《一位明星，在自己的「生前喪禮」上死了》: Chapter 12

Chapter 12


最後一位上台致辭的歌手，不出眾人所料，就是 Rosemary。 

Rosemary 這天穿了一條高貴而簡約的白色蕾絲長裙，很像一件婚紗。她往 Vincy 臉上輕吻一下，然後緩緩踏上台。 


「各位來賓，各位觀眾，大家好，我係 Rosemary。 





我好慶幸，今日有一個咁樣既場合，可以俾我正式咁，向一個人道歉。 

呢一個人，曾經俾我出賣過，俾我傷害得好深，但到今時今日，佢都依然咁錫我咁支持我，我非常之感激佢。 


其實好多年前，我已經同 Vincy 一齊同居，一齊好平靜好甜蜜咁生活，直到...... 直到 Vincy 出櫃承認自己係同志果一日。 

大家可能唔明白，『同志』呢一個身份，特別係作為公眾人物，所承受既壓力同不友善目光，究竟有幾強大。 

其實同志同普通人有咩分別？一樣係人，只不過我地愛既人，性別唔同啫，有咁危險咁可怕咩？ 





可惜，呢個社會就係咁諗。 



作為歌手，要有收入，就要有人支持你。 

但如果大部分家長同老師，都因為你係同志，所以唔准佢地仔女同學生聽你唱歌，作為歌手，可以話：你已經玩完。 

當年，我，就係因為呢種壓力，跪低咗。 





我否認自己係同志，否認同 Vincy 係情侶關係，一再同 Vincy 劃清界線。 

Vincy 喺之後作既歌《再見... 露絲瑪莉》入面，寫得好準確，「徬徨像你，還未夠信心」。無錯，我係無信心，無信心公開承認自己真實既一面，無信心做我真實既自己。我好努力好努力咁去扮一個『正常人』，就係希望歌迷會繼續支持我。 

但係，咁做原來唔 work 架。
我好好彩，上天俾一個機會我去彌補之前做錯過既事，可以同一個我傷害過既人修補到關係。 

但我希望借呢個機會同電視機前既觀眾，特別係年輕人講： 

人生，只有一次。千祈唔好為咗討好其他人，為咗得到其他人既認同，而去違背你內心既聲音。 
人生，只有一次，所以，請為自己而活，愛自己真心愛既人，做自己真心愛既事。 


最後，我想送兩首歌俾一個人：《如果你有事》 同埋《夜半敲門》。 





我希望呢個人，可以健健康康，肥肥白白，開開心心，以後我地兩個就好似童話故事咁，公主同公主，從此幸福快樂咁生活落去。」 


《如果你有事》 ： 
「為何你要我，去信那某些往生的歪理？ 
什麼世上人間，天與地，在某一天又再一起。 

如你若有事，我會很寂寞。 
我獨個行樂，怎可快樂？ 
我沒你的運氣能先走，畢竟能早登天國。 
就算是有事，我也不讓別人再做我主角。」 







《夜半敲門》： 
「這樣告別，你問尚有哪些不甘？ 
大概沒有吧，我們還能熱吻。 
每日試著讓你過得開心， 
完成人生想擔當的責任。 

死神，如若已飄到接我， 
仍然可帶著回憶的熱能，面對這場厄運~~~ 

就算祂，在這刻拉走我，抱憾也不多。 
在今世裡面曾有過， 
若干晚，抱著你幸福過。 

難逃過這一關，仍然未覺孤單。 
這份愛，沒法被離間， 




何曾怕沒法歸來，只怕你不慣。 
明瞭哪有得揀， 
誰人何時病了，一睡不返， 
但我們做得到，互愛直到身體變冷......」 


＊＊＊

生前喪禮儀式進行至今，都大致順利，直到...... 鄺牧師帶領一班粉絲代表上台。


鄺牧師帶領一行二十人，有老有少，有男有女，有些坐著輪椅，有些撐著拐杖，有些只得一隻手，有些帶著墨鏡要由其他人扶著走路，有些頭髮和眉毛都掉光了。他們每個都穿著白袍，背後都有一對羽毛造的假天使翼。 


鄺牧師帶這班人上台後，拿起咪高峰道：「大家好，而家台上面既二十位朋友，都係鐘意咗 Vincy 好多年既忠實 fans，佢地每個身上都有各自既缺憾，但佢地仍然好勇敢咁生活，仲成日幫 Vincy慈善基金做義工貢獻社會，希望大家可以俾啲掌聲台上咁多位！」 







現場隨即響起熱烈的掌聲。 


「佢地今日上黎，係代表 Vincy 所有既 fans，為 Vincy 唱一首歌，感謝 Vincy 過去一直以來所唱既歌，所做既事，令所有歌迷，特別係有病患既朋友，有正能量，有信心有勇氣去迎接各自生命中既困難同挑戰。 

而家， Vincy 面對住一個現代醫學都解決唔到既疾病。但係，哥林多後書12章第9節話：『我的恩典夠你用的，因為我的能力是在人的軟弱上顯得完全。』我地大家一齊為 Vincy 祝福祈禱，希望神既大能，能夠在 Vincy 身上彰顯，能夠有奇蹟出現！ 

所以，Vincy 千祈唔好放棄，一定要同病魔戰鬥到底！大家都好支持你架！好喇，唔講咁多，唱歌喇不如。」 

《只有一事不成全你》： 

「隨風　你說得多麼灑脫 
如何盡如人意　想不了 
何妨盼望永生　等不了 

隨便　我卻說得多麼酸 
懷疑　你在病床 
馴服到不敢掙扎　不敢呼叫　才令你 

鬥志軟弱無力　無嘗不可 
容許我為你默默生火 
若然肉身遭綁架 
逃生那道奇門極近　永沒上鎖 
而對你最不捨的是我 
竟丟低我自己一個 
柔柔一聲成全　為何聽得我這麼崩潰　太多 

如果　你永遠不會在場　如何　繼續自強 
成就要一些觀眾　怎麼可以　遺下你 

人軟弱無力　無嘗不可 
容許我為你用力高歌 
突然絕境走一趟 
無非要在明日盛世　放任穿梭 
還有你最不捨的是我 
怎麼可以就此經過 
平時多麼仁慈　為何今天你就不施捨更多？」


歌聲剛落，台上二十位粉絲就齊聲宣讀一篇之前準備好的對白： 

「『如果，你永遠不會在場，如何繼續自強？』親愛的 Vincy，你係我地勇敢生存落去既最大動力，希望你堅持到底，永不放棄，同病魔戰鬥到底！我地永遠支持你！」 


現場再次掌聲如雷。 


正當大家以為表演結束，二十位粉絲徐徐走下台的時候，
鄺牧師卻突然從講台後面拉起一幅寫著「反對安樂死」的兩米大型橫額，並且準備發言。 



Amanda 頓時憤怒得整個人跳起，一邊急步走向台上，一邊向在場的工作人員用手做一個割喉嚨的動作，示意他們把台上的咪高峰消音。 


鄺牧師繼續拿著咪高峰，情緒激動地連珠發炮： 

「生命係神聖既！！！係神所賜予既！！！聖經傳道書第8章第8節話：『無人有權力掌管生命，將生命留住，也無人有權力掌管死期。』只有神，先至擁有決定人生死既權柄！！！任何人提早終止他人既生命，都係殺人！唔單止係犯法，仲係違反十誡中既『不可殺人』，係神唔容許既，一定會落地獄！！！所以我地絕對唔可以俾『安樂死』合法化......」 


咪高峰己經被消音，幾位工作人員亦已經衝到台上，把鄺牧師的咪高峰搶走，並收起他那幅寫著「反對安樂死」的橫額。 

鄺牧師對工作人員高舉雙手作投降狀，又向台下觀眾躹躬，之後便昂首闊步從台後的樓梯回到後台。



-------------------
本回歌單：


鄭秀文《如果你有事》： 
https://www.youtube.com/watch?v=cZ0xhd-kkHs 
何韻詩《夜半敲門》： 
https://www.youtube.com/watch?v=bktiXSXhTbg
周柏豪《只有一事不成全你》 
https://www.youtube.com/watch?v=xCIkwSrtU-A