我fd話我沉船沉到癡L咗線！: Ch7：無套

復出之後，我開始密密咁搵Circle。一個月搵佢五六次，每次都俾雙倍價錢——當係支持佢。
第三次搵佢嗰陣，我帶咗佢鍾意嘅辣味鴨腳同青檸soda酒。佢見到好開心。嗰晚，佢飲咗少少酒，面紅紅咁，我哋做嘅時候，佢忽然話：「唔使戴。」
我呆咗：「吓？」
「我有食避孕藥，唔使驚。」佢細細聲講。「我信得過你。」
我同Circle，第一次無套。我哋每次都係唔戴。
但係，我個心入面，有好多疑惑。係咪因為我每次俾雙倍錢？佢成日當我係男朋友咁傾私事，係咪真係咁樣？仲有一個問題我成日諗但唔敢問：CJ都話同佢無套，呢句「我信得過你」，佢同幾多個男人講過？
有一次做完，佢習慣性咁轉身，喺床頭櫃抽咗兩張特定牌子嘅濕紙巾，好溫柔咁幫我清理。佢嘅動作輕柔、嫻熟，甚至連角度都精準得可怕——嗰種流暢感，完全係做咗幾千次、幾萬次形成嘅肌肉記憶。但更可怕嘅，我明知係咁，仲繼續沉溺，嗰種被照顧、被愛嘅錯覺。
我望住佢溫柔嘅側臉，心入面忽然泛起一陣寒意。呢種「溫柔」，到底係對我王靜，定係對任何一個俾得起雙倍錢嘅「好客」？
我問過佢關於佢老公嘅事。佢話係湖北相睇識嘅，老公六十幾歲，自從個女出世之後感情就愈嚟愈淡，而家好似陌路人咁。
有一晚，我搵佢搵得好夜，完事之後佢去咗浴室沖涼。我坐喺床邊，忽然聽到佢電話響。來電顯示係一個名：「曱甴」。




Circle行出嚟接聽，語氣尷尷尬尬：「喂…嗯…今晚會夜少少…嗯…拜拜。」
佢收咗線，苦笑：「係我老公，成日問我幾時返去。」
我望住佢，忽然覺得好奇怪。喺佢心目中，佢老公係一隻害蟲。