[情人節限定短篇] 餐肉煎蛋飯，毒撚既午餐: 第八章：忙忙忙忙忘

由Emma唔定時或無通知返娘家既日子起，每個星期五晚auntie就會打比E小姐叫佢快返屋企睇Ella。有次星期五晚預先申請定同E小姐拍拖睇戲食飯，一睇完戲無耐就收到call問我地返到邊，自此之後我地都儘量避免星期五晚出街。到星期六日，我、E小姐同埋Ella就要過家庭式生活。但其實E小姐仲有個妹叫Elaine，不過佢讀緊U又住hall，星期六日唔係返part time就係去街，總之好少出現。


星期一至四返工唔忙既日子我地都會放工抽時間去拍拖，星期五晚就陪E小姐返屋企食飯，星期六日就一係買午餐上去，再唔係就下晝過去幫手睇住Ella或教佢做功課比E小姐休息，或三個一齊出街食飯睇戲等。漸漸地Ella都開始痴我，而我都唔介意照顧小朋友，日子暫時都平淡幸福，很有家的感覺。


但由一年後我轉咗工開始，一切都急轉直下。


由於新公司同舊公司有段距離，我地已經唔可以一齊lunch，加上新工作忙好多，成日要OT，結果E小姐要成日自己返屋企，就連星期五晚我都未必可以陪佢。到後來更甚既係，我要返大陸出差，有時仲要過夜。成日上上落落，E小姐唔想我咁辛苦，就由我星期六日事旦一日陪佢就得，唔使我走黎走去咁辛苦，因為我同佢其實住得唔近。但亦因為咁，我地之間開始出現小問題。過一排後E小姐言語間話我知佢唔開心，因為覺得見面時間少咗，距離遠咗，但又無解決辦法。後來商討過後，我逢星期五晚過E小姐屋企訓，爭取更多時間見面，點知引起更多問題。




相見好，同住難。


第一個問題係輪候洗手間，由於我同E小姐都係等Ella訓=16px咗=16px先沖涼，而收夜既uncle又往往係呢段時間返到黎，做成時間上好尷尬。加上auntie好錫uncle，有時都會比說話我地聽等我地讓uncle搞掂訓覺先。到星期六我晏起身，又撞正auntie收工返黎要沖涼訓覺，我又只好讓路。慢慢咁我開始唔想係E小姐屋企過夜。直到有次Ella有少少感冒，auntie就話我地照顧得佢唔好，仲話要快手叫Ella食藥，唔好傳染比uncle。果時真係辣慶?我，因為明明係成日係屋企咳到甩肺又唔戴口罩果個係佢，要傳染都係佢先係源頭。不過始終都係人地家事，E小姐都未出聲我都唔好意思出聲。


另外仲有家務問題，Elaine佢間唔時會返屋企，佢興趣係整蛋糕同煮下野食。咁呢樣野本身無問題，Ella間中有得食home made點心野食等不知幾好。問題係佢幾乎次次都唔善後，廚具焗爐杯碗碟都唔洗就閃人，成大堆野係廚房比aunite見到又有說話聽，不過又唔係同Elaine講，多數由E小姐受晒同善後。洗衫晾衫auntie一律唔多做，做親都比說話我地聽，但要明白人地一屋咁多女人衣物，毒撚都係男人，點方便幫手？