「香港真係變左好多呢...」賣藝飲一杯,再望望四周...

『係丫…道道都變成金舖...藥房...想搵間七仔都難...遲下唔使飲水架喇~飲咳藥水啦~』我都飲一杯,擰擰頭...

而家香港既租金貴到,真係只有賣金賣奶粉賣魚蛋先租得起~

你唔好問點解賣魚蛋都俾得起咁貴既租金!

你知唔知賣魚蛋既利潤,分分鐘仲高過賣金!





所以旺角嗰間野先可以做到咁串!

有幾串?你係香港人既話,佢會黑晒面,講晒粗口咁收你錢!

咁既服務態度真係多撚謝~

「仲要成街都係講普通話...」賣藝由褲袋拎一拎出包純薄萬…

點起香煙,吸一吸,遞一遞包煙俾我。





我接過賣藝包煙,點起一支...

抽一抽,呼一呼…灰飛煙滅…

『香港已經變到面目全非...但你都仲係無變~仲係食開純薄萬~我就變左喇...之前轉食綠甩...』我望住灰色既煙喺空氣中飄下飄下...

「之前?咁而家呢?」賣藝疑惑咁望住我。

『無啦...無而家喇~其實我戒左煙~不過久唔久...有野諗既時候,都會偶然食下既~』特別係諗起阿月...總係無辦法冷靜落黎...





無辦法冷靜落黎,只好抽幾支煙,放鬆一下...

「係丫…好多野都變晒...唔知佢有無變呢...」賣藝再吸一口,飲一啖啤酒,呼一口灰煙...

『邊個有無變丫?你指Miss Ko?』我疑惑咁望住賣藝。

「嗯...」賣藝合埋雙眼,點一點頭...

『你仲好掛住佢?』我再打量賣藝幾眼...

「嗯...應該話...我仲係好愛佢...」賣藝一副憂鬱既面孔,望住杯黃色既酒...

賣藝好少咁認真...

就好似當年同我講,佢對Miss Ko係真心既時候一樣咁認真...





「我唔係未試過放低...我唔係未試過去愛另一個人...我試過好多個唔同既女人...但...就算我點樣去愛...人地對我點好...點滿足我所需...我都係無辦法唔諗起佢...」賣藝一啖又飲晒杯啤酒...

呢種情況...

我幫賣藝斟一斟酒,耐心咁聽佢講故仔...

「你知道嘛飛揚...同一個人扑野,但個心諗起令人一個...其實真係好難受...你好似好對唔住眼前瞓喺床上,俾你抽插緊既女人...但內心明白到,更對唔住心中嗰個!」賣藝用力抽一抽支煙...

呢種心情...我明白...六年黎我都係咁...

喺床上抽插緊Ashlynn既期間,我都不時會諗起阿月...

要是閉起上眼既話,呢種思念會更加厲害...





「佢真係我喺呢個世界上,最愛既女人...我認定係佢...就係佢...」賣藝眼定定望住手上支煙...

好一個痴情漢...

『咁你打算點?今次返黎...係為左搵返佢?』我都望住自己手上支煙...

「嗯...其實早幾次返黎,已經想搵返佢架喇...不過仲未Ready好...我想我可以再做好D,再有成就D先去搵返佢...」賣藝吸一吸口煙,點一點頭...

『你而家夠晒成功啦~』我相信,喺香港都真係無幾多個富幾代可以好似賣藝咁咁有成就~

話晒賣藝一家白手喺大馬嗰邊打天下~

賣藝呢幾年仲幫佢老豆搵多左過十億美金生意~

咩叫年輕才俊呀?呢D咪係囉~





唔似得689同D爛鳩報章嗰D勵志故事咁!

乜春儲左少少錢再按左層樓再問親戚借錢上大陸做生意...

那有樓?你老母!

「OK咁啦...我都覺得而家係Right Time~所以...我戒指都買埋架喇~」賣藝好有誠意咁望住我...

『嘩~求婚大作戰呀?』我驚訝咁望住賣藝...

講結婚,我真係諗都無諗過...

「係呀~我諗住求定婚架喇!等佢搞掂晒呢邊D野,就接佢去大馬~服侍佢~愛護佢~」賣藝好肯定咁點點頭...





『萬一衰左呢?萬一佢已經嫁左人呢?』我當然知道唔會有咁既事發生啦~

我亦當然知道,Miss Ko都好愛賣藝啦~

仲要係岩岩先知~

真係仲新鮮過D海鮮~

不過我就係唔抵得佢咁有信心~係都要淋下佢冷水~

「如果...萬一…真係衰左…我會DOM撚左隻戒指落海,然後認認真真愛另一個。」賣藝用力抽一抽支煙,望一望我。

『你隻戒指幾多卡架?』我疑惑咁望一望賣藝。

「都十卡架~」賣藝輕描淡寫咁答出口...

『十卡?!話DOM就DOM?你唔好DOM碌鳩落街?!』十卡喎!豪豪地既豪宅都買得到架喇喎!

「你都知道人地唔愛你,仲留住戒指黎做乜?乾乾脆脆DOM晒佢!連埋份情DOM撚埋佢!疊埋心水,收拾心情,重新出發啦~」賣藝彈一彈支煙頭,直飛入草叢中。

真係…咁?

「你都係丫!唔肯定既,就要搏一次!搏過知衰喇,知道已經死了,死得痛痛快快,就要放低佢!重新開始你既新一章!」賣藝敲一敲我個酒杯...

唔試過又點知唔得...但如果知道已經死了...就要重新開始新一章...

如果知道已經死了...如果知道已經死了...

「喂~D餸得未架?我酒都飲左四支喇!快D得唔得呀?再黎多半打藍妹添!」

賣藝咁愛Miss Ko都可以話放低就放低...(雖然好有可能佢都係鳩吹~到真係發生既時候,咪又係只好孑然一身~)

我...係唔係...應該都要...好好咁...諗諗...

「嗱!我無醉呀!仆你個街你條撚頭都未醉,我點會醉...再飲...再飲!」同賣藝食完個海鮮大餐,佢已經飲到貓晒...

『喂!你咁醉就唔好揸車啦!坐的士啦!我送你返酒店!你住邊間酒店呀?』其實我都唔係好得賣藝好多...我都Wing Wing地...

個身仲有D癢癢地...

仆街...敏感起喇...

「超記鹵味!你睇住我!你睇住我...我開到車門...我開到車門架!」賣藝企喺架白色瑪莎拉蒂前面,連撳個解鎖掣都撳唔到...

『知喇知喇...知你開到喇...但聽話~坐的士好唔好?』我扶住鬼撚咁大隻既賣藝,嬌小既我就快扶唔住佢...

「屌~我做乜要聽你講呀?痴撚左呀你?」賣藝開始發酒瘋...

『好好好~唔好聽我講~但你唔聽話,Miss Ko會唔開心架喎~』呢個時候,最好都係請Miss Ko出黎壓下場~

「好好好...我聽晒你話...我最聽你話...我一直都好聽你話架...真係架...我無呃你...我無呃過你...從來...都...無...」賣藝變到好似小朋友咁...

果然,每個男人喺自己最愛既女人面前,都會變成一個小朋友...

『咁你快D乖乖地話我知,你住邊間酒店啦...喂喂...喂!唔好劏住!』我感覺到賣藝就快劏...

「我住係...ER...我住係...黃金...ER...嘔...」賣藝都未講到一半,就劏起上黎...

『喂!』我當然好醒咁推佢埋海邊任佢劏啦~

屌你真係當我阿水呀?呢D情況,真係遇得唔少~

以前就成日睇D客劏!

初出茅廬唔識野,真係俾D客劏到成身都係!

試過幾次,醒左喇~再有呢D情況就一手DOM D客入後巷,由鳩佢劏~

轉個頭就DOM個客上的士,仲要喺個客身上拎張一千蚊俾個司機送佢去酒店~

唔使煩~

但而家對住賣藝呢個好兄弟,我當然就唔會咁衰仔啦~

「嘔...嘔...嘔...嘔!嘔...嘔...嘔!」我由得賣藝一路嘔,趴喺海邊道喪嘔...

佢唔跌落海就由鳩佢~

男人...開心飲酒~唔開心飲酒~睇波飲酒~唱K飲酒~一班人飲酒~一個人飲酒~瞓唔著飲酒~瞓醒飲酒~開工飲酒~放工飲酒~係唔係都會飲酒~

就好似女人一樣~開心Shopping~唔開心Shopping~拍拖Shopping~甩拖Shopping~一班人Shopping~一個人Shopping~瞓唔著Shopping~瞓醒Shopping~開工Shopping~放工Shopping~係唔係都會Shopping~

其實男同女大至上都係一樣,只係睇下你會唔會用另一個角度去了解佢姐~

等賣藝嘔返順條氣,俾佢抖多一陣...

『黃金海岸呀化?好彩唔係好遠姐~』我就扶住賣藝去截的士。

一路扶住成個扎鐵佬咁既賣藝,一路行...

我隻多年前曾經傷過既右手,又開始發作...

開始無力...

估唔到...又會喺呢D時候復發~

諗返起,都有十幾年前既事...

嗰陣時仲細,成日都會同賣藝玩命~

有一次,大約係岩岩升上中一既時候,同賣藝買左架單車四圍飛~

當我地踩到出馬路既時候,我唔識死就去高速入彎...

當時時速達六十公里,一入彎,拉一拉手掣,架車甩一甩,拋一拋,咁又點呀?炒車囉!

我成個人就連人帶車鏟左埋個欄杆道...

賣藝好緊張咁孭住我,送左我入醫院~

出奇地,我只係無左架單車,仲有整裂左隻右手手腕~

咁炒法都只係要打石膏~唔死得就真係大命囉~

打石膏嗰排就真係唔方便囉~

沖涼又要包保鮮紙~

打丁都唔可以左青龍,右滑鼠...

真係陰公豬~

一打就打左半年~半年後仲要做物理治療...

不過喺做物理治療既時候,又發生左D事喎~

是咁的...

個物理治療師係一個護士姐姐~

個護士姐姐仲要好後生~

嗰陣時我諗佢大約都係得廿三至廿五歲左右啦~

仲要又白又清純~

個Body就細細粒粒,但波大大~

唔好以為細細個既我乜都唔識丫~

嗰陣時我已經識得懷疑個護士姐姐係唔係裝假狗架喇~

但就算點樣俾我去𥄫,點樣去評估,我都係估唔到個護士姐姐係堅野定係假狗...

直到有一次...

「放鬆~」坐喺我面前既護士姐姐用好溫柔既語氣,叫我將我放左喺檯上,舉直左既右手放鬆...

『哦...』我放鬆左隻右手,不過仲係好似我下面條JJ咁,舉到直一直...

「放鬆~」護士姐姐繼續用好溫柔既語氣講。

『哦...』我已經放鬆左隻右手啦~

「我叫你放鬆丫~」護士姐姐有D唔耐煩,不過把聲都仲係咁甜~

『放鬆晒啦~』我已經放鬆晒隻右手,只係仲係舉起咁解咋嘛~

「咁樣先叫放鬆丫~」護士姐姐一手就拉低左我隻右手,平放喺檯上...

不過要回一回帶...

因為當我正要被護士姐姐撳平隻右手喺檯面上之時,我手背係拍左落去護士姐姐個豐乳上...

係真真正正拍到正一正咁拍左落去...

我仲感受到好彈...真係好有彈性...

嗰一刻,我可以肯肯定,護士姐姐對波係堅過石堅!

不過...

『姐姐...咁樣係叫放低囉...』我面紅紅咁冷眼望一望護士姐姐...

「你唔放鬆又點放低呢?」護士姐姐好似無乜野咁,自自然然問返我轉頭...

『ER…你話係咪係囉...』或者成年女人唔係好介意俾人摸胸...(嗰陣時我真係咁諗...)

不過...放鬆...放低...

「黃金海岸酒店丫唔該。」托住賣藝上左的士...

好彩呢道黎黃金海岸又夠近...唔係我邊有咁多車錢?

「我無醉!我仲要飲!」賣藝仲要喺我身邊攬攬推推咁...

『飲撚死去啦你...』我就真係無你咁好氣...

係唔係每個飲醉酒既男人都係咁架呢?

係唔係都話自己無醉架呢?

其實...有幾時係無醉架呢?

每日...都好似唔得醒咁既樣,傻下傻下,懵下懵下咁追住個目標...

就好似D驢仔...騾仔...咩仔都好啦!望住掛住喺面前既紅蘿蔔一直向前行...

究竟要行到幾時,又要行幾耐先食到面前既紅蘿蔔呢?

『你好撚重呀仆街...』我孭住賣藝上去佢間特級豪華露台海景客房...

跟手就黎手DOM佢落床!

「我...我...嗯...嗯...」賣藝仲係痴痴迷迷咁瞓喺床上...搵個枕頭攬...

唉...你就真係舒服喇...醉左有我抬你返黎...

不過你唔使旨意我會幫你沖涼換衫~你醒左之後,自己起身自己搞掂啦~

「我...我...唔...」

真係…

我喺張檯上面搵左張紙,搵左支筆,寫低自己個手提電話號碼...寫低幾隻字“李賣藝!以後你就打呢個電話搵我啦~飛揚字”

再望一望攬到個枕頭實一實既賣藝...

「我...我真係...我真係好...好愛你喔...高凱欣...嗯嗯...」真係好似一個小朋友咁既樣...

不論吳彥祖又好~古天樂又好~Keanu Reeves又好~Leonardo DiCaprio又好...

係唔係每個男人喺面到愛情既時候,都會變得好小朋友架呢?

我都唔知...我真係唔知...

有陣時...我真係覺得自己唔係好知乜野係愛...

『你會成功...抱得美人歸~』我當然知道...我知道Miss Ko仲等緊你...一直都等緊你...等緊你同佢講多次“我愛你”。

離開特級豪華露台海景客房...離開黃金海岸酒店...

係時候返去...返屋企...

話時話,而家幾點呢?

正當我想喺個褲袋拎部電話出黎之時...

電話...電話...咦?電話呢?

係喎!仆街喇呢次!都唔記得左部電話喺屋企叉緊電添!

唔怪之得好似有D心掛掛咁啦!

唔怪之得成晚都咁鬼靜啦!

唔怪之得阿Wing無打俾我啦!

係咯!阿Wing應該已經返左屋企...好心急咁返屋企搵我!

今次仆街喇...實嬲死阿Wing喇...

話左要等阿Wing返黎架嘛…

阿Wing一定好心急咁返到屋企,但見唔到我囉...

呢次仆街...唔好仆住喇!快D坐的士返去先啦!

『的士!』

我一上到的士,就係咁催個的士司機開快D!

但D的士佬就係咁,你唔叫佢快,佢就同你衝燈飛住去!

你趕時間咩?佢就懶懶閒架喇!

『唔使找喇!』我快快手手俾低張廿蚊...

「梗係唔使找啦~」個的士佬仲要好串咁回敬我...

屌你老母唔係我趕時間,我實問你找返嗰幾毫!

“啪”我一個反手加半車身咁車埋道車門之後,一個箭步就衝上屋企...

我升降機都等唔切,一路喪跑上樓!

我一邊喪跑,一邊由褲袋拎出鎖匙...

當我跑到去家門前,我用鎖匙對準門鎖!

“咔”一扭之下,打開第一道禁鎖!

“咔”再一扭之下,打開最後一道禁鎖!

我一手就推開道木門:『阿Wing~』

我見到阿Wing已經企左喺門後面~

不過個樣就嬲爆爆咁囉...

阿Wing谷起塊面豬登,眉頭緊皺咁,手中仲拎住...我部電話:「哥哥去左邊喔?又話等我返黎...仲要唔帶電話...你知唔知我搵左你好多次呀?」

阿Wing個樣直頭嬲到想喊出黎嗰隻...

『阿Wing~』我咩都唔諗,第一時間梗係要攬實阿Wing先啦!『頭先電話無電,所以無帶到出去...』

「咁你去左邊?係唔係同其他女仔搞搞?」阿Wing推一推我...

『唔係丫唔係丫~頭先阿李賣藝返左黎搵我出去...記唔記得邊個李賣藝哥哥丫?』我再攬一攬實阿Wing...

可能係有D飲醉既關係,我越攬越實,攬到阿Wing一對小饅頭都俾我壓到扁晒。

仲要不斷喺阿Wing條頸索下索下...索下阿Wing既體香...

「賣藝哥哥?佢返左黎丫?」阿Wing把聲好似無咁嬲怒。

『係丫~佢專程由大馬返黎...搵我出去食飯~』我差D就講左話賣藝專程由大馬返黎係為左搵Miss Ko…

「咁仲衰!賣藝哥哥咁鹹濕...佢一定帶左哥哥去搵女仔搞...」阿Wing嬲嬲地咁拍左我幾下...

『梗係無啦~我應承過你要等你返黎架嘛~我真係無搞過其他女仔~我好守信用架嘛~』係差D搞左GiGi同Miss Ko姐...

「咁...點證明先?」阿Wing古古惑惑咁望一望我...下面...

而我下面又真係已經扯到硬一硬,直一直...

扯到凸起晒!

阿Wing應該已經感覺到...

『你...想點證明先...』我好似估到阿Wing心裏面句說話...

「我想...」阿Wing咬一咬自己下唇...搖一搖個身...用佢既小腹掃一掃我條巨棒...

想...點...丫...

唔係真係想…咩丫嘛…

就係呢個你估下我,我猜下你既時候,我感覺到我既右臂震左一震...

“噹”我部喺阿Wing手上既電話響再一響...

係WhatsApp既聲響...

『阿Wing...』我向仲含春咁既樣既阿Wing示意睇一睇個電話...

阿Wing拎住部電話遞喺我面前...

由阿Wing手中既電話...我可以見到...Whatsapp顯示...有個名...有一句野...

TO BE CONTINUED…?

故事黎到呢道,本來我就預備左個Sad End為故事做結尾~

但由於都有唔少朋友支持~

我諗如果我出Sad End,真係會搞到暴動就唔係咁好...

而我本身都好尊重民意既~

所以我就想將個結局,交俾大家去定奪~

咁點定法呢?

而家有三個女角:Emma、GiGi、阿月。

Whatsapp係邊個Send黎,會直接決定同邊個女角一齊!

但係!我知揀Emma既人數一定係壓倒性架喇~

所以!要決定同邊個一齊唔係計有多少人揀,係計原因!

你揀邊個女角之時,請都列明你既原因、你既睇法、你既感受。

我會揀一個最合情、合理、合法...最重要係有Feel既黎做飛揚最終選擇!

BTW你可能會話:「喂!咁同有篩選既選舉有乜分別?仲要得你一個話事?好唔公平喎!我要真...Wing Wing!我要Wing Wing呀屌你!」

係咁架啦~呢個世界幾時有公平過姐?有得袋你唔袋丫?唔袋就Sad End架喇喎~袋住先啦~

至於Wing Wing喇喎...佢過唔到門檻~真係好Sorry~

你可以喺高登、Facebook專頁、紙言任何一個地方留言,表達你自己既意向!

不限次數!不限揀幾多次!你可以分開三次揀晒三個女角寫足幾千次自己既感受都得!

我都會一一睇晒佢既!

最後,我會喺一個星期後(5月19日星期二)既呢個時候(照舊7點鐘)出你地想要既大結局~

為左你地想要既大結局,唔好再做CD-ROM喇!盡情表達自己既意向同感受啦!