我fd話我沉船沉到癡L咗線！: Ch9：我嘅矛盾

時間愈耐，我愈覺得自己唔同咗。我開始唔再對其他鳳姐有興趣。我淨係想要Circle。
我開始幻想，如果可以同佢一齊生活，會係點樣？我唔介意佢做過雞，唔介意佢有一個女，我只係想照顧佢，令佢唔使再做呢行。但現實係，佢有老公。我冇資格去拆散人哋家庭。
有一次，我忍唔住問佢：「你有冇諗過離開你老公？」
佢沉默咗好耐，對眼有啲紅：「有。但係我唔可以。因為個女。我唔想個女冇咗個完整嘅屋企。」
「咁你愛唔愛佢？」
Circle秒答：「唔愛。但係婚姻唔係淨係講愛唔愛，仲有責任。」
我點點頭，冇再講落去。
再問就過咗佢嘅底線。
但係，我個心入面，有一個好邪惡嘅念頭。
我等佢老公同佢離婚。




或者，我等佢老公死。
佢老公大佢咁多，如果佢走先，Circle就會變返單身，我就可以光明正大同佢一齊。我知呢個諗法好仆街。等一個人嘅不幸，嚟成就自己嘅幸福。但係呢一刻，我係一個自私嘅人。
我將呢個諗法，收得好深好深。