我fd話我沉船沉到癡L咗線！: Ch8：CJ嘅真相

有一晚，完事之後，Circle忽然皺住眉頭提起：「你知唔知，有個客成日上網亂噏我啲嘢，仲當正自己係我男朋友咁，周圍同人分享，好反感。」
「邊個嚟㗎？」我扮唔知。
「佢網名係CJ。我已經同佢炒咗大鑊，話以後唔想再見佢。」Circle講得好嬲。「佢竟然跪喺我門口求我原諒，話冇咗我唔得，我見佢咁樣先心軟咋。」
我聽到呢度，個心即刻好唔舒服。
CJ唔單止同Circle無套，仲要周圍炫耀，而家仲要跪喺門口求原諒？
我忽然之間明一樣嘢。CJ唔係一個「普通嫖客」。佢係一個同我一樣，沉咗船嘅人。我選擇「等」，佢選擇「炫耀」。我將Circle當成「秘密」，佢將Circle當成「戰利品」。
而Circle對CJ嘅態度，都好曖昧——佢話「好反感」，但係「見佢跪喺門口，有啲心軟」。即係話，佢對CJ，都有一種「唔知點形容」嘅感覺。
我冇出聲，亦唔敢再問落去。