無啦啦有兩條女同左我一齊住: 37

37

嗶!!

被追成1:1後,我地全隊都一改穩守既打法
不斷衝擊cu既防線
當中以我最為落力
一拎到波就當隻右翼衛係馬干咁爆
可惜仲未有機會比我cup到大位射波,只可以斬比jacky同johnson
不過佢地唔好話頂波,倒掛鳩勾都唔得




因為防守意識極強既黃飛揚已經頂哂所有波
就算黃飛揚有甩漏,梁健南既出迎亦都十分穩陣

60分鐘
黃飛揚截到johnson既傳球
大步推上前,傳比中場
中場再一個斜傳,交到terry既前面

terry響禁區右邊一接到波,就面對梁仔同xavier既夾擊
terry竟然用左我果招通坑渠,過左xavier




面對既係,單刀!

「唔好呀!!!!!!!!!!!」
阿達想出迎落地撲球,可惜terry已經睇住黎食
一下直推,推過阿達
面對既係20度角空門
terry只要輕輕一射,比賽既形勢就會馬上改寫
但係

皮球射向遠柱





中柱!!

我同terry都估唔到,呢球必入咁濟既波,竟然會只中柱收場
不過我實在冇時間再諗
因為jimmy已經將皮球推上前,準備黎個反擊

jimmy傳比johnson,再比中圈右路位置既阿智
呢個時候,我已經cut入中路,右翼衛同我有1/4身位,前要有2個中場,3個中堅
「阿智!!!呢度呀!!!」

阿智一下精準既lob pass,傳過黎我既跑動路線
右翼衛響我既左邊窮追不捨,右中堅亦響我前面衝過黎
呢刻既我,應該點做?





我眼見皮球落點響前方3碼
我突然加速,右翼衛同右中堅都r撚哂頭
「唔攞波?你on9架」
on9既...係你地!!

響皮球未落地前
我右腳輕輕力,一下後腳,的起皮球去左邊既無人地帶
「嗚!!!!!!!!!!!」在場既人無一不歡呼
我一早已經甩開右翼衛,全速跑去拎波
而右翼衛亦同右中堅撞埋一齊,成個on9仔咁
「傻仔!慢慢打下茄輪先啦」

我甩開兩人,直奔去到左路
terry已經從後面追上黎,個樣仲要兇到仆街





我特登放慢,terry已經跑到我前面半個身位
我左腳一take,皮球越過terry
我亦順勢擺脫佢,直入中路

terry唔服輸,繼續係咁扯衫
不過我一開turbo,又點會咁易比你拉跌呀
我只係加一加速,terry已經食塵

眼前既,就只有黃飛揚
佢已經早已準備,上前盯住我
面對呢種大隻既中堅,最好既方法就係...

我右腳由內向外先作一下假動作,黃飛揚既企位已經不穩
重複左腳,右腳,佢已經開始有少少失平衡
呢招就係,外星人朗拿度既招牌插花




我最後左腳一推,黃飛揚已經完全失哂重心,跌響地上,慢慢消失響我既視野中
「嗚!!!!!!!!!!!」

響我眼前,除左梁健南之外,就只有龍門
不過梁健南好撚醒,冇出迎
梁健南既反應始終都好撚快,要入佢波,就只有快,大力既波
我冇猶豫,直接左腳拉弓,大大力射向遠柱位

梁健南將自己拉住遠柱,不過我左腳比平常人大力,射既既球速亦好撚快
再加上梁健南既慣用手唔係左手,反應比撲近柱慢0.1秒
梁健南連波皮都掂唔到,只能眼白白睇住皮球入白界

2:1!!!!!!入左!!!!!一定入左!!!!!!!

「poly!!!啪啪啪!!!poly!!!啪啪啪!!!」





「goal!!!!!!!!!!!!!」隊友們都衝哂埋黎

「阿池!!!!!」
「勁呀阿池!!!!!」
我跪響地下,望住看台上開心到摟埋一舊既智詩同阿白
親吻左手上既黑色手帶
我得左啦

我今次冇對住terry慶祝,因為再做呢d野都無謂

再次開波之後
cu既全隊人都推到好上,落力搶波

63分鐘
terry響左邊搶到波,我同梁仔走去夾擊,並成功截到皮球
皮球正要出界之時
terry條仆街竟然

學美斯咁,大大力一腳踢上poly觀眾席!
好彩阿白同智詩冇事

「屌你老母!!!!」poly看台既人火撚到仆街,係咁拎野掉鳩terry
我同xavier即刻衝埋去:「屌你,仆你個臭街!!!」
terry扮撚哂無辜咁:「做咩呀?我冇做過野呀?」
仆街,呢d球證又唔撚吹,食屎啦

不過,我估唔到,terry即將就要付出代價


cu猛烈咁攻擊我地兩閘,不過佢地既體力明顯下降,都仲係打唔開缺口

69分鐘
法定時間只係剩返1分鐘
johnson響三閘線比入侵犯,搏到一個四十多碼既罰球
Jacky:「阿池,冇時間啦,呢球罰球你求其整個藍天射球或者dup波鐘啦」
我心諗:我夠知啦

而cu既人亦懶得排人牆,我面前既就只有terry

嗶!
jimmy輕輕一踢,開出罰球
我助跑6步,準備將個波踢上月球
不過,眼前既terry,居然...
以一下右腳穿心腿衝過黎!!

屌佢老母,呢個食屎狗真係想殺左我

不過我已經收唔切掣
右腳拉弓,腳內側,一腳ban上80度角(緊係啦,藍天射球嘛,仲玩四十多碼咩)
我瞬間向左避開terry既穿心腿,好彩岩岩好避到

皮球直擊terry既左腳,令佢既左腳維持唔到之前既位置
左腳咬落地下
「呀!!!!!!!!!!!!!!!!」terry痛到大叫
呢一下,令我諗起懷斯同阿倫史密夫

嗶!!!球證吹停比賽
我:「喂,球證我冇郁佢喎」
果然球證冇比牌我,因為
terry已經訓左響地,係咁典
軍醫亦check左陣,terry根本起都起唔到身
軍醫只能用擔架枱走佢
terry痛到大叫,根本冇時間屌鳩我

我心諗:「嘩,駛唔撚駛呀?」
Xavier走埋黎:「喂,阿池,頭先做咩呀」
「我省中佢隻左腳,搞到佢落地好似咬一咬姐..」
「抵啦,條仆街咁撚茅」

剩下既時間cu都無心戀戰,睇黎勝負已分

嗶!嗶!嗶!!!!
比賽正式結束

「poly!!!啪啪啪!!!poly!!!啪啪啪!!!」
我地,終於...贏番一次啦

cu既人隨即個個dup哂頭

Xavier佢地攬過黎:「阿池...我地贏左啦!!!」
「多...多謝大家」
「唔好咁講啦阿池...都係因為你,我地先可以一齊踢波咁開心..」

入到更衣室,大家都好hyper咁
呢份喜悅,我諗只有報仇成功既人先會明
Jacky:「阿池,你搞掂未呀?快d去搵你兩個女朋友仔啦」
「知...知啦」
冇錯,我應該早就響完場就搵佢地

同xavier佢地道別後,走出更衣室,就見到
阿白同智詩已經響度等陣我

阿白眼紅紅咁:「阿池.....」
「我..贏左啦」
「嗯,好勁呀你...我同智詩見到你入波都好開心呀」
我除出黑色手帶:「智詩,呢條..手帶,真係有用...多謝你」
智詩紅都面哂:「唔..唔駛...呢條手帶..送比你啦」
「頭先你入果球係幾勁既,不過...」

「你呀...頭先比terry剷到咁就咪再踢啦,一陣傷左咪..」
「放心喎..我冇事呀,你睇下」我比隻腳佢睇,嘩屌真係腫哂
「阿池你隻腳腫哂喎,返去我同你搽下跌打酒啦!」
「邊駛姐,係喎...阿白,今晚係咪有大餐食呀?我已經好肚餓啦」
「嗯,返去好快就有得食架啦」
「係喎,一陣響村口買啤酒先,今晚我地三個隊番夠本啦」
「吓,又飲?」

行過醫療室,見到terry訓左響度,個樣灰哂咁
隻左腳包到實一實
我:「嘩,駛唔駛咁誇呀?包到火腿咁喎」
智詩:「抵佢死啦,頭先咁撚茅,又收山腳又穿心腿」


搭左幾程車,終於返到屋企,果陣都6點幾
阿白已經響廚房住緊餸
我沖完涼,就坐上梳化,睇住智詩打無雙
智詩放低手掣:「喂,阿池」
「做咩呀?」
佢拎起一支跌打酒:「我幫你捽下腳啦,腫到咁」
「駛乜呀,聽朝就散架啦..」
智詩冇理我,直接拎起我隻腳:「邊得呀,一陣整唔好就手尾長啦,又唔係要你捽!」
「呀...好痛」
「係咪呢,你果陣就應該唔好踢啦嘛!」
「點得架?如果冇左我點贏呀?何況terry條仆街...」
「阿池,我寧願你輸,我都唔想你受傷呀...」
「智詩....我冇野喎,依家咪幾好,又贏波,仲行得走得tim」

今晚阿白煮左好多好餸,咖哩牛腩,豉椒鮮魷,吉列豬扒
阿白真係識煮好多野食

阿白:「阿池,恭喜你今日贏波呀!」
「嗯,多謝你煮餐咁好既餸呀阿白」
智詩響雪櫃拎左幾罐啤酒:「嗱今晚一定要飲哂佢架!」

食下又飲下咁,好快我地就食哂d野飲哂d啤酒
我攤響張梳化抖抖,因為已經wingwing地

醉醉地既阿白挨左埋黎
本身我想叫佢沖涼,不過算啦,比阿白訓陣

智詩坐埋黎
「阿池...你今日果招大哨插花響邊學架?」
「唔係人教架...係我上youtube睇左十幾次再練波果陣練幾百次先識架咋」
「咁你都係天才黎架喎..」
「咪玩啦智詩..」

「阿..阿池呀」智詩突然紅都面哂咁
「見你贏番一次,我..我送份禮物比你丫」
「你唔係下話?又...又黎果d野呀?」
「你合埋眼丫!」
「做咩呀」
「你合埋眼先啦,比1秒我!」
「唉得啦得啦」

正響我合埋眼既一刻
「啜!」
智詩一野錫左落黎我個嘴度
係嘴呀,唔係上次咁錫塊面呀

「智詩..你做乜....」
「好..好多謝你..為左我...咁落力去踢波..」
「阿池,今..今次份禮物ok啦掛,又唔駛要你難做啦」
「不過...下次你要送返隻公仔比我架!」
「頂你原來係為左要我送公仔比你,你唔好咁計較啦,呷左阿白咁耐醋」
「邊..邊有喎!」

呢一吻,其實係我既初吻
不過我相信,智詩其實係知既



日子一日一日咁過去
每日每晚,我望住阿白同智詩
我都覺得,呢段快樂既時光過得真係好快


不過,呢段日子,可能只係剩低1個月