【渠底奇兵】《我，就係踩單車跌落渠果個肥仔》（已爛尾）: 10

終於好番曬既我，就當然係要番學啦！ 

番到去未入課室就即刻比呀洪呀晨夾埋左一邊。 

「喂！你尋日做咩無番架？！」呀晨問 

「癡線尋日好日子呀你都唔番？！尋日女神大駕呀！」呀洪說。 

「咩野女神呀？！」 



「Ｂ班少女mandy，鍾智汶呀！！！」 

「下，即係咩意思呀？」 

「尋日鍾智汶入左地我地Ｃ班呀！」呀晨真係好誇張。 

我既同居好朋友做咩野呀？ 

「所以呢？」 



「搞到成班安靜曬，班仔望撚實佢呀，你睇唔到咋，班長呀家銘掛住望女神望到仆左街爆曬血呀！」 

家銘平時份人幾自大，對住我地講話自己係中上樣，仲話邊個唔認同就打撚死佢喎。 

唉，可惜可惜，我錯過左。 

「咁咋～～碎料姐～下次叫家銘表演多次咪得囉。」 

「真係唔係講笑，鍾智汶真係好靚好有氣質，靚到我都唔敢同佢講野」呀洪真係好鬼廢。 



「４大女神之一喎，緊係啦。」呀晨一副專家口吻。 

我只係知有三大女神，一個係呀汶，一個係呀晨既女朋友呀樂，一個係Ｄ班既馬家晞。 

但仲有一個呢？

「唔係得三個咋咩？」 

「你覺得呢？」呀晨指向我座位的旁邊…… 

對……呀雪而家已經係一個好靚好受歡既女仔… 

而我都仲係一個柒頭。 

「下，係咩？有咁既事咩？喂你地睇下，中上男神黎緊呀！」 



真係唔想同佢兩條粉腸多講，我即時閃番去個位度。 

呀雪已經一早坐左係度喇。 

「肥仔冬做咩事尋日唔番黎！」都係同一個惡狠狠既表情。 

以前既呀雪詮釋得可笑，而家既呀雪詮釋得可愛。 

唉我真係好唔習慣呀呀呀！！！ 

「我病左呀。」 

「我知呀～」 



「知妳又問？」 

「你想唔想知，係邊個話我知架？～」

「下……邊個呀正美？」 

「邊個係正美呀肥仔，打Ｊ打到傻左呀你？係鍾智汶呀！好講喇！你同佢係咩關係？佢居然識得黎搵我叫我話比老師知你唔番！不過佢真係好靚女喎！」 

正美係叫緊妳囉，妳真係好似呀！ 

「哦，普通朋友姐～小學就識架喇～果日落左樓見到佢，我又忽然間唔舒服，咪叫左佢幫我囉。」 

唉，呀媽今次真係好事多為。 

「係唔係咁簡單呀？！不過都係既人地都唔會睇上你呢個肥豬仔架啦～」 



嗯…即係呀雪妳而家，都已經睇唔起我喇？ 

「其實你唔舒服…點解唔打比我呀…？我幫你咪得囉。」 

屌妳啦我都唔想架，如果唔係呀媽亂黎，我一早自己打左去請假啦。 

「哈哈…哈……下次啦。」 

「好呀～下次肥冬你幾時病呀？～」佢已經換上左以前既膠笑。 

唉對呀汶我係陌生中帶一點熟悉；但係對住呀雪我係熟悉中開始有一點陌生。 

「頂妳啦咒我！呀屌我Ｄ功課呀！！！」 



「算吧啦～～尋日一定要交呀～～鬼叫你唔番姐～～」呀雪係度幸災樂禍！ 

「ＰＫ喇呢獲又要留一個星期堂喇。」 

「唉…今次本小姐我好心，幫你做左幾份讀書報告交左，跟住果Ｄ你自己搞掂佢呀！」 

原來靚左咁多既呀雪，對我都仲係咁有義氣！

「多謝你呀肥雪！！！」簡直係我今日聽過最開心既消息呀！ 

「我已經唔肥喇，死肥冬！」妳仲係肥架，只不過肥係一個愈肥愈好既部位咁解姐。 

「今日lunch！我既！」我好唔容易都要豪一次！ 

「今日…我…我下午唔得呀…」 

「做咩事呀？我地唔係日日…都一齊食架咩？」 

「我…我今日約左人食飯呀。」 

「邊個呀？呀俊呀？」 

「嗯………」 

「咁呀，咁咪好囉～～～加油呀！」我都懷疑自己點解講得出呢句野。 

唔洗你答我，我都知啦。 

屌你！俊？邊撚度俊呀？！！！！！ 

我係鍾意呀汶……但係，我好似都有Ｄ鍾意呀雪… 

可能係以前已經鍾意同佢相處既感覺……但係到佢而家靚左咁多…我先察覺到佢有可能以後會離開我身邊…成為人地既女朋友。 

唉，我係以貌取人？定係因為感覺到會失去，先察覺到要珍惜呀？ 

真係好想呀雪變番以前肥肥地既宅女… 

人真係好撚犯賤。