再一次愛上沒有放下的舊情人: 十九

「岩岩老闆話升我職，今晚同你出去食飯好無」我whatsapp跟Karen說

見佢未覆，應該仲訓緊教，我都唔想炸佢機，淨係同佢講我煮左早餐比佢食，叫佢記得起身食就算

隔左一陣，見老闆仲未有野比我做，亦都唔見我既秘書搵我

眼見差唔多lunch time，新官上任我就通知呀Wing一陣叫同事去附近酒樓食飯，咁當然講明我請佢地先去啦

當然我亦都一早已經留左檯，免得一陣等位等餐懵



我打開房門，望到對面老闆房既老闆正在責罵緊一個同事

依個同事既面影好熟，但又肯定唔係我地公司既員工，咁我無理到，直接打比老闆，廢事阻到佢做野

「老闆，我地依家去食野，你去唔去？」

「唔洗啦，我仲有野做，你地食得開心啲啦，仲有，以後如果唔係咩大件事你唔洗通知我架啦，你係公司副經理黎」老闆語氣唔太友善

「咁好啦，我地出去先」講完我就收線



「行得未？」我問呀Wing

「佢地去曬架啦，我執埋小小手尾就行得」

「我等埋你啦」我說，只見呀Wing微笑著，然後執拾手頭上既文件

由於間酒樓唔係好遠，係寫字樓附近，行左五分鐘到就到，入到去，我亦都主動同大家講清楚

「其實大家見到我個陣唔洗好似見到老闆咁扮做野，我都知平時你地辛苦，只要你地做到野，我唔會理你地平時做成點」



依餐飯，大家都有講有笑，亦都忘記左好多上司下屬既關係，相比好多大公司，上司只係將所有野比下屬做，已經好好多

「到低你用咩方法哄到老闆升你架」James笑說

「要哄既咩？」我暗串佢無實力

「聽講你個新秘書好靚，身材又正」James一邊淫笑一邊說

「我鬼知咩我又無見過，係呢，呀Wing你有冇見過」

「無呀，你都見我忙都透唔到氣架啦」呀Wing面紅地說

我真係好好奇，到低係邊個做我秘書

我比完錢，就同佢地一行人一齊番公司，我一打開門，見到老闆同岩岩個位新同事企埋一齊



「依個係副經理既新秘書」老闆將新同事介紹比大家

我同呀Wing不禁驚訝，我心諗，點解佢係到架！！！