[家庭]係我屋企入面,我只係一個配角,一個可有可無既人: 不愛又不捨

我失眠,合埋雙眼,我諗起我放榜果日,爸爸既笑容 

我開始有d後悔頭先同爸爸所講既說話 

我有一刻衝動想過去同佢道歉,結果我都無咁做到 

係,你可以話我係不孝 

我認為所謂孝,就係要尊重同埋回報返你對你有養育之恩既人 





係我既成長路途上面,我認為已經盡左自己既責任 

你要大哥做既野,我每一樣都跟住做,你要大哥睇既書,每本我最少睇過三次 

你要大哥讀上去,我一樣照聽你講讀上去 

我由小學三年班開始放學唔睇卡通片,做功課溫書直到七點你放工返黎 

我好希望你會讚下我,但你一返黎就只有抱住細佬同細妹,問大哥既學業 





我呢? 

『家和你咁夜都未做曬功課,你肯定頭先掛住睇電視啦』 

你要大哥有禮貌,親戚從來都讚我係最乖最有禮貌 

點解係我做最乖果個既時候你地對我不瞅不睬? 

你試過全家人去海洋公園,唯獨是因為你成績唔好唔可以去未?? 





你試過同親戚食飯,因為太多人太迫,唯獨是係要你夾開一個人食未? 

你試過七歲因為默書唔合格無著鞋要係屋企出面走廊罰企兩個鐘未? 

你試過全家人去泰國玩,因為要你餵貓唔比你去未?原因仲要係因為你同隻貓friend D 

你試過新年行年宵,個個都有禮物拎走,唯獨是係要你捧住盆吉未? 

你試過連你細佬都有一條Levis既時侯,你仲係著緊一條拉鍊壞壞地既佐單奴未? 

你試過無論邊個打爛野都好,都硬係睥住你先未? 

你試過明明全家好多人,但你連一個傾訴對象都無未? 

你試過明明知道父母偏心,你都仲要好犯賤咁扮乖痴埋去未? 





我一直都依照住你地既方程式去做人,點解我越做,你地就行得越遠? 

點解一定要我選擇左離群先記得我既存在 

我唔係想話比大家聽我有幾慘,我係想講我一直都比回憶強姦緊我 

我好想好想失憶,然後留返係宜個家 

原來我都唔係好捨得宜個家

明明想離開,但又唔捨得 

問你點解唔捨得,卻又答唔出