喺壯闊既銀河之下,我坐喺廣闊既草園上,望住你既背影。

微風輕輕吹送,你總愛仰望一望無際既星空...

從你眼中,我無辦法見到你要望去邊,你望緊去邊...

只係知道,你從來都唔在意草地上任何一件事物...

你就好似唔屬於呢個世界...呢個空間...





我好了解...好清楚...好明白你唔係屬於地面,亦唔屬於天空...

你係屬於宇宙...

“颼”微風將你黑色既長裙輕輕吹起,你口中好似念念細說:「我們總會再次相見...」

剎那間,壯麗既銀河變成灰色...廣闊既草原亦變成灰色...整個空間都變成灰色...分裂...

分裂到阿月既背影當中...粉碎...飄散...





當我再次有意識之時...再次睜開眼之時,我喺個睡袋裏面,望住個帳篷頂...

個帳篷頂都仲係好光...銀河同明月既光芒...

“依依...”我小心翼翼咁拉一拉開條拉鍊,望一望瞓喺身邊既阿月...

仲未醒呢...

係我早醒左...





又再一次喺鬧鐘未響之前就醒左...

唉...無辦法啦~始終無辦法瞓得好...與阿月身處同一個帳篷下...空間下...

我個心本來就已經載滿阿月...

而家就連身邊都係阿月...

有乜辦法集中精神睡覺?

但阿月就...好似瞓得好冧咁...

望住阿月既睡相,嘴角帶住一絲絲微笑...

好似瞓得好甜...好冧...





阿月發緊夢?

阿月發緊咩夢呢?

發緊甜夢?發緊美夢?

發緊咩夢都好,都唔會有我出現...

我係知道,就算阿月發美夢又好,惡夢都好,夢境裏都唔會有我份...

一個人心裏無你,夢裏更加唔會有你...

望住仲喺睡夢中既阿月,我有幾耐無望過你瞓呢?





其實,我可以瞓喺你身邊既次數都唔係多…

就只有兩次...

我係唔會忘記你瞓喺我張床既時候,望住我既眼神...

眼中只有我既眼神...

全個世界就係只得你同我...

仲有你摸住我塊面同我講:「我會記住你既輪廓...」

嗰陣時,我地係真心相愛...我知道...

我知道嗰陣時,你係愛我...





但點解...愛...可以咁短暫?

我地既愛,好似過唔到兩個星期...

好似過唔到一個月...

你話過,你唔覺得我地喺熱戀期當中...岩岩喺埋一齊第二個星期既時候...

咁即係話,我地從來都無熱戀過?

我唔知道,係我地既熱戀期特別短暫?

定抑或...我地一開始嗰一刻,就已經係終結?





“那故事倉猝結束不到氣絕便已安葬 才成就心裡那道不解的咒沒法釋放”

我對你既念念不忘,係唔係就係因為我地既戀愛告終得太快?

我唔知道...

但我可以肯定,我對你既痴戀唔係因為我唔甘心...唔係因為我未佔有你之前就已經失去左你...

我係可以肯定,我對你既愛,係出自最單純既愛...最全心全意心全意既愛...從來都無改變。

由開始,到現在...甚或將來...

愛上你,我無法自拔...

你說,我們是命中注定...我也曾經說過同一句話...

由相識既一刻我就可以肯定,生命中一定要遇上你呢一個羅海月...

我地就係命中注定既一對...

可惜既係,我地係唔係亦都係命中注定要分開呢?

我唔知道...但而家好明顯就係...

將來我地可唔可能再相戀多一次?

我怕再無咁既可能...亦都再無咁既機會...

我地兩個既牆,好似越黎越厚...

我地兩個之間既距離,都好似越黎越遠...

係你既心之壁太強又好,又或者係我有心同你保持兩秒距離都好...

我地倆個,好似點都唔可以再存活喺對方既世界裏面...

縱使好似我地而家咁,瞓喺同一帳篷內,我能夢見你,但你唔會夢到我...

我知道如果我再次向你走近既話,再行近D既話...我一定會灰飛煙滅...

為左愛,我唔怕屍骨無全!

但我怕會改變我地既關係...

我唔想俾你覺得,我會帶到一份無形既壓力俾你...

我知道對你黎講,一個你唔愛既人愛上你,就好似一條枷鎖一樣...

會令你不安...會令你逃離...

我唔想因為我呢個你唔再愛既人,感到煩惱...感到困擾...

所以...我唔可以話俾你聽,我愛你...

我仲好愛你...

我真係好愛你...

我無辦法唔愛你...

縱使我係知道你清楚明白...

就好似我清楚明白你清楚明白我既心意一樣...

我唔知道,將來我會唔會同第二個人一齊...

我唔知道,我會唔會同第二個人結婚,生兒育女...

我唔知道我會唔會愛上第二個人...

但我好怕,好怕縱使俾我遇上另一個可以令我心動既女人,我都係會對你念念不忘...

我好怕帶住你喺我個心裏面生活耐左,會累...會倦...會身心俱疲...

我好怕...我真係好怕...

思念會令人滄桑...會令人衰老...

我好怕我對你既思念,會令我一夜白髮...

我真係好怕...我真係好怕...

有人話過,愛係一種魔咒...

假如我愛上你,係一個魔咒既話...

點樣先可以解開呢個魔咒?

我又幾時先可以遇上解開魔咒既辦法呢?

“叮叮噹噹 叮叮噹噹”阿月既電話突然響起!

係鬧鐘聲...

我立即瞓返好個人,扮晒仲未瞓醒...

「唔...唔...」阿月轉一轉身,拎起部電話,撳熄個鬧鐘...

成個空間變得好寧靜,或者就靜到只得我既心跳聲...

「喂~飛揚~起身喇~」阿月用上一把半睡半醒既聲音,叫一叫我...

『嗯嗯...』我扮作仲未瞓醒,隨便回左兩聲...

「懶瞓豬~起身喇~」阿月拉一拉開睡袋上既拉鍊...

『嗯嗯...』我仲係繼續扮未瞓醒...因為我感覺到塊面有D熱...應該有D紅...

其實我真係一個好易面紅既人,只要有少少心虛...我都會面紅耳赤...

「唔可以咁懶架~再瞓就會錯過好多美麗既光景架喇~快D起身丫~懶瞓豬~」阿月爬到我身邊,推下推下我...

阿月推下推下,拉下拉下咁...

我就俾阿月推到搖下搖下,擺下擺下咁...

『嗯嗯嗯...醒醒醒...』我睜一睜開雙眼...

我望到...阿月望住我...

阿月塊面貼得好近...

好耐都未試過可以貼得咁近阿月...

我倆喺微弱既月光透入帳篷下,四目交投...

阿月一對水汪汪既大眼睛,相比起夜幕繁星更加吸引...

憂鬱既眼神,令我好似觸電一樣,比阿月深深咁吸引住...

我好想...我好想可以...親吻一下...阿月...

讓我再一次...

「快D起身~」阿月一手拉開我個睡袋...

『喂喂~唔好咁粗魯得唔得架~一陣原來我無著褲瞓咁點算先?』我俾阿月既突如其來嚇左一嚇...

「車~慌你好大支呀~我驚太細條,嚇親我咋~」阿月對我莞爾一笑…

呢個阿月...

點可以咁隨隨便便講埋D咁既野架?

我碌巨棒都唔知幾大支野呀!

真係好想立刻除褲,托住條巨棒拍阿月塊面!

當然諗就兇狠,做就碌撚啦...

「快D起身出去睇下影成點啦~」阿月拉一拉我起身...

『得喇得喇...自己黎...自己黎...』我唔係好習慣,突然俾阿月捉住...

但阿月睇黎無意圖鬆開手,繼續緊握住我隻手...

就係咁,俾阿月拖住出帳篷...

講真...俾阿月一拖住嗰刻,我個心就好似打左強心針咁,吧吧聲咁跳!

個心一路跳,眼前就不斷閃出一D影像...

第一次拖住阿月既影像...

『我...隻手好大手汗架...』拖住左阿月隻手無幾耐,我已經感覺到隻手有D濕...

我係一個好易有手汗既人...

只要我握住一D野既時候...

再加上緊張...

第一次拖住阿月隻手,我真係好緊張...

「咁岩既?我都係好易有手汗架~」阿月喺個袋仔裏面搵丫搵...「嗱~我地攝張紙巾喺中間,索下汗~咁咪唔怕囉~」

「有相睇有相睇~」當我仲沈淪緊喺回憶當中之時,阿月就鬆開左隻手...

總係咁樣架呢...

我未習慣之時,你拖住我...

當我投入之後,你就鬆開我...

我地好似總要喺岩既時候做錯既野,又要喺錯既時候做岩既野...

我地係唔係永永遠遠都要正負得負,又或者負正得負呢?

呢一切喺上天巧妙既安排?

定係我地唔識得把握最好時機?

『等我又睇下先~嘩...』當我睇到自己部相機既LED顯示器之時,我有D唔敢相信自己對眼...

一條又一條,掛喺夜幕中發出銀白光芒既光線,圍住左前面間石屋...

好靚丫…真係好靚丫…

我真係無諗過,自己可以影到咁靚既星軌...

一來無諗過會有時間上山過夜...

二來無諗過自己有能力上山過夜...

三來無諗過自己有咁既技術...

但原來,一切都來得容易...

只要你想...只要你肯...只要你做...

或者簡簡單單講一句:『世上無難事,只怕有心人。』

「嗯嗯~我都好滿意~」阿月望住自己部相機個LED顯示器點點頭。

我偷望一眼...

嘩!我真係差D由心裏嘩左出黎...

阿月擺既距離、角度、闊度比我更好...更完美...

阿月...我無辦法唔認,你真係每樣野都總要略勝我一籌...

「好~呢張星軌我收貨~飛揚~你呢?你嗰張收唔收貨丫?」阿月八八卦卦咁偷望我部相機...

『你嗰張你都話收得貨,咁我嗰張就一定收硬啦~』我唔俾阿月望到我影成點...因為真係比唔上佢嗰張...

「車~好喇~咁我地再影下景啦~」阿月托住支腳架,喺草地上行丫行...

雖然比唔上阿月嗰張,但...我又真係已經好滿意...

一直處於你身後,喺你身後望住你...

我唔敢講我係你既守護天使,喺你身後守護住你...

我只可以喺你身後擔心你...著緊你...

或者我真係只可以一直行喺你後面...一直一直...永永遠遠...

同阿月繼續喺山頭上面,影下凌晨既銀河。

夜幕比之前更黑更深。

銀河亦更閃、更光、更亮。

我盡最大既努力,將最美既景緻攝晒落張CF Card裏面。

當然亦不忙偷偷影下阿月既背影。

我地都影左好耐,影左都唔知幾耐,影到差唔多俾我地影晒成個夜空...成個銀河...影到覺得攰喇,我地先停左落黎...

我坐一坐低,坐左喺草地上。

阿月就背住我,企喺我面前...

喺夜空銀河做背景下,微風輕輕吹送,而家既情況就好似岩岩既夢境一樣...

係一模一樣...

係夢境?係現實?我都分唔清...

疑幻似真...

不過重要咩?

一D都唔重要。

“渴望被成全 努力做人誰怕氣喘

但那終點 掛在那天邊”

因為夢境與現實都係一樣,一樣無辦法得到阿月既心...

「呢道真係好靚...如果我結婚,一定會揀呢道影結婚相...」阿月雙手放後,仰望星際。

真係好靚呢~黎呢道影結婚相,真係一個唔錯既選擇~

之不過...

『結婚?你搵到你既青鳥先講啦~』我輕輕放下一句。

「我一定會搵到~」阿月轉身回望我一眼,對我莞爾一笑…

咁老定?

我就真係唔多睇好...

你再係咁落去...仲係愛得咁飄忽,唔定性既話,一世都唔會遇得到...

就算俾你遇得到,你都只會錯過...再錯過...再一次錯過...不斷咁錯過...

“你繼續盤旋 我繼續埋藏我愛戀

沒有終點 永沒有終點 那永遠極遠”

不過...就算你錯過幾多次都好,假如到你老了...累了...無人要了既話...總會有我喺你身後...

只要你轉一轉身,你就能夠見到我...

不過...又假如...有一日...我最後認命,邂逅了她...

我又會唔會不顧一切,拋開所有...抱月而眠,沈醉湖底...