樓下有喪屍: Act 7 超市血拼

「．．．完全圍封好，之後嘅封閉工作都已經準備好晒，我地可以睇到警方已經喺隧道口候命。另一邊鏡頭，依度係紅隧現場，同其他過海途徑一樣，警方已經圍起鐵馬，只要特首一下令，所有主要嘅過海隧道都會完全封鎖。至今只係發生兩日嘅喪屍災難，死亡數字估計已經超過四百萬，由於事態緊急，特首決定將重災區，即東西鐵線沿線既九龍新界區同港島區分離，阻止情況漫延。特首今次．．．」
 
「無綫啲新聞都好信嘅屌你！」求撚奇說
 
「段新聞咩意思．．．」阿立看呆了
 
「即係話．．．政府放棄我地依邊嘅生還者．．．？」阿強說
 
「好似係．．．」勤力德說
 




我們都意志消沉了，只有呂晨繼續吃著魚生．．．
 
「屌那媽！宜家坐係度頹都無撚用架啦，總之引開門口班柒頭，出左去再算啦！」求撚奇突然站起來說
 
「咁又係．．．既然事態已經變成咁，我地唯有自己諗辦法．．．」阿強說
 
「好，首先我地要引開喪屍，之後出去．．．去．．．去邊．．．？嘢食呢．．．？」阿立說
 
「要嘢食，我地就要佔據Market Place，但係要殺晒佢地．．．唔容易．．．佢地數埋都可能有三四十隻．．．」我說
 




「唔．．．我有個諗法．．．」呂晨一邊吃魚生一邊說
 
「請講．．．」阿強對呂晨的胃口開始有點看不過眼說
 
「鎖晒啲喪屍入嚟咪得囉。」呂晨一邊吃魚生一邊說
 
我們全部人都靜下來了．．．
 
「唔．．．其實我都知唔得架啦．．．」呂晨一邊吃魚生一邊尷尬說
 




「提議係好．．．但係點做先得？」阿立說
 
「佢地唔會自己乖乖地排隊入嚟架喎．．．」阿強說
 
「如果咁呢？用廚架分開廚房做兩個空間：大門同電視，我地同窗口；用布遮晒成個架，打開門，將電視開到最大聲，引喪屍入嚟。入到咁上下，我地就由窗口走，再將窗口由外用木板又好咩都好封實佢，再反鎖返度門，咁咪成功引晒啲喪屍入去囉。就算唔係全部，都起碼一大半，剩低嘅．．．殺晒都．．．其實唔難．．．好似係．．．」勤力德說
 
「哇．．．」阿立呆著了
 
「唔．．．唔得？」勤力德沒有信心說
 
「直頭掂啦！！就咁話啦！」我說
 
「不過，要有人開門．．．即係有一個人要去引喪屍．．．」勤力德說
 
「求撚其啦！我去啦！」求撚奇說




 
「唔好，你戰力係我地之中最高，你要喺窗口一出去嘅時候守住窗外．．．唔．．．我諗．．．我引啦。」我說
 
「．．．但係我地用廚架分開左廚房，你開完門，點過返嚟．．．？」阿立擔心說
 
「個架最底嗰格離地都成尺，我可以喺下面爬過嚟。主要其實係開門，引一下，佢地未入嚟我就已經過返嚟架啦。」我說
 
「好！咁就咁決定，做嘢！」阿立說
 
我們把廚架放在計劃的位置上，依照計劃把布料掛起，意外地還找到了數把鋒利的肉刀。整個「陣」都佈置好了，我們便準備開始！
 
「嗱，我一開門，你地就留意窗外情況，喪屍入到嚟咁上下，求撚奇就走出去係咁殺！阿立即刻過去閂門鎖住，阿強就用刀防守另一邊！」我說
 
「好！」大家異口同聲回答
 




我拿著鐵撬，另一隻手緊緊捉著門的扶手．．．
 
一．．．二．．．三！！
 
我用力把門拉開，果然外面就有一堆喪屍！我立即回頭跑向電視機並不斷按下音量鍵！同時喪屍們立即湧向我！！！
 
「快撚啲快撚啲快撚啲快撚啲快撚啲．．．」我不斷按
 
在我看來，電視機的反應很慢！電視慢慢大聲，喪屍便愈來愈近，我也愈來愈著急！！此時眼看已經有大概二十隻左右的喪屍迫進來了！
 
「開窗出去啦！！！唔掂啦！！！」我大叫著
 
果然立即聽到他們開窗的聲音，同時喪屍也愈湧愈多，我立即跑向廚架．．．慢著．．．窗子不算大，他們要續一穿過．．．如果這時候．．．我爬進廚架後．．．喪屍們不就會跟過來？？？我們如果來不及出去．．．不就把他們都害死？怎．．．怎麼辦？？
 
在我思考的同時，喪屍也已經走到三尺距離了！！不能再近了！！我立即用鐵撬攻擊！一隻兩隻三隻四隻．．．不行．．．它們太多而且來得太快了！！此時廚房門被關上！即是說他們已經全部走到外面？可是我已經被喪屍包圍了！！根本沒可能慢慢爬過廚架！！




 
「流主！！！你做咩唔出嚟！！快啲啦！！」阿立大叫著
 
天呀，拜託不要大叫．．．這只會引來更多喪屍！！同時我一邊殺一邊思考．．．真的不行了．．．我全力用鐵撬刺向前方的喪屍，但由於我已經殺了不下十隻喪屍．．．雙手已經疲憊不堪．．．一時間沒有力氣把鐵撬拔出來．．．旁邊一隻喪屍乘機一口咬向我的肩膀！！幸好我的皮褸又再救我一命．．．我慌張下立即一腳把它踢開，同時把鐵撬拔出，但是我卻站不穩整個人撞向廚架，把廚架推倒了！幸運地，廚架剛好就卡在窗口之下！！！我立即爬過去，用力撲向窗口，阿強和勤力德拼命把我拉出來，同時我看到阿立和求撚奇在奮戰！驟眼看來，我們附近已經剩下只有四隻喪屍了！但是由於廚架倒下，喪屍開始想由窗口爬出來！！
 
「求撚其搵人搵幾件板嚟！！呂晨打開我個袋，搵鎚仔同石屎釘出嚟，灰色盒嘅！！快！！！」我大叫著，明明剛才還說別人不要大叫．．．
 
求撚奇四處張望，找尋著木板，呂晨也在我的袋子尋找工具，我，阿立和阿強不斷把想爬出來的喪屍擊殺．．．
 
「依塊得唔撚得呀！？」求撚奇找來了一塊有些許濕氣的木板來
 
「得呀得呀，有幾多拎幾多嚟！！」我說著立即把木板按在窗口處
 
阿立和阿強使勁按住木板把喪屍擋住，呂晨立即把鐵鎚和釘交給我，我對準位置把木板釘封著窗口，求撚奇不斷拿來木板，我便把它們都釘上去．．．幾經波折，總算把窗口牢牢封住了．．．
 




「呼．．．呼．．．好撚緊湊呀屌你老味．．．」求撚奇抹汗說
 
「啲木板邊度搵返嚟？濕濕地嘅？我驚唔頂得耐．．．」我說
 
「唔好講咁多啦，我地盡量拎多啲嘢食嘢飲，快啲過去酒店啦。」阿強說
 
於是，我們分成兩組，用購物車分頭尋找食物。我們也發現，只要我們不製造聲響，遠處的喪屍是不會主動走過來，知道了這個特點，對我們非常有利。
 
「好，我地宜家出發去酒店。」我說