樓下有喪屍: Act 17 進化腐朽
「我諗我地要四圍搵下嘢食啦，一係咁啦，Apple留低，我地三個男嘅就去搜括下鄰居有無食物，藥物都要，最好有咩覺得啱用都拎啦。」我說
「好呀，我食埋就行，你地行先啦。」善良說
「我都要去廁所先，你行先啦，我地分頭搵可能仲快啲。」基仔說
他也許沒有說錯，反正這大廈沒什麼喪屍，數量不多我也應付得來，不用照顧兩個小子我也樂得清閒．．．就自己先行吧。
我走到下一層打算開始搜索，才發現大部份單位都被搜括過了．．．而且有數個單位都有屍體，我繼續走．．．不知怎的總有一種奇怪感覺．．．我搜到下一個單位，同樣有一條屍體．．．這已經是第五條了．．．慢著．．．回想起來．．．有數個單位的屍體都是衣衫不整的女性．．．男性屍體也有，但是只有兩具．．．我走近這個單位的女性屍體查看．．．這不就是基仔他們的學校校服嗎？可是這個女生身上沒有被咬的痕跡．．．難道！？
事有蹊蹺！我立即跑回自己的單位！
只見基仔和善良竟然把衣衫不整的Apple綁起來了！連她的嘴巴也被貼紙封住了！顯然他們不懷好意！
「啊．．．？你咁快返嘅？點呀？想玩埋一份呀？」基仔說
「你地知唔知你地做緊乜嘢呀？？」我不敢相信他們的所為
「緊係知啦，制服誘惑呀嘛！大佬．．．聽日可能就無命啦，宜家唔玩，幾時玩呀？弱肉強食呀巴打！」基仔說
我還未回應，善良已經從旁向我揮刀！幸好我反應夠快避開了，更使力用腳把他踢開！
「啊，好好打咁喎，咁你快唔快得過子彈呀！」基仔拿著Apple的手槍指著我說
「．．．你兩個恩將仇報．．．」我說
「點話點好啦。善良，今次益你，你上先！」基仔示意善良先強姦Apple
「嗚．．．嗚．．．嗚嗚嗚．．．」Apple滿面淚水，不斷搖頭掙扎
「你試下掂佢！！」我大喝一聲並踏前
「嗱嗱嗱！你咪郁呀，子彈無眼呀！」基仔用槍瞄準著我的頭部
距離約五尺．．．
「．．．當我求你地．．．我比晒我地嘅嘢你地，你地放左佢．．．」我說
「哎呀，求我呀？好呀，我就要你條女！」基仔得意地說
就在他自鳴得意的一秒，我立即撲上前，把他按在地上！他反應不及，我已經先送他一拳！再立即拿走他的手槍。
「哇！！好痛呀．．．流鼻血啦．．．」基仔按著鼻子說
「哇．．．對唔住呀大佬．．．玩下咋．．．」善良立即求饒
不知怎的，我對Apple就是有一種親切感，我不會棄她不理，更不會讓別人傷害她．．．可能是因為她原諒過我吧．．．．．．但是這兩個小子明顯地已經不是第一次做這種事．．．他們不值得原諒！
「好好玩呀呵？」我說
我說著便走到善良面前，用鐵撬揮向他的腦袋！他立即倒在地上，頭部也流出大量紅色的鮮血．．．
「哇！！！唔好呀大佬！！！！放過我呀！！！你要殺就殺善良啦！！！佢未死得晒架！！！大佬對唔住呀大佬！！」基仔不斷求饒
其實我知道我不應該殺他們，但是，我真的很忿怒，我不會再讓我身邊的人受傷．．．一路來到這裡．．．我一早已經想找個地方發洩失去同伴、被人連累、被人出賣的怒氣．．．
我沒有回應基仔，我用鐵撬使勁揮向他的小腿，俗稱「上五寸下五寸」的位置，基仔的小腿頓時被打得扭向一個詭異的角度，明顯已經是折斷了。基仔痛得大叫倒地，淚流滿臉！
「求我呀？」我說著便把他的另一隻腳也折斷了
其實我心裡也在發抖．．．我知道自己正在做什麼．．．連我自己也害怕起來．．．但是．．．我告訴自己，我需要繼續下去．．．這一刻我認為，只有這樣做才可以變得堅強，弱肉強食四個字，確實提醒了我一件事．．．
世界已經變了。
把這兩個死不足惜的小子四肢折斷後，我把他們由門外的欄杆處掉到大廈中間的地下。活生生地掉下去，整個過程我都看著，由掉下到著地，我都看著。
我回到屋內把Apple嘴巴上的貼紙輕輕撕開。
「Apple．．．妳點呀．．．佢地係咪已經．．．」我緊張地一邊替她鬆綁一邊問
「你走開呀！！！！！」Apple卻突然一腳踢開我，當然她的力度並不能造成甚麼傷害
「妳．．．做咩呀．．．我救左妳喎．．．」我不明所意
「係呀．．．你救左我．．．而且仲趕得切佢地咩都未做添．．．但係你知唔知你殺左人呀！！」她大聲叫罵
「我．．．佢地抵死個喎！」我說
「你頭先都搶返把槍啦！趕佢地走咪算囉！！你使唔使殺人呀！？仲要打斷晒佢地啲手腳！！！」Apple愈罵愈大聲
「放佢地走？？佢地已經除晒妳啲衫綁住左妳啦！！！佢地係強姦犯呀！！」我說
「但係你都唔可以殺人架！！！」Apple開始哭起來
「唼．．．宜家個世界已經唔同左．．．道德已經唔係犯錯可以得到原諒嘅藉口．．．」我說
「咁你呢？你都諗過強姦我架！我咪又係原諒左你！」Apple哭著說
「我．．．我真係無嘢好講，救左妳仲要比妳屌！都話架啦！！女人信唔過架！做好人無好結果架！！我宜家就強姦妳，比妳知道妳嘅觀念係錯！！！」我也哭著叫罵，我真的十分傷心，一次又一次地傷心
「我係唔想你變左殺人魔！唔想你無左自我呀！！我地嘅初衷唔係殺人呀！係求生呀！！」Apple哭著說
「我都係為左求生．．．」我說
「頭先個局面係你已經控制到架啦！！第二個殺人我唔理．．．但係我唔想你殺人呀！！你係一個好人嚟架！！！」Apple哭著說
「我．．．」我無言．．．
「你頭先係為左求生而虐待佢地咩！？」Apple哭著說
這的確是，我虐待他們，是因為忿怒而已．．．
「我．．．已經返唔到轉頭．．．」我說
「．．．．．．其實．．．人已經殺左．．．的確係返唔到轉頭．．．但你可以去補救！只要你唔再亂殺人．．．去幫助更加多嘅人，你就可以保持自我！你有足以殺人嘅能力，就一定有足以幫人嘅能力！」Apple說
我又再一次哭了