你被app選中了嗎？: 第6章 被發現
第6章
天矢按照VT嘅吩咐向坡上嘅籃球場進發。佢相當小心，沿著樓層下的走廊行過去。天矢時不時留意住走廊對出嘅操場上怪物們嘅狀況。天矢感覺自己就好似喺虎口入面羊咁，隨時畀人分屍。
呢個時候，操場上發生咗異樣。中央嘅炮台竟然開始轉動起來。天矢見住佢慢慢地對住自己。
“咦！？”天矢冷汗都出咗黎。
“轟！”炮彈向住天矢射黎。天矢本能地下蹲，炮彈從佢嘅頭頂飛過。射到去canteen入面。一聲猛烈嘅爆炸聲響起。
喺真嘅炮彈啊！天矢嚇得差啲失禁。爆炸的轟隆聲…火藥味…佢就好似置身喺戰場一樣。
“快啲走啊！”天矢聽到聲，手已經被人往前扯。天矢抬頭一睇，原來係denzel.
“篤…篤…篤…”箭啱啱射喺天矢剛才的地方。
天矢和denzel死命地向前跑，跑向小賣部嘅方向。然後行樓梯，向坡上嘅籃球場跑去。Denzel跑喺前面帶路，佢嘅體能好，跑得又快。天矢搏曬命跟喺後面。
“我哋從籃球場的圍場爬出去！”Denzel指住門嘅出面。正喺坡上嘅籃球場。天矢呢個時候都六神無主啦。梗係聽Denzel佢講啦。點知Denzel砰一聲推開門。籃球場正中央竟然有箭塔。箭塔感應到人，馬上開始射擊。
Denzel嘅反應好快，佢轉身想逃翻入去樓梯。可惜，佢啱啱撞正衝出黎嘅天矢。正因為呢個moment, 箭直接射入中佢嘅肩胛骨。藉著箭嘅力量同埋denzel嘅搏命反撲，Denzel和天矢跌翻入去樓梯間。門也應聲關埋，擋下了幾枝利箭。
“Den....Denzel, 你流血啊！”天矢摸到Denzel肩上的血液，嚇得呆一呆。
“嗚~想不到在大城市裡都會有中箭嘅時候！”Denzel自嘲咁講。佢強忍住痛楚爬起來，天矢扶住佢，繼續往上層逃跑。點解？因為佢地聽到來自下層傳來的腳步聲。Clash of clan嘅怪物已經追緊來啦！！
上多一層，天矢佢地諗住從另一邊樓梯走。點知，走廊上已經有幾個野蠻人張牙舞爪咁衝過黎。
“再上！”Denzel緊張地吩咐。天矢驚到嘴唇都白了。佢嘅心好矛盾，因為佢覺得再帶住Denzel走嘅話，遲早都會被追上。留低佢？天矢又良心不安。
呢個時候，天矢聽到Denzel自言自語咁講：“我唔可以死架，我仲諗住考完試就同卓言表白。我絕對唔可以死喺度！”血液順著Denzel嘅手臂流下來。但是佢嘅速度明顯加快咗。
野蠻人的速度好快，天矢和Denzel剛踏上第三層。佢地已經同天矢只差一層樓梯。Denzel一腳把垃圾桶踢落去，但是垃圾桶對野蠻人黎講根本沒作用。反而垃圾桶入面嘅膠袋起到了擾亂嘅作用。
“再喺咁，我哋走唔甩架。我哋匿埋喺間課室先！！”Denzel指住第三層第二間課室。
Denzel和天矢啱啱入咗課室，野蠻人和弓箭手就到咗第三層。失去咗天矢和Denzel嘅蹤影。佢哋開始周圍搜索起來。
天矢和Denzel匿喺講臺後面，佢哋郁都唔敢郁，大氣都唔敢唞一啖。只是好快佢哋就覺得唔妥啦。野蠻人和弓箭手開始喺課室外擾攘。唔通佢哋察覺到我哋喺度？天矢不自覺地往後退。手掂到一啲黏滑嘅野。佢一睇，原來是Denzel嘅血！！
呢刻佢明白啦，野蠻人佢哋係跟住Denzel嘅血追黎。
見到天矢手上嘅血跡，Denzel瞬間明白咗。原來係自己選擇咗一條死路…
Denzel有啲絕望，佢艱難哋喘住氣，臉色有啲蒼白。佢講：“對唔住啊！如果唔係我，你可能走得甩！”
“唔瞞你，我啱啱都想賴低你。不過我過唔到自己嗰關。”天矢同樣係萬念俱灰。一副等死嘅樣。
“砰！”後門被一拳砸開。野蠻人開始湧入黎。
天矢嚇咗一跳，那種恐懼感又擁咗上黎。“我唔想死啊，我唔想死啊！”佢驚到打顫。
“喂…天矢嘛。與其畀佢哋分屍。不如我哋跳樓啦。話唔定死唔去呢！”到咗最後，Denzel依然抱著些許求生嘅僥倖心理。
聽到腳步聲越來越近，天矢都有啲坐唔住了。然而Denzel最後的說話卻啟發咗佢。天矢回應咁講：“你講得啱，我哋跳樓啦！”
“估唔到你啱啱咁騰雞，依家又幾勇猛喎！”Denzel虛弱咁講。
天矢裝咗一眼野蠻人，見佢哋黎講臺仲有六米左右。佢立刻對Denzel講：“Denzel, 你仲有無力啊！我哋而家就跳出去。盡全力跳出去。知道無！”
天矢突然行出黎，佢一野攞起臺櫈掟爛隻窗。然後佢大叫：“Denzel跳啦！”呢個時候野蠻人已經撲過來。天矢唔知邊度黎嘅力量，攞起張臺就拍過去。但係佢只覺得自己好似拍中牆咁。
Denzel已經括出去，直接起跑跳出窗。弓手嘅箭險而又險咁擦過。呢個時候嘅天矢，佢手中嘅臺已經畀野蠻人好似tempo咁扎埋一舊。天矢畀野蠻人嚇到即刻轉身跳出窗。好彩佢啱啱係弓箭手的死角，被野蠻人遮住咗。
兩個人就咁從三樓跳咗出去…