」老麥睇都唔睇快到面門嘅拳頭,一腳就踼向西裝佬小腿,而且力度仲唔細。

西裝佬痛入心肺,一個失平衡自已轆咗落樓。





並排待陣仲有個大忌,就喺永遠都睇唔清楚前面嘅戰況,餘下三個西裝佬依然個個奮敢向前送死。

四個大隻佬,四件滾地胡蘆。第二層突破。

**************
我拎住手機,靈體偵測器顯示,我前後左右都有人喺到看守,雖然我可以知道有幾多人喺到,但喺偵測器無辦法顯示埋地形,所以我只可以好慢好慢咁,逐少移動。

我突然慶幸自已咁沉迷打機,玩metal gear 嘅時候,令我知道點樣可以更有效率咁避開敵人,而且仲俾我喺一楝村屋旁邊搵到一個隱身「神器」!

一個足以容納我,三兄弟鮮橙「紙皮箱」!





我笠住個紙皮箱,仲可以喺個手柄穿窿位睇到四周個環境,我不禁對創作之神小島秀夫佩服得五體投地。

不覺,我已經嚟到思源所講嘅後堂。

後堂原來就喺一間古式嘅道觀,不過,咁重要嘅地方反而一個守衛都無。

「唔通擺空城計?都喺安全第一。」我心諗。

所以我決定辛苦啲,繼續趴到去道觀嘅側邊,搵到一扇打開咗嘅?,然後爬咗入去。

後堂嘅擺設同一般道觀差唔多,而最大分別,就喺正中間並無安放任何巨大嘅神像,就只有一個用紅色布幕包圍住嘅空間。

小雅嘅肉身,就放喺布幕入面啦。





**************

持續嘅作戰雖然唔算話好激烈,但喺體力嘅消耗始終都會有。老麥汗流夾背,成件白色衫都已經濕透哂。

啱啱攻破埋三個人看守嘅第三層,第四層就喺天台啦。

不過,老麥嘅身體好似出現一啲異樣,喺小宜無發現嘅情況下,佢收起咗笑容,緊緊咁按住肚腩。

小宜由於救母心切,一支箭咁衝咗上去樓梯,打開往天台嘅門。

突然,樓下嘅老麥聽到小宜一聲尖叫,都唔顧身體嘅不適,就衝咗上去。

天台無任何西裝佬,不過情況更令人毛骨悚然......

一位婦人正端坐喺一張四方枱前,用筷子挾起咗一塊白蠟燭,正想放入口裡面之際,有兩個人撞開咗佢屋企道門。





「你地喺邊個?做咩走入人地屋企架?」婦人用一雙空空洞洞嘅眼神盯住小宜同老麥。

「......媽......媽媽!我喺小宜呀!」小宜嚇到聲都震埋。

「小宜?哈哈哈......你真喺識講笑,我嘅小雅小宜,咪坐咗喺到囉。」婦人用筷子,指一指同枱嘅兩個人。

兩個紙扎公仔。

「媽媽......」小宜腳下一軟,好彩老麥將佢扶住。

「時間無多,不如撻暈伯友帶咗佢走先,之後等思源幫佢解咒。」老麥平生都喺第一次見到啲咁嘅嘢,確實笑唔出。

「唔得!佢喺我媽媽。」小宜自已企穩,然後走向婦人。





婦人見到小宜走近,亦都放下筷子,雙手㩒住張枱,警戒防範。

「媽媽,我先喺小宜。妳嗰女呀。你記唔記得啦,我細細個果陣,我地三母女一齊沖涼,一齊食飯,一齊睇電視,我病嘅時侯妳又會成晚氹我瞓。雖然爸爸好耐之前已經唔喺到,但喺我地一家三口好開心架。妳諗下......我先喺妳嗰女呀!並唔喺依個紙扎公仔呀!」小宜行到埋佢枱邊,一努之下揮手將其中一個紙扎公仔掃咗落地。

點知,婦人見到公仔俾人推跌,大喝一聲,拎起咗一把放喺枱面嘅生果刀,就向住小宜插埋去。

小宜冷不及防,俾生果刀?中咗肩頭。

老麥正想衝去阻止,但喺樓梯口又傳嚟一下接一下嘅腳步聲。步聲沉穩,絕非剛才嘅嘍囉。

一條人影,正由三樓一級級咁走上天台;本來可以俾兩個人平排行過嘅樓梯,竟然俾依個人完全佔用,當佢走出天台嘅門口時,仲要稍為垂低頭。

用巨漢嚟形容佢,真喺最貼切不過。

「你地令到老闆好頭痛,咁樣搞一搞我地會無糧出架。」巨漢睥睨住老麥。





「哈哈......一喺咁,我地依家即刻走,大家算呢?」老麥只得苦笑。

另一邊,小宜與婦人正爭持住把生果刀,可惜小宜處處留手,仲俾生果刀喺手臂到?多兩道傷痕。

「媽媽咩妳真喺咁憎我咩?我知,家姐樣樣都俾我好,佢成績好,又柔溫,又體貼,我已經好努力咁去學佢架啦。點解你都唔好好咁睇我一眼!點解!點解!我其實好想做番自已,我想俾妳知道,我做自己都可以好好架!媽媽!求下妳,好好咁睇我一眼啦。」

小宜喊到收唔到聲,最後竟然豁出去,放棄爭奪,一撲就攬住婦人條腰。

小宜背後中門大開,婦人高舉生果刀,向下出力插落去。

「媽媽......我愛妳。」

生果刀就喺離背脊不足一吋位停咗。

「媽媽......我都好愛家姐架。」

生果刀抖震。

「媽媽......我從來都無變壞,我夜晚唔喺去同人打架。我希望可以變得強壯一啲。屋企無男人喺到,所以我要變得再強壯一啲,強到足以可以保護妳同家姐。」

生果刀脫手掉咗落地。

「小宜......媽媽對妳唔住......我......我個頭好痛......好痛!」婦人雙手抱頭,表情痛苦。

小宜亦都緊緊咁抱住媽媽。

佢地究竟有幾耐無咁樣相擁呢?已經唔重要,最重要喺依一刻母女團聚。

一支細如毛髮嘅針,慢慢喺婦人嘅後腦退出,然後化作一縷灰煙消散。

雖然喺溫馨相聚時光,但喺卻傳嚟老麥嘅叫聲。

只見老麥首次作出完全防禦狀態,雙臂高舉護住個頭,巨漢就打斷揮拳。

「媽媽......妳喺到好好休息一下,然後好好咁睇住我,我已經強到可以保護重要嘅人啦。」小宜企起身,大無畏咁走向巨漢。

巨漢眼尾見到只喺一個女仔走埋嚟,完全唔打算理會,繼續向住老麥作出密集式攻擊。

突然巨漢腳下一軟,成個人跪咗喺地。

回頭一望,原來喺小宜繞到佢背後,大腳踼向佢嘅後膝關節。

老麥把握機會走到小宜身旁。

「喂喂,咁慢架。我俾人打死啦。」老麥一手㩒住肚腩,一邊不停喘氣。

「你邊會死得咁易喎。」小宜露出一個開朗燦爛嘅微笑。

「咁又喺。」老麥騷騷頭,亦都報以一笑。

巨漢重整旗鼓,一轉身就向住二人,伸出一雙能夠遮蓋星空嘅大手掌。

時間,好似專登為咗小宜同老麥停止咗落嚟。

「仲記唔記得琴日點教妳?」老麥問。

「梗喺記得!」小宜答。

然後兩個人嘅動作變得一致,一左一右同時扣住巨漢雙手,步法前弓後箭,蓄勢待發。

重達二百磅嘅巨型身軀,突然騰空拔起,佢嘅世界從來都未試過反轉,皆因佢從未遇過史未前例嘅:雙人!過肩摔。

由於老麥嘅力量始終比較大,巨漢嘅身體就好似陀螺咁,一路飛一路旋轉,竟然被拋到去對面村屋嘅天台。

「我學拳咁耐,都喺第一次連飲奶......昔嘅力都出埋。」老麥向後倒坐喺地上。

「啊!阿麥,你無事嗎?」小宜急急咁問,佢亦都喺第一次見老麥攰成咁。

「無事,我只喺有啲......有啲......肚餓......」老麥雙眼合埋,就要瞓喺地下。

小宜馬上扶住佢,然後溫柔咁將老麥個頭枕喺大髀果到。

「媽媽......我同妳介紹,佢喺我男朋友呀。」小宜嘅笑容無比幸福。

第一戰線完成。