[情人節限定短篇] 餐肉煎蛋飯，毒撚既午餐: 第五章：從來沒我份

啪啪啪！


唱完之後佢地拍拍手話：「唱得唔錯喎！」


「邊係邊係，大家咁客氣呀，繼續玩啦。」其實自知唱歌咩料，只不過係感情豐富少少，猶其係因為毒撚既心受過創傷，唱悲情歌特別投入。


之後我地玩partner，就分隊坐，玩多一個鐘左右大家開始?，玩下停下咁，而E小姐又同我同組，咁我地又間中傾下計啦。




「陣間你唱多兩首呀，係呢，你識唔識呢首呀…」佢邊講邊嘗試哼首歌出黎。

「哦，我識，立立既歌嘛，你好鐘意聽佢既歌咩？可惜佢英年早逝…」

「咩英年早逝呀？你無病呀？」


我心諗講多無謂，就係高登search有立立做topic既post比佢自己睇。




「妖！無聊！我幫你點喇！」之後佢就走咗去點歌。


呢個時侯子明係我旁邊細細聲講：


「喂，你睇下Sue同Eric兩個玩得幾開心。」




我沿住佢手指望過去，咦？又係喎，兩個旁若無人咁有講有笑咁滯。不過人地既事，我一於好少理。


果晚我地玩到兩三點先走，當晚E小姐同Nancy都醉醉地，不過佢地成班姊妹同子明都住係附近，所以佢地互相扶持咁走人，而我同佢地say個bye就閃人，無留意到當晚E小姐有少少唔開心。


大約過咗一個月到，又收到E小姐whatsapp：


「星期六晚得閒出去飲野嘛？」

「吓？無啦啦飲咩野？」作為一個好少social既毒撚，呢個反應好正常，不過就令人唔係咁高興。

「唔得咩？寧願係屋企打機呀？」



「唔係，無問題，突然得滯?。」

「Sue佢失戀呀，岩岩同Eric散咗，我地去陪佢呀。」


嘩！真係快來快去，這些機會不是我的.jpg


轉眼就到當晚，我地約咗係諾士佛臺度等，我一條友就早?去附近既M記食豬柳?同打機，打到差唔多時間就收到E小姐whatsapp問我係邊，咁我自動應機同過去會合啦。


過到去某樓上吧時，離遠已經見到子明佢向我招手。埋到檯時得我同子明兩個到?，傑傑同E小姐佢地要晏少少先到，兩個男人無聊咪吹下水順便八下到底Sue到Eric個故事到底係點。原來唱K之後果日Eric已經同Sue日日whatsapp同傾電話，唔夠兩個星期就出咗幾次街，跟住就係埋一齊喇。點知唔夠兩個星期阿Sue突然話覺得太快，性格又不合，咁就話要分手。




唉，女人既野，毒撚識條鐵咩。