[足球故] 我要踢港隊！: 五

在家千日好，起碼可以嚐嚐老媽子的手藝， 
也可以一家人齊齊整整的坐在餐桌前吃個飯，儘管老媽的拿手菜來來去去也是那幾味， 
但不加味精而加添愛心的餸菜已勝過一切。 

「阿B，個樣做乜咁苦咁呀？」老媽問道。 

想不到我的樣子真的那麼苦，連媽媽的好餸也拯救不了我的頹樣，都怪那個他媽的黨老師。 

「冇咩呀 ... 學校唔搞足球隊姐。」 





「車，所以話你仲係成個小朋友咁囉。一定要踢校隊既咩？唔踢校隊冇得踢波架？街場唔踢得波咩？戇居。」老爸一邊扒著飯一邊發表他的偉論。 

「唔得呀，街場好多飛仔架！」老媽一臉擔心的容貌。 

「你咪傻啦。想當年，你老豆、你老公，我就係係街場練得一身好腳法，果時我就踢開翼既，次次都一個過幾個，啲人比我玩到氣都喘埋，個個都叫我『美斯』既。」 

老爸繼續他的偉論，我看著他的大肚腩，真的難以想像當年的快翼是怎麼樣的一回事。 

再想想那句「個個都叫我美斯既」 
老豆，你踢波果時美斯都唔知出左世未呀。 





「講真，你鐘意踢波既咪自己去街場踢下囉。又無壞既。」老爸接著說。 


我老爸雖然愛吹牛，卻「生仔真的知仔心肝」。 

「嗯，都可以試下既。」連老媽子都覺得可行。 

「好呀！多謝老豆老母！」 





「喂，唔準嗌我老母咁粗俗呀！」 

「哈哈哈哈哈哈哈。」 


整餐晚飯就是滿戴溫馨， 
謝謝你們。