【渠底奇兵】《我，就係踩單車跌落渠果個肥仔》（已爛尾）: 13

話咁快又到左第二日。今日係睇肉堂，顧名思義會有好多女仔露肉。 

我地間學校正常校服好柒，但係運動服卻係別出心裁。 

布料使用度雖然係唔係少，但係會透！ 

加上都算係短褲，大家都可以睇到一白滑既小腿同小小大腿咁。 

令到校園生活生色不少。 



當然我都好期待女神汶同埋變左身既呀雪會係點既樣啦。 

所以我既大腦自己略過左體育堂前既所有事。 

即係而家要上堂喇。 

呀雪同呀樂一行出黎，基本上我地二十幾個男仔都係眼甘甘。 

呀雪已經唔係著緊肥妹仔果陣時果套。 



今日呢套有少少緊身，唔係開玩笑，睇真少少係完全見到成個bra型既。 

睇住佢一路快步行一路同班女同學笑住講，一對目測E cup既波彷彿上下搖動緊，我真係覺得佢既舉手投足都好靚。 

到底係邊個發明我地學校既運動服架？點解佢仲未拎諾貝爾獎？？ 

今日先發覺原來我以前係咁少望呀雪架。

至於呀樂，由於佢係呀晨女朋友，我都唔好意思過份地意淫。 



但係佢都真係有波有腳有氣質有性格。 

如果話呀雪係大胸；呀汶係長腿，咁呀樂應該係全能型。 

「哇！好大呀。」呀洪已經目瞪口呆。 

「點解佢地唔鍾意我？我明明咁中上！」一旁既家銘班長都不自覺地感嘆。 

「屌你地唔好望住呀樂啦，屌！」呀晨，其實班男仔以前堂堂都係望住你女友黎幻想架啦。 

而家多左呀雪分散左視線，你咪要還神囉！ 

「好心你地啦就咪鬼咁明目張膽好唔好？」我心諗望咪望囉，你地洗唔洗嘩然呀？ 

「慘慘豬肥冬，呀雪而家咁靚你係咪好後悔自己唔一早落手呀？」呀晨真係講中我心聲。 



其實我以前根本就係習慣左呀雪既存在，以為佢點都會係我身邊。 

陪我放學食番傾電話。當左佢係一個唔拖手既女朋友咁。 

即使佢以前成日講個呀俊有幾靚仔，我都只係微微不滿後一笑置之。 

而家諗番，係我自己唔珍惜。 

哈，不過人地根本一直都只係當我朋友。 

「喂肥冬你唔洗比佢講兩句就咁既樣喎，你唔記得拿，你有三條煙架！睇下～」 

呢個時候，我見到呀汶既身影。



只見呀汶慢步行入操場，係佢地班二十幾個女仔當中，就好似一粒最閃最閃既明珠一樣。 

果種文靜如水既氣質真係令到人大氣都唔敢抖。 

真係唔怪得上次呀洪話連講野都唔敢。 

雖然呀汶咀角係有上揚既弧度，但係比人既感覺係有種氣場令你唔敢接近。 

一把馬尾雖然係成日見，但係配落運動服度又有一種好清爽同新鮮既感覺。 

最重要當然係一對腳，從翹起既臀部望到去佢對鞋，真係一條好靚既線條。 

完全附合Ｄ人成日講既，多一分或者少一分都唔得，完美！ 

呀汶身材真係好過明星mandy，至少我係咁認為！ 



當然我都唔能夠望住呀汶個屁股同對腳咁耐，有咩都係番屋企先睇啦。 

好快就分好曬男同女，女仔係做伸展運動；男仔就跑圈熱身。 

唉，肥仔最憎跑步，而且仲無得睇波波同長腿。 

「任務觸發：以比陳俊逸更快的速度完成熱身跑步，積分加二。」 

VENUS真係一條不折不扣既仆街粗口妹，叫親我做既野都係我做唔到既。 

我望一望企左係我不遠處既呀俊，身高米八，感覺上幾陽光，一睇就知係做開運動。 

話唔定佢成日都單手游出公海。



咁靚仔又真係難怪咁多女仔鍾意佢，睇番我地班都只係得呀晨同佢有得揮。 

不得不提既係呀晨份人其實都好全能，識幾種樂器又識唱歌；仲要運動都唔錯，跑步好快。 

所以咁完美，咪有個咁正既女朋友呀樂囉。 

佢地真係話左比我知咩叫郎才女貌。 

「肥冬，就係呢個呀俊？」呀晨望住呀俊，基本上呀雪鍾意呢位俊兄係我地五個人當中公開既秘密。 

可笑既係我地幾個咁多年來都無同過呢個呀俊同班，對佢可以話係一無所知。 

「係呀，呀雪眼光都唔錯喎。」 

「唔好扮野啦肥冬，係人都知你唔開心啦呢幾日。」估唔到呀洪既摩擦力都咁勁。 

咩唔開心，我有得同女神玩wii，又有女神煮野比我食，陪我睇故。 

不過好似呀汶都係鍾意……

「你估我同呀晨唔知你對呀雪不嬲都有好感，即使係以前唔靚既呀雪。」 

「我仲記得上年果堂家政堂，呀雪整左盒唔知咩炒飯。」呀晨忽然話當年。 

「唔講我以為係炭黎，但你竟然食曬，就算係肥仔都會咁飢不擇食啦。放Ｄ屎落肚。」 

其實佢講得岩…我唔知屎係咩味，但係我諗果盒野同屎比起上黎都不惶多讓。 

但係當呀雪四萬咁口走過黎同我講：肥冬請你食丫，我試左好多次架岩岩。 

（應該係用同一盒飯試炒左好多次。） 

我真係唔忍心講一聲唔好。 

而最後我真係食曬。當然我以前係同自己講，肥冬你講義氣，係義氣仔女。 

原來有時候，感情係不知不覺中建立。 

但係當要流逝既時候，你根本捉唔住。