遺傳的眼: 號外～

之前已經一直有講過果d野其實有好多種類，我會喺呢一篇講下大概有咩種類，重有講下果一種未見到已經感覺到嘅能力，同如果見到佢地最好用咩方法保護自己。

到依家為止，我曾經見過嘅佔大多數都係黑影，先講一下黑影，我發現黑影其實都有種量之分，
有d黑影明顯會望落去比較真實，實色嘅，尚存一d人嘅形態，
有d就好似一陣風咁，半透明，散收收好似一團煙咁，
仲有一d好真實嘅黑影，基本上佢地無論行路嘅方式，行為，都同人無大分别，同埋呢一類通常都會擁有自己嘅面孔，但係面一定係白色嘅，
黑影以外嘅就係一d比較像真度高d嘅野，
例如我見過有著杉嘅，
壽衣、校服、長裙、西裝，便服、軍服、中山裝、馬姐杉、甚至見過著官服⋯等等，
但係都會有一d比較明顯嘅分別，




例如面嘅顏色，輪廓，
有d係全白嘅面，無輪廓可言，
有d只有嘴，
有d直情同人一d分別都冇，甚至好似有打扮過咁，如果唔係感覺到唔會知道佢係果d野，
重有d係完全感覺唔到，睇落去係普通人，但係唔小心掂到佢先知嘅，咁耐以離只係見過一次就係果個一齊撘?嘅伯伯，
另外重有d奇怪嘅，例如係身材唔合比例嘅黑影，有時會見到有白色嘅影，重有d可以掂到你嘅，例如之前拉我杉果個高根鞋女仕，
最後有d係全綠色嘅，細過見過一次，開眼之後見過幾次，比我嘅感覺綠色嘅好似特別進取，佢地唔怕人，重會主動接近，而且我直覺覺得係有惡意嘅。

其實大多數嘅鬼係怕人嘅，有小數嘅種類會唔怕人，綠色嘅一定唔怕，好似人咁果d都通常唔怕，仲有小數嘅黑影會唔怕，如果大家見到黑影嘅話你只需要用凶d嘅眼神啤一啤佢，通常都會走，但其他嘅種類就未必有用，咁就要避開，盡量唔好同佢有眼神接觸，尤其係綠色嘅，真係要小心。





至於我嘅感覺其實簡單d離講係起雞皮，不過係有方向嘅起雞皮，舉過例，如果有野喺我後面由左至右咁經過，我背脊至後腦就會由左至右咁起雞皮，初初都冇為以，係有一次我經過一條路，我有睇緊書，突然間左邊面起哂雞皮，我下意識望一望左前方，見到個黑影坐左喺地下，咁佢唔走我唯有繼續行，愈行得近d雞皮就愈西利，經過嘅時候d雞皮跟住黑影嘅方向，距離愈遠d雞皮就會消失。

最後想講下我分享用眼神去啤走佢地嘅方法只係根據我測試左之後嘅結果去講出離，唔係一定啱，我只係一個平凡人，唔係果d師父，而且每個人嘅體質都唔同，好睇人嘅陰陽嘅平衡，所以我見意如果真係見到，最好避開，唔好好奇特登行過去，迫於無奈之下先用眼神試下。

小弟開左一個同步嘅ig:Theyallaroundyou，希望大家多多支持?