【渠底奇兵】《我，就係踩單車跌落渠果個肥仔》（已爛尾）: 08.5

「我覺得呀白好可愛呀！」食完飯呀汶都係同我一齊用部ipad睇故。 

同女神肩及肩咁睇故，講真我睇唔入腦，對唔住西野巴打！ 

「我就覺得智詩正喇，身材好份人又好玩。」 

「呀冬你既重點係身材好。」 

「下…哈……邊係呀。」 



…… 

唔知呀汶仲記唔記得我中二曾經同佢表過白既事，但睇佢好似完全無相關記憶咁。 

唔記得就最好啦！ 

同呀汶睇完故～佢就眼訓入左房～ 

咁我就拎番粗口妹出黎傾計喇。 



「VENUS，妳估呢個呀俊有咩魅力，令到呀汶同呀雪都鍾意佢？」 

「反正人地有Ｄ你無既野囉，例如靚仔啦，成績好啦，咁囉。不過呢Ｄ野根本就無用，因為你好快…」 

講講下又做咩停左呀大佬？ 

「我好快咩呀？！」 

「無野，你做曬功課呀撚頭？」屌，粗口妹居然關心我做左功課未？！ 



「屌！係喎。」 

二話不說即刻打比我唯一一個會做功課既朋友－－呀雪。 

一響佢就即聽左。 

「喂？肥冬，做咩事呀？」把聲好似心情好唔錯咁。 

「肥雪，我想問呢，妳做左暑期功課未呀…可唔可以…」 

「得啦，聽日拎番黎比你啦，好喇byebye~」 

望住電話顯示對話全長１３秒，我真係唔知笑好定喊好。 

以前打比呀雪點都會傾下計講下果日番學既野先講bye，唔係講笑呀雪把聲好好聽。 



我以前成日都話佢可以去做配音員。 

但係估唔到而家我同佢就得番呢13秒。 

算啦，佢可能有野做緊？～ 

我一打比佢，佢就聽左電話，咁即係佢一路拎住個電話啦。 

我即刻打開個whatsapp，見到佢在線上。 

真係有少少震驚。佢以前次次個上線時間都係幾日前咁。 

同邊個傾緊計呢…係呀俊嗎？