我fd話我沉船沉到癡L咗線！: Ch10：表白

有一晚，完事之後，佢溫柔咁攬住我。
「王靜。你對我真係好好，你係我呢世人，遇到最好嘅男人。」
聽到呢句，我心頭一震，浴室便條紙上面嘅字再次浮現喺腦海。但我閉上眼睛，選擇徹底遺忘。
我吸咗一口氣：「Circle，我有啲嘢想同你講。我鍾意你。唔係客對鳳姐嗰種鍾意。我想同你一齊生活，想照顧你。」
佢望住我，對眼開始有淚水。「王靜…」
「你唔使而家答我，我只係想話俾你知我嘅心意。」
佢沉默咗好耐，細細聲講：「我都鍾意你。但係我唔可以同你一齊。我有老公，我有個女……如果有得揀，我想同你一齊。但係我冇得揀。」
我攬實佢。耳邊溫柔講：
「我等你。等到你可以同我一齊生活。」
佢冇出聲，只係攬實我喊。




我望住天花板，心入面有個計時器，開始無聲倒數。呢個係我嘅選擇，亦係我嘅罪孽。但我冇後悔，因為呢世人可以遇到一個真心鍾意嘅人，係幾咁難得。就算要用一生去等，我都願意。