無啦啦有兩條女同左我一齊住: 36
36
終於,黎到11月1日,比賽既日子
不過今日陰天,真係唔係好旺我(我講過一有雨就唔會返學)
雖然今場只係冇意思既比賽
不過看台上既人竟然同上次決賽比,有多冇少
陪阿白智詩上到看台之後
「阿池,加油呀!我今日會煮大餐比你食架!」
「多謝啊阿白!」
智詩一面認真:「阿池,你...一定要贏呀」
「嗯...我一定會贏架」
奇怪既係,又見唔到麗娜
「阿池!戴住佢丫!」智詩遞上一條黑色手帶,係n年前m記果款膠手帶
「呢條手帶我果陣考dse都戴住架,我相信...佢一定會帶比你好運..」
我將條手帶戴上左手:「智詩...多謝你呀」
落到更衣室,大家都已經響哂度
Xavier:「喂,阿池咁耐架,仲有10分鐘就開波啦,快d換衫啦!」
「sor呀,頭先送佢地兩個上看台嘛」
Jacky拍拍手:「好,大家過黎圍個圈先!!」
嘩屌,足球小將咩...
「我諗...大家上次輸左joint u cup,都好唔服氣」
「輸唔係問題,不過輸響黑哨底下,真係令我好唔甘心」
「我同大家都一樣,好想報番一次仇」
「雖然今次唔係d咩冠軍戰......不過,為左我地既尊嚴,今日...我地一定要贏!!」
「1,2,3,poly!!!」
大家既鬥志,都比決賽既時候有過之而無不及
唔單只大家,就連我,都好想覆桌,贏番隊黑哨隊一次!
走出更衣室,terry帶領既cu pharmacy已經響度
大家既眼神都好敵視對方
當然我同terry都唔例外啦
「柒頭皮,今日我一定要打殘你呀!」
「嘿,睇下點!」
走入球場,歡呼聲隨即四起
「poly!!!poly!!!」
「cu!!!cu!!!」
我仲好似聽到智詩同阿白把聲:「阿池!!!加油呀!!!」
擲完公字,我地開波(我好想知呢d比賽點解仲有球證,唔係既話我就係咁出穿心足啦)
Jacky踩住皮球
嗶!
呢場,為尊嚴而戰既比賽,正式開始
我地poly繼續打4231,而對方就打352,後場守護神黃飛揚同梁健南都響度
比賽開期,我地都係打住較保守既戰術,就連我響三閘線開始防守,希望打穩陣腳先
而cu就打得較主動,似乎想儘早入一粒
不過對方淨係打翼衛,兩邊根本連我同阿智都過唔到
似乎佢地都係想靠terry創造奇跡
不過我亦都未入局,仲未為己隊造出攻勢
暫時雙方都仲係0比0
20分鐘,黃飛揚爆到上中圈,一個斜傳,比到位於三閘線既terry
terry一個轉身,快速過左前去防守佢既jimmy
佢一下推波,正想爆入禁區
不過..我早已經睇準時機,訓身剷去terry既皮球
佢萬萬估唔到,我竟然會入左中路剷佢波咁癲
皮球比我剷到落阿智既腳下
「上呀阿智!」
阿智一接到波,就全速推進
我亦馬上起返身,準備打反擊
阿智推到三閘線位置,對方既左翼衛已經追到返黎
佢先踩停皮球,再橫傳比johnson
johnson先用一下甩甩地既轉身避過對方防中
我大叫「johnson呢度!」
醒目左既johnson黎個直傳,我已經穿過對方既防中,接過皮球
響我眼前既,就只係得番3個中堅
只要我用下elastico等等既招式,就可以為我拉...
轟!
呢刻既我,真係呆撚左
一下後面既收山式飛剷,將我剷到成個仆街
呢下真係完全中哂我左腳既上五吋下五吋
「呀!!!!!!!!!」唔係講笑,呢種痛應該係我做左21年人以黎最痛既一次
我鍊住右腳,痛到不斷碌黎碌去
雖然今日冇出太陽,但係我依然見到
terry既奸笑
呢一刻我好想起身打鳩佢,不過我實左太痛,根本起唔到身
嗶!
球證向terry舉出一面黃牌
Jacky衝黎推鳩terry:「仆你個臭街!要打人去wwe啦!」
「咩呀,我冇心喎」
「屌你老母呀!」
軍醫都出埋黎,睇緊我既傷勢
Xavier走過黎:「阿池你點呀?」
「好撚痛呀呀呀!!!!!!!不..不過,我ok既」我慢慢試下企番起身,屌...真係好痛
「不如...阿池你抖抖先啦...我地..仲頂得住」
「吓...點得呀,場比賽...」
「你唔係唔信我地下話?你抖抖先啦」
軍醫將我帶出場外,慢慢幫我睇睇傷勢
「唔算大問題既....抖抖應該都仲踢得」
咁都好d,如果我斷腳我肯定要殺撚左呢個terry
真係估唔到,佢竟然黎真
我望望看台,見到阿白同智詩都好似好擔心咁
過左5分鐘,我再度入番場
雖然差d比terry收皮,不過隻腳都仲聽話,仲可以跑到
而比賽仲係由cu主導住,我地就只可以打反擊
33分鐘
我響左邊拎到xavier直傳既皮球
面對住既,係右翼衛同埋埋黎補位既黃飛揚
「等睇我點樣爆過你地啦!」
我一個推左走右,輕輕鬆鬆爆過右翼衛
terry已經回後,又想從後剷鳩我
不過今次我唔會再中伏
我響瞬間用左腳橫推一下,等佢剷空氣
再跳一跳,避過佢既飛剷,繼續奔向對方危險地帶
黃飛揚已經先逼過黎係咁頂,想利用佢既身型逼到我飛上看台
不過,你呢種補位型既中堅,人盯始終都係差d
先用elastico拉開半個身位
我一下外腳橫推,已經通過佢坑渠
我甩開佢,繼續直踩禁區
不過黃飛揚繼續窮追不捨,繼續拉鳩我衫
屌你打NFL咩
我終於失平衡,成個仆街
嗶!!!!係罰球,左路禁區外4碼
我即刻起身:「你老味,駛唔駛拉衫拉到咁呀!」
黃飛揚:「我係唔會再比你通多次坑渠架啦!屌你!」
Jacky即刻拉開我:「算啦阿池,我地有罰球嘛」
大家都已經入哂禁區,準備接應我既罰球(成隊一個左腳仔都冇)
我面對住眼前既人牆,吸一口氣
助跑,斬波
一見到皮球越過人牆,眾人都拉拉扯扯,準備卡位,搶點
皮球直接curve入禁區,直達龍門前
Xavier成功甩開黃飛揚既緊貼
成功突圍而出,搶到皮球落點的位置
一個獅子搖頭,皮球頂往左邊死角
梁健南既位置較平時出,所以慢左0.1秒先反應得切
出盡全力撲住皮球,可惜已經太遲
皮球越過白界,1比0!
「poly!!!poly!!!」在場既poly fans都不停歡呼
「呀!!!!!!!!!!!!!!」xavier非常激動,瘋狂剷草
我地都撲哂過去xavier度慶祝:「勁呀xavier!!!」
「好波呀!!!」
「阿池,多謝你呀!呢球開得好靚」xavier摸摸我個頭
「你都頂得好呀xavier!」同佢擊個拳,鼓勵下佢..好似火影忍者咁
Terry走埋黎,個樣閪哂咁:「食屎狗,頭先咁都剷唔死你..」
「柒頭皮咁撚陰濕..一陣有排你受呀!」
過多一陣,嗶!嗶!嗶!!!!
上半場完
入到更衣室
Jacky繼續充當住領袖既角色
「各位上半場打得唔錯呀,下半場一定要keep住!!!只要捱埋個下半場我地就贏架啦!!!」
「1,2,3,poly!!!」
jacky自己都知道,呢一刻講多只會令大家更唔集中
下半場入番球場
嗶!
球賽繼續
呢個時候,天已經開始落雨
下半場開始之後,cu既進攻更加猛烈
terry亦係咁衝擊xavier帶領既防線
雖然暫時都仲未比佢地入到波,不過都已經響起警號
44分鐘
阿智一個傳球失誤,對方既中場搶到皮球
直傳比terry
屌,當佢係梳亞雷豬咩
terry先扭過jimmy,面對住xavier
xavier逼埋去,正想截去皮球
因為xavier之後,就已經係龍門阿達!
xavier一路逼,但係都比terry推到禁區邊
正當xavier成功卡到位,準備逼甩波時
terry,一個批踭,批向xavier既頭!!
「ref!!!!!!!!!」我地舉手大叫,可惜d球證既視障好似傳染病咁,完全當冇事發生
響我地眼前既禁區入面
terry已經擺脫正中踭聲既xavier,30度面對龍門阿達
佢靈巧咁射個近柱,阿達出盡全力去撲
可惜只能撲到皮球邊,皮球射進龍門
1:1
「cu!!!啪啪啪!!!cu!!!啪啪啪!!!」
「terry!!!啪啪啪!!!terry!!!啪啪啪!!!」
屌,cu班on9連呢個食屎狗都撐,係咪short撚左
又唔見撐我?
terry一路狂奔,跑到我面前
高舉雙手:「垃圾!我入波啦!」彷如當年雲佬一樣
「屌你老母!!!!死茅西!!!!」
我忍唔住,一野衝上前
「屌你唔好亂黎呀!!!」佢d跟班亦即刻阻住我
球證亦過黎阻止,將我拉開
「球證你係咪盲架?頭先批踭喎?!!!」
球證聽到呢句,即刻比張黃牌我
屌,仲惡過共產黨
我走去扶起xavier
「喂xavier,冇野丫嘛」
佢摸摸塊面:「冇野,有d痛姐,好彩冇流血姐,仲keep到個靚仔樣」
「不過...sorry呀阿池..」
「唔緊要..真正既比賽依家先開始」呢句自己講完都起雞皮
jacky開出皮球
之後就係我地反擊既時候!