[情人節限定短篇] 餐肉煎蛋飯，毒撚既午餐: 第七章：毒撚不獨撚

嘩屌！Eric到底係痴情定係痴線呀？我真係分唔清。唔怪得今晚一個二個咁反常啦。


「你成日對住E小姐，都唔知人地散?咗咩？」阿Sue帶點疑惑咁望住我。

「佢無提，返工同食飯時都無咩野，我點會知呀？」我講完就繼續飲我既fruit punch。

「咁又係，而且你淨係識打機，邊會望人。」佢講完之後就開手機睇whatsapp update下E小姐佢地情況如何。




果晚搞完一大輪，最後靠E小姐佢地成班人開解?Eric成個幾兩個鐘，然後再由傑傑同子明兩個夾佢返屋企先完事。後來點？解決失戀既其中一個方法就係展開一段新戀情，聽聞無耐之後Eric搵到新女朋友，自始就無煩過我地。鬼咩，Eric無論歌喉同樣都好似方大同，唱多幾次四人遊呀愛愛愛之類就溝死女啦。


自果晚之後，E小姐佢地有聚會都多數叫埋我，而E小姐亦比我毒到係高登開埋account，正式成為絲打。當佢識得晒高登用語之後，就唔再比我見到佢媽時叫hi auntie，而要改口叫hello auntie… 再過一排，佢開始跟我同班friend落M記呀Starbucks呀既地方打芒亨，慢慢地滲入埋我既生活圈子。日子耐?之後，我地開始培養出默契，而在不知不覺間我地跨出咗一步，終於正式係埋一齊。


岩岩起埋一齊之後我地既相處模式並無咩轉變，只係多?拖手之類既情侶指定動作，同埋週未多咗二人世界，呢一切一切，都好溫馨，好甜蜜，好開心。


不過，戀愛從來唔止係兩個人既事。




當我地拍?一年拖之後，發生咗一件事，就係E小姐個家姐Emma搬返娘家住，同時將佢個女帶埋返黎，當時個靚妹Ella先得3歲左右，暑假後就開始返幼稚園。一開始都相安無事，星期一至五返屋企由爺爺嬤嬤帶，到星期五晚就由返Emma湊。問題係黎自過咗唔夠三個月，Emma就話要返大陸長駐做野，間唔中先返香港，但又交帶落星期五晚一定要帶Ella返娘家，方便佢一旦週未返到屋企可以隨時見到佢。


自始我既噩夢就開始。


Emma一開始時真係週未返香港，點知無兩個月就話上上落落辛苦，再唔係就有應酬，漸漸地一個月都未必見到佢一兩次。本來都應該唔係問題，仲有公公婆婆湊嘛。點知uncle就收夜，auntie就話日頭返工攰夜晚唔想湊，而最大件事既係：佢地兩個星期六日都返最少半日工…




兩老又想個外孫多返娘家，但除接送外就無點照顧Ella，換言之變成由E小姐負起呢個重任。剛開始時令我有點意外既係，E小姐佢好樂意去照顧Ella。後來我先知原來E小姐唔係第一次照顧Ella，而Emma都唔係第一次搬返娘家，上一次Emma搬返娘家後成日唔係屋企，結果都係由E小姐照顧多。當我知道之後終於明白點解BBQ果日Ella咁痴E小姐。