超靈視雜誌社: 四章－真性異言靈（完）

山洞內如今空空如也，全部幽靈人跟黑洞都消失了，只剩下我和弦玥兩人。
 
我們慢慢步出山洞，然後在洞外等待著我們的理所當然就是一群武裝的黑衣人。
 
「呢個就係妳既計劃？藍弦玥。」黑衣人的首領向弦玥問道。
 
「所有幽靈人已經消失，包括被 Sampo 接管同研緊既幽靈人都無一倖免；而量子電腦我亦都已經將佢銷毀，你地再冇能力可以係短時間內重新製造到幽靈人。」弦玥回答。
 
「咁又未必，妳唔好忘記我地最初想帶走樂介翔既目的。」黑衣人首領說：「只要可以解讀到凱米薩米語，就可以繼續有關靈魂既研究。」
 




「我情願死都唔會幫你地做事！」我向黑衣人大喊。
 
「你冇選擇既權利。」黑衣人首領冷聲道：「女既殺死，男既帶走。」
 
弦玥和一眾黑衣人同一時間舉槍，但依然阻止不了黑衣人──
 
呯呯呯！
 
──突然有人影衝過來，展開雙手擋在我們和黑衣人的中間。
 




「我唔會俾你地傷害我既家人……！」
 
是藍社長！
 
「嘖！將所有 Sampo 既人制服！」
 
這是女王的聲音？
 
接著一班特種部隊從叢林衝出，在電光火石間把一半的黑衣人射殺，再將剩餘的黑衣人壓倒在地上。
 




「社長！」
 
出現在女王身後的紡瑩，聲嘶力竭，跑向臥倒在地上的藍社長。
 
「爸……爸……？」弦玥看見全身浴血的藍社長，雙手掩臉哭不成聲。
 
黑衣人首領被兩名特種部隊拘束壓在地上，並且兩枝槍口貼在他的頭。黑衣人首領說：「原來你地真係存在……你地一直以黎就係咁……將你地認為唔適合出現既科技毀屍滅跡？抑或係將 OOPArt 據為己有？你地憑咩去『管理』人類？」
 
「你擁有既技術已經超越左你呢種蠢人既極限。」女王說：「我地已經同一時間攻陷所有 Sampo 既據點，由呢一刻開始所有 Sampo 關於靈魂既研究都會由我地接管，直至人類適合運用呢種技術為止。」
 
「妳想就咁將靈魂研究埋葬係黑暗入面，唔俾世人知道？」黑衣人首領笑著說：「我唔會俾妳咁做，哈哈。」
 
然後從他的口袋裡掉下了一個鐵球，黑衣人首領說：「呢個就係幽靈人製造既靈魂炸彈，一分鐘之後全香港就會知道靈魂炸彈既存在！」
 
如果靈魂炸彈被引爆，死傷的人數將會數以百萬計！




 
此時再次地動山搖，大概是幽靈人實驗所引發的餘震。山洞口開始崩坍，碎石散落地上。
 
弦玥跑向黑衣人首領，把掉在地上的靈魂炸彈拾起，說：「就等我將呢樣野永遠埋葬。」
 
「妳打算做咩──」
 
「翔哥，再見。」弦玥跑向山洞裡面，企圖將炸彈連同自己一起活埋。我追上去阻止弦玥，卻被紡瑩拉住了。
 
「阿翔，唔好去！」
 
「放開我！」我大力把紡瑩推在地上，看見她的雙腳擦傷流血，但依然哭著哀求我不要走。
 
終於，在弦玥跑進山洞入面時洞口也一同倒坍，而我只能目送弦玥最後的背影從黑暗中消失。
 




「全部都係妳既錯！點解妳要拉住我！」我大聲罵紡瑩。
 
「因為我唔想阿翔你死啊……」紡瑩低頭跪在地上哭著說。
 
──啪！
 
女王給了我一記耳光，「你仲要任性到幾時！」
 
接著女王下令所有人離開現場，而我亦不能夠例外……我不可以辜負弦玥的犧牲。
 
──最後一次地震，從已經崩潰的山洞裡面傳來巨響，將我們這幾個月的經歷永遠埋葬在地底之下。