樓下有喪屍: Act 36 惡毒的命運

「我放手啦．．．你地捉實呀．．．」我說
 
我慢慢放手，他們便慢慢放我下去。我整個人被懸掛在安全帶上，看著下方數千隻喪屍．．．我不禁十分後悔自己剛才意氣用事．．．．．．但是，到底呂晨說了甚麼？求撚奇昨晚在洗手間所說的話是甚麼意思？而且為甚麼才過了一晚，他的態度會轉變這麼大？？
 
聽著喪屍的低鳴聲，我被拉回到現實。下方百多隻喪屍已經發現了我這塊新鮮的魚餌．．．而且，注意到我的喪屍也愈來愈多．．．
 
現在的高度，只要我伸出雙手，便能勉強觸碰到子誠．．．只要我能雙手拉住他已經向我高舉的雙手，便可以把他拉上去．．．老實說，如果是阿凝的話，我真的不知道她如此嬌小要怎麼拉子誠上去．．．
 
「大．．．大鑊！！」這是阿健的聲音！！
 




我立即回頭看上去，原來用來借力的欄杆開始屈曲了！！！！
 
「拉佢上嚟啦！！！快啦！！！！」這是華女的聲音！
 
可是，明顯一切都太遲了！！我突然掉下了約一尺之多！！喪屍的手都已經能抓住我了！！！！！喪屍群眼見美食就在咫尺，全都開始瘋狂起來！！！！
 
「仆街！！！」我不斷擺動四肢，盡力甩開喪屍
 
「你唔好係咁郁啦！！！愈郁愈重架！！！」阿健叫下來說
 




「我屌你老母嗰陣就唔好郁呀！！！！！佢地捉到我啦！！！」我也發狂大吼
 
此時，一雙喪屍的手狠狠抓住了我的頭部，更發出讓人顫慄的低吼聲．．．它，偏偏便是子誠！他的瞳孔已經被成黃色，就連眼白的位置也被紅根染成血紅色！他已經被撕裂了的一張血盤大口，不斷向我咬過來！也許．．．他還有生前，被我間接殺死的記憶吧．．．難道．．．我真的要這樣子死嗎．．．？
 
「唔好放棄呀！！流主！！！」是華女的聲音
 
沒錯，我不能放棄的．．．怎麼也好，我承諾過Apple，要救他們出生天．．．至少是華女！！！！
 
此時，我才留意到子誠一直都背著了我在學校時給他的肉刀！我立即把它拔出來，一刀砍向他的腦袋！然後牢牢抓住他的手腕，同時間，華女她們也開始把我拉上去．．．
 




總算，雖有大驚有小險，但僥倖地保住了性命，從地獄被吊回到地上．．．
 
「流主！！！！！」我爬回到二樓，華女便立即抱著我不斷哭泣，老實說，若不是她抱著我，我應該已經打人了，還好她把我冷靜下來
 
「你無事呀嗎？」想不到阿凝會問這個問題
 
「死唔去．．．．．．」我說
 
「呼．．．好險．．．」阿健一把汗說
 
「應該係依隻啦。」阿凝從子誠身上搜到她要的資料了
 
我險些兒便死了，想不到大家還真冷漠．．．難道一點歉意都沒有嗎？
 
任務完成後，我們便立即回休息室。




 
「．．．果然，啲資料喺晒度．．．」阿凝看著手提電腦說
 
「咁究竟係咩事？？」盧Sir問
 
「．．．太多文件啦，而且都係英文，我需要時間。」阿凝說
 
「．．．．．．我想去沖個涼。」我說著，便自己走到浴室外的衣物櫃房
 
我脫下上身的衣服，仔細地檢查身上有否被抓到的傷痕．．．還好，安然無恙。
 
「流主．．．」
 
一把聲音從後呼喚我的名字，我回頭一看，竟然是呂晨！！
 




「妳過嚟做咩．．．唔好行埋嚟．．．．．．」我說
 
「．．．對唔住。」呂晨說
 
「．．．．．．妳想點？」我說
 
「你知道我嘅嘢．．．而我，唔想依啲嘢比其他人知。」呂晨說著，竟然開始脫下衣服！！
 
「．．．妳以為咁樣，我就會原諒妳？」我說
 
「我只不過係唔想死．．．如果大家知道左我係點，比求撚奇知道左我殺財神，佢地一定會掉低我．．．」呂晨說，同樣殺了不少人的我倒是明白她的心情
 
「妳放心，只要妳唔再搞事，我唔會再提。」我說
 
「．．．我始終都唔放心。」衣衫不整的呂晨竟然真的走過來抱著我！！！




 
「．．．妳痴乜撚嘢線！！！我唔會受妳依招架！！」我推開她
 
「嘻，係咩？」呂晨突然微笑
 
「．．．？」我不明所意
 
豈料，她竟然突然尖叫！！！！此刻我才察覺到她一直在盤算甚麼！！
 
果然，求撚奇他們一伙人應聲衝進來！！！
 
「佢想強姦我呀！！！」呂晨哭著說
 
「妳條八婆！！！」我怒不可遏
 




「仆街，你條冚家剷！我睇撚錯你呀！！！」求撚奇衝上來打了我一拳，我立即被打跌在地上
 
「流主！！！」華女大叫
 
「你老母！！！你比呂晨呃撚左啦！！！」我爬起來向求撚奇揮拳，可是卻被阿健他們制止了
 
「．．．你話呂晨呃我地．．．咁啲片你又點解釋？」盧Sir說
 
「我咪話左事情唔係咁囉！！」華女說
 
我完全不明白他們說甚麼片段．．．我們回到休息室，才知道他們竟然看著商場閉路電視的錄影！！
 
「依啲係我喺保安室個電腦Download落嚟，頭先諗住整理一下啲片段．．．」阿凝說
 
她把她自己的手提電腦接駁到電視上，而播放中的片段正正便是我在昇降機把子誠踢向喪屍群的畫面！
 
「喂．．．當時咁嘅情況，好正常啫！」我說
 
「咁依段你又點撚樣解釋？」求撚奇說
 
接著的片段，竟然是我在保安室如何殺死那數個保安！！！
 
「係佢地郁我地先架！！華女個家姐仲比佢地強姦左呀！！」我說
 
「．．．但係片段入面睇唔到喎。」盧Sir說
 
「呃．．．．．．」這確實死無對證
 
「．．．當日你搞左我．．．之後我地失散左．．．宜家重遇返，你因為有第二個而唔肯認返我．．．我都原諒你．．．但係你宜家仲想強姦我．．．仲原來殺左咁多人！！！你變態架你！！！財神可能根本都係你殺！！！」呂晨哭叫著
 
「妳條八婆咁撚樣都講得出！！？係妳開槍打財神架！！而且係你出賣我地架！！！求撚奇你唔好信佢呀！！Brandy我有同妳講架！」我說
 
「Brandy尋晚都有同我講呀，就係咁，所以我先知撚到原來你係一個咁撚仆街嘅人！搞完人唔撚認仲要屈鳩呂晨殺人，想我地賣甩佢！！」求撚奇說
 
「我．．．．．．」我無言以對了
 
「．．．我覺得你太危險啦．．．為左大家安全，請你立即離開，如果唔係．．．就唔好怪我．．．」盧Sir用手槍指著我說