第5章
     正喺天矢搞緊自己個app嘅時候,七八個考生終於行咗過黎。行喺前面嘅係一位一米八嘅飛機頭男仔。成個款就係一個陽光男孩feel. 陽光男孩對天矢佢哋講:“我叫denzel. 我哋唔係app owner. 不過,我都覺得事有蹊蹺。所以諗住加入你哋。”

    多一個人就都一份力量。大家都樂見其成。呢七八個考生,四男三女就好似韓國沉船意外嗰啲生還學生咁。最起碼佢哋踏出咗最正確嘅一步。

    “咁各位,加咗我whatsapp先啦。我個whatsapp必需要加咗,同埋要online先可以心靈傳導架。”杜鵬飛對所有人講。

    過咗十五分鐘,杜鵬飛終於加曬所有參與者。仲開埋個whatsapp group. 天矢也總算知道自己嘅能力。原來只要佢揸住舊電,慢慢使用金山電池醫生1%既電量就可以叉電。天矢唔敢開打電量,萬一大過頭,電池爆炸咪死。雖然是1%,  但是叉咗十五鐘,電池已經有50%電量。即係講,半粒鐘就可以叉完一舊電。呢個能力…天矢真係無乜面目堆番埋。根本就係廢柴。人哋一係就心靈相通,一係就補血。我補電得黎仲要慢到仆街…

   “好了,大家聽我講,依我嘅諗法,大家要分兩批行動。一批就係叉電同揾多啲後備電做彈藥。另一批就係去探索,睇下係咪真係走唔出去桂華山中學。一直以黎我哋都係聽嗰個人嘅片面之詞,如果佢係虛張聲勢嘅話,我哋就蠢咗啦。”VT又開始指揮。



    大家都點頭認同,杜鵬飛接住講:“呢度最聰明係你,就聽你支笛啦!”

   “探索嘅話我哋唔使派咁多人,就揾三個人啦。你,你,你三個。”VT指咗天矢,denzel, 同一個男仔。

    “我?好啦。”天矢本來就唔想聽VT指揮。但係鬼叫自己無鬼用咩。

   “你哋最好分唔同方位進入。我建議一個正門出去,一個從圍欄出去。一個就係後山坡個度出去。咁樣可以了解對面嘅陣營。我會用clean master抹去你哋嘅存在感。你哋如果真係入咗對方嘅陣營就要盡量深入啦。”VT吩咐咁話。

   事不宜遲,VT一邊解釋一邊開啟clean master, 再用手掂佢哋:“而家我用clean master能力1抹去你地三個既存在。無人會記得你地三個是邊個。直到我解除能力。”



  果然,天矢畀VT掂完之後,佢已經唔記得咗denzel同一齊去嘅男仔。喺其他人眼中,天矢三人憑空消失咗,連記憶都係。只見到VT不停咁指住前面空位吩咐。

   出咗考場之後,天矢佢哋腦入面嘅影象果然唔無咗。考場外環境都好安靜。正正是考試嘅氣氛。無咩唔妥。天矢佢哋分開唔同嘅方位前進。天矢被安排到正門。

   whatsapp能力係開住嘅,大家都莫名其妙地聽到三把陌生嘅聲音在描述出學校的經過。

   黎到正門,天矢已經發現奇異之處。佢睇唔到門外嘅馬路,佢嘅面前就好似有一幅牆咁。

   天矢個心跳得好快,佢慢慢咁伸出手摸向嗰幅牆。奇怪既事就發生啦!天矢隻手穿過咗牆,佢睇唔到自己隻手。好似好多漫畫入面要進入異空間咁!



    天矢好似觸電咁抽翻隻手出黎,佢郁下隻手,見隻手無乜野先放心咁穿過去。

   先係腳檻咗過去,然後成個人入咗去。天矢緊張到死,點知第一眼睇到嘅野令佢好疑惑。

   “咦?我未穿過去咩,點解仲係桂記嘅!”天矢望住桂華山中學入口。但是好快佢就知唔同啦。因為門口附近有一座明顯嘅箭塔。無錯,是clash of clan嘅箭塔。

   剎那間,天矢嘅冷汗冒咗出黎。如果唔係有clean master嘅幫手,恐怕天矢一入到黎就會被箭塔射死!

   天矢腳軟軟咁向校內走去。與此同時,考場內嘅人開始見到另一個桂記嘅全貌。因為天矢三人不停從不同方位走入桂記。好似game入面兵仔探路咁。

   好多考生都停咗筆,腦海入面兩個桂記嘅出現令到佢哋好驚訝。最緊要嘅係其中一個桂記有箭塔,炮台。操場上仲有十五隻野蠻人,十隻弓箭手,三隻炸彈人,同埋一隻巨人!!野蠻人有米八,九,同啲健身肌肉佬無咩分別。弓箭手都同想像中無太大分別。只係嗰隻巨人!足足有三米高,闊都有兩米。成幅牆咁。根本就係一部坦克!

    睇到呢個畫面,唔止是學生,連老師都坐唔住啦。整個考場開始緊張起來。一個Miss走咗出考場,未出到去嗰時已經見到佢攞起手機打緊。其他miss阿sir就盡量安撫考生。



    app owner和無能力嘅幫手臉色都好唔得去邊。App owner嘅能力唔高,戰鬥力根本不足。對面有野蠻人,又有弓手,仲要有一隻巨人。本陣更係密不透風。勝算簡直低到一個點。

   “阿飛,依家係時候向考生收集電池啦。你帶啲人去攞啦。”VT吩咐。

    杜鵬飛依言照做,帶著其他人去遊說考生。而VT自己就趁人唔注意行到暗角處。當大家既目光都聚焦到杜鵬飛等人身上時,VT攞出手機,嘴角露出一抹鬼異的笑容,手指按實home鍵,clean master成咗縮圖,然後手指向左一劃…

   clean master關閉…......


=======
=======
好啦,小說已經成咗形,算係穩定咁展開咗。我都要寫翻平凡啦。因為平凡先是我既首選。呢個只是嘗試。   
已有 0 人追稿