你被app選中了嗎？: 第3章 clash of clan

第3章
     “咦？ally, 咁啱嘅！？睇黎我哋真係好有緣喎！”天矢見Ally係考場出面等緊。

   “好出奇咩，我同你都係住港島東。不過呢間桂華山中學都算容易揾。喂，唔係講呢啲既時候。我有驚人發現。”Ally緊張地道。

   “發現？我知啦。係米發現倒我既優點啦。我都知架啦，我既內涵就好似啲女人大肚一樣。越耐越能突顯。”天矢打趣道。

   “唔係啊！鬼理你呢個白痴咩！你仲有無開嗰個app啊。”Ally問。

   “你講金山電池醫生？無呀。你唔講我都唔記得佢啦。”天矢隨意道。





   “你聽我講…”Ally想講嗰時，廣播響起。

   “請考生進入試場…”

   考生陸續進入試場，人潮向門口湧來。衝散了Ally和天矢兩人。Ally只能交待考試完才商討。

   天矢完全無放係心度，佢都唔知點解Ally咁緊張個app. 不過都好，起碼可以同個靚女傾下計，順便談談情。

     天矢打著如意算盤，一副淫蟲樣。時間很快就過去了。





   講檯上既Miss宣佈道：“今日係英國語文考試。而家既時間係8點29分。考試現在…”

   突然間，一陣刺耳既鈴聲響起：“叮~~噹~~”

   “各位考生，而家係遊戲時間。唔係考試時間呢。”一把男人聲蓋過了miss既聲音，係廣播響起。

   考場內的考生和miss都有啲疑惑，以為係乜野大整古。

    嗰把輕佻既聲音又響起：“考試係用黎區分優劣的工具。但是從三月三十號開始DSE已經無用啦。因為我已經被app選中咗。我就係最尊貴既存在。嘿嘿嘿…”





   笑聲好恐怖，有啲令人覺得變態既感覺。

    “搞乜鬼啊，熄咗佢啦。”有考生不悅地大叫。已經有職員去緊廣播室。

    “你哋入面一定有被app選中既人！我哋就黎玩一場遊戲吧。一場死亡遊戲。睇睇邊個先係最後既贏家。成為最勁既app owner! ”

   “我唔怕講畀你聽我既app係咩。係clash of clan. 部落衝突！你哋已經走唔甩啦。係你哋進入咗呢間桂華山中學嗰時，我已經啟動咗app.整間學校已經成為咗陣地。要出去既唯一方法就係打低我，或者我殺曬你哋全部人！”

    “clash of clan, 搞笑咩。邊有可能！”一個考生取笑道。

   只係，好快佢就笑唔出啦。全場所有人都發出驚咦之聲。因為在佢地腦海裡出現咗整個桂華山學校既map. 好似部落衝突咁。

   “呵呵，你地應該睇到啦。考場就係你地既大本。係呢度，你可以睇到你自己既陣地全貌。廢話我就唔多講啦。反正你哋最後既命運都係死…不如諗下點樣享受埋最後既時光啦。”





   最後，聲音以恐怖的笑聲結束。留低既只剩一班莫名其妙的考生和miss.

   “各位考生，我哋既職員已經去緊廣播室。請大家繼續考試。”miss既說話令呢班議論紛紛既考生肅靜了下來。呢一幕只是佢哋人生一個少少既插曲。DSE先係佢哋最緊張既事。好快，考生們就開始動筆。

   但是…呢個時候…

   一個考生站了起來。櫈刮地板嘅聲份外刺耳。

   “呢度有無app owner啊！靠我一個人嘅話實贏唔到架。”見大家望住自己，呢個考生無覺得尷尬，而是好焦急。

   “47號考生，杜鵬飛，請你安靜啲.”miss不悅地警告。

    杜鵬飛理都唔理個miss, 佢攞出手機，舉起iphne 4 大聲講：“我唔講嗰句都講埋啦。我是app owner. 我嘅app是whatsapp! 能力是心靈傳導。只要我加左whatsapp嘅朋友都可以用意念溝通。”

    “佢痴咗線啊，以為自己拍緊美劇？一陣係咪話自己係avenger啊。喂，唔好未上影先上腦得唔得。”佢隔離嘅考生取笑道。





   果然，呢個考生嘅說話引來了一番嘅哄笑。

    杜鵬飛繼續道：“如果敵人真係clash of clan既話，我哋要面對嘅就係野蠻人，弓箭手，哥布林等等…根本唔係一般人可以應付。如果我哋唔聯合起來，先唔講呢度啲白痴仔，你哋都會實死無生。”

    “杜鵬飛，你再出聲嘅話，我就趕你出考場。你同我坐低！”miss大聲喝道。

    “坐低啦，唔洗考試咩！”

   “唔考就出去啦！”

   好多人都不免埋怨。天矢雖然覺得無稽。但是心中嘅不安感揮之不去。佢不由得抬頭找找Ally嘅位置。

   此時，又一個人企咗起來。佢走到杜鵬飛隔離大聲對所有人講：“app owner, 出黎幫手啦。再咁落去，我哋都會死係呢度！”





    “呢兩個人痴…”線字都未講完，嗰考生就發現不少人企咗起身。一個男仔更一邊走一邊用響亮既聲音冷冷地對所有人道：“佢哋講嘅野千真萬確，你哋唔想死嘅話就快啲匿埋。唔好話我無提你哋。”

   “你哋坐翻埋位…”Miss發惱地大喝。

   只是剛才那一個酷男剛聚到杜鵬飛身邊，佢就左手插褲袋，右手舉起，瞄了Miss一眼，隨意地道：“Miss, 我哋全部棄科！”

    “你…”Miss氣得臉都紅曬。

   停下了腳步，他右手也插到褲袋內。似是想到了乜野，酷男轉身對Miss道：“啊，對了，我仲未講畀你聽我叫咩名。我叫做vt vencent tang. ”
能力圖解
https://www.dropbox.com/s/imp3og9n27he9ou/clash%20of%20clan.png?dl=0
https://www.dropbox.com/s/bwmz62krdhtx4ap/baterry.png?dl=0
https://www.dropbox.com/s/owxjfmkecnjowp7/whatsapp.png?dl=0