無啦啦有兩條女同左我一齊住: 38

38

11月9號
老母返黎前一日

呢幾日都開始亂諗野
到底我以後仲可唔可以同阿白,智詩一齊生活呢?
到底我老母會點睇呢?






我朝早9點就起左身,出到去,個廳冇人
無理由架,智詩平時已經打緊fifa啦喎

入到廚房,淨係見到阿白響度煮緊早餐
不過,炒緊蛋既佢竟然淨係著住一件


白色直間恤衫!!!!!!!
呢種look簡直就係世界上最性感既著法






我睇住阿白雪白既玉腿
忍唔住...又扯左

「早晨呀阿池」
「早晨...阿白你...」
「嗯,做咩呀?」
「你..做乜著到咁呀?」
阿白紅哂面咁:「智..智詩囉,今日拎哂d衫去洗,淨親呢件present果陣先著既恤衫,咁我平時訓教又唔著..」
一講到呢句,阿白都知自己講錯野




「丫..丫..講錯野tim..」

「我...我知呀,智詩同我..講過佢同你訓教都會...」
阿白扁哂嘴:「智..智詩正衰人黎架,爆我d野架」
「一....一係我比我果d衫你著住先啦」
「好丫,唔該阿池!」阿白竟然冇嫌棄
「係喎,智詩呢?」
「佢今日要同katie去做project呀..出左港島,應該今晚先返架啦」
「哦...」即係話,今日得我同阿白

我同阿白食緊早餐既時候
「我只想牽著你...走到很遠的夢裡...」阿白既電話響起

「喂.....唉,原來又係d財務公司電話..」





「咦,阿白乜你鐘意魏如萱架?」呢首係魏如萱既'香格里拉'
因為之前阿白電話都係靜音,所以我係冇聽過佢既鈴聲
再加上依家個個都用whatsapp,所以冇聽過係好正常

阿白好似雙眼發光咁:「係呀!阿池你都鐘意架?」
「嗯..我上年開始聽佢」
「咁,阿池你仲有聽咩歌架?我地識左咁耐都唔知阿池你鐘意咩歌tim」
「嗯...陳綺貞囉,麥浚龍囉..」
「仲有呢仲有呢?」阿白係咁追問
「er...仲有聽d日本歌既...miwa呀..YUI呀咁囉..」
miwa同YUI都係日本女歌手黎,揸結他搵食果d

阿白一聽到,即刻撲過黎捉住我
「阿池..你鐘意miwa?!!!!」
我當堂比佢嚇親:「係..係呀,出道已經有聽」




「啊...原來你同我一樣架!!」
「我身邊都冇人鐘意miwa架...估唔到阿池你都有聽呀」
同阿白傾左成個鐘,都係傾緊自己鐘意咩歌手,咩歌咁

阿白坐左響我隔黎
「估唔到阿池你都聽好多歌架喎...」
「er...都係既,細個有學過音樂,所以都...」
「吓!!!阿池你識音樂架!?」
「係..係呀,中一開始學過結他,係考公開試先唔學咋」
「好犀利呀阿池,原來你又識踢波又識結他架...」
「依家唔識啦,放低左太耐...」
果陣我係因為YUI先去學結他,但係無論彈到幾快既guitar solo都冇人識欣賞

阿白突然挨左落黎
「阿池呀,如果以後有機會既話,不如我同你...一齊去日本睇miwa演唱會丫..順便再同智詩一齊三個去旅行」




「丫...哦..好呀..」

「阿白呀,你唔換返件衫既?我有衫喎...」
其實下面扯住扯住真係好辛苦
阿白你放過我啦..
好彩阿白件恤衫夠長,我仲未睇到阿白條底褲位

「哦...好丫」
我響自己房拎出一套t恤短褲比阿白
阿白響洗手間換完之後:「嘩,阿池你d衫都幾岩身喎」
「係..係咩..」

「阿池,見今日冇野做...不如我地一陣出去睇場戲囉..上個禮拜上畫果套星際啟示錄好似幾好睇呀...」
「都好喎...我都想睇」





我地兩個即刻上網買飛,好彩14:45果場仲未爆,都仲買到兩個連位
晏d食埋少少野,就同阿白出左屯門
「阿池呀,你有冇同過女仔睇戲架?」
「有...一次咁囉」
「同.麗娜呀?」
我點一點頭:「果陣....好似係同佢睇哈利波特」

去到屯門市廣場間ua
「阿白呀,你食..唔食爆谷架?」
阿白細細聲咁講:「唔駛啦,呢度d野咁貴...我飲水就夠架啦」

入到場,我同阿白坐低
intersteller呢套戲係講主角比人選中要去外太空搵適合人類移民既星球,仲要同親人分離
最後仲要響人類未來同見番屋企人兩者之中作抉擇
套野又會講下d黑洞,5D空間咁,都幾新穎得意

之後講到主角個仔由細個,再去到個孫出埋世果陣
阿白就開始喊,流哂眼淚咁
雖然呢part都真係幾心酸

我遞張紙巾比阿白
佢抹一抹,再挨左落黎我膊頭
慢慢,我膊頭都比阿白喊到濕埋


完場之後,戲院既燈慢慢著番
我望住喊到眼都紅哂既阿白,真係我見猶憐
「阿池,對唔住呀,整到你成件衫都濕哂」
「唔緊要...我都睇到有d眼濕濕」
「頭先唔好意思呀,忍唔住..挨左落你度」
我望一望,原來阿白仲捉住我隻手,捉到實一實

睇完戲,我地行多陣個濕鳩屯門市廣場
就同阿白返元朗買餸,返屋企


一開門口,就見到智詩已經坐左響度打無雙
阿白:「咦,智詩咁早返黎既?」
「我同katie快手嘛,咪好快搞掂囉...咦你兩個去左邊黎呀?」
「阿白同左我去睇戲囉..」
「哦!!!!阿池你淨係同阿白睇唔同我睇!大細超!!」
「唔係掛,咁又呷醋?」
「咁...咁果陣你話咩都三..三個人嘛!」
阿白走埋去呵番智詩:「智詩唔好咁啦,最多下次我地三個一齊去睇囉」
「咁..咁就差唔多!」

食完飯
我:「係喎阿白,我聽晚唔返黎食呀,我大舅父生日,我要入西貢食飯呀」
「哦...咁我同智詩兩個食啦」
「喂,我又要去!」
「你去咩丫...佢地都唔識你」
「頂你...又剩低我地自己食好野..」


第二日,11月10日
因為我放下晝4點,咁又冇理由特登返去元朗再出返
又唔想咁早入西貢(西貢真係冇野行)
所以放左學我就周圍行下咁

去到旺角朗豪坊,我諗住去cd warehouse睇下cd咁
不過上果條長到pk既電梯太on9
所以我多數會逐層上,睇下咁啦

上到nike果層果陣
前面見到兩個熟悉既身影
係,麗娜同揸住拐杖既terry
不過佢地並唔係拖住手
因為麗娜已經拖住隔黎既另一位靚仔
周圍既人都圍住佢地,唔知做乜鳩

terry個樣o撚哂嘴:「麗娜,點...點解你拖住佢架?你唔係話我...」
「做咩呀,我當你係atm咋,何況你依家隻腳又搞到咁...」
「by the way,呢個係我既boyfriend,travis」
「八婆,玩鳩我」terry想一拳轟過去
可惜,左腳受傷既佢瞬間就失左平衡,跌響地上

「算把啦terry,我由一開始就只係當你係兵咋,人地travis讀medic,又係籃球校隊,你自量下啦」
講完呢句,麗娜就同果個travis拖住手走
而我食完花生之後亦都離去
當然,無論係麗娜,定係仆左響地既terry,都見我唔到啦
terry見到我仲唔打撚死我咩?

不過,我諗我同麗娜已經完全唔會再有關係
就算佢再搵我,我都唔會再理佢
唯有祝個travis好運啦


大約6點半,我就響彩虹搭小巴入西貢
大約過多九個字,我就到左酒樓

由於我老母果邊好多人,雖然唔係有錢,但係響西貢都好多人識
一入到去,就見到好似搞到擺酒咁多人,都有廿幾圍咁,嘈到拆天
「阿池,呢度呀!!!」
係mari表姐

我走埋去:「hello mari表姐」
「阿池..乜你咁耐架」
我坐低響mari表姐隔黎:「咁早黎都冇用啦,比d親戚問三問四咩..」
「唔好咁啦...咦,阿白同智詩呢?」
「吓,佢地黎都冇用啦,佢地都唔識我大舅父」

坐左一陣,大舅父終於走過黎
「喂!阿池,好似冇見啦!」
「hello大舅父,生日快樂!」幾句門面野啦
「多謝哂喎,你都快d搵返個女朋友啦.....咦,唔見你阿媽既?」
「吓...佢明明話今朝返左黎架?」
「唔好理啦,邊食邊等啦」

我同mari表姐一家,再加幾個親戚一枱
佢地係咁問:「阿池,你依家讀緊乜呀?」
「阿池,你有冇女朋友呀?」
問到我都唔想答

食食下,大舅父帶左條女過黎,大約同我同年紀
不過都幾撚肥下,唔係想介紹我識下話..
「阿池,你認唔認得carol呀?你地之前應該見過架啦」
「carol係我個老死個女黎,佢響科大讀書,好叻女架,個人又純品又乖..」
「哦...hello」其實我唔認得
「hello」個肥婆紅都面哂,好難頂
「阿池呀,不如你同carol試下丫..」
「試咩呀...?」
「試下交往下丫」
屌唔係掛...咁撚大整蠱
冇女都唔屌呢個肥婆啦..

「但係...」
「唔駛但係啦,阿carol好崇拜你架,又話你踢波好叻....」
「大舅父!」
我只係大聲少少,全場人已經靜哂,好似等我講野咁
mari表姐知道我想點,所以都靜靜雞拉住我:「阿池呀..」

「我...已經有鐘意既人啦!」

全場人先呆一呆,心諗:你個死毒撚都有囡?
「佢地就係....」

「江天池!!!!!」
背面傳黎一把聲音
一把熟悉既聲音

我擰轉頭向住門口,係一個好耐冇見既面孔
「你唔係想講,你鐘意既果兩個人,就係依家同你一齊住既果兩條女掛?」
「我係絕對唔會比你,同佢地兩個繼續住」

講呢句野既人,係一個拖住篋既人

我老母